مبارك عليكم الشهر، الله يعيده علينا وعليكم أيّام عديدة وأزمنة مديدة لا فاقدين ولا مفقودين، الله يجعلكم ممّن يصومونه ويقومونه بلا كلَلٍ ولا ملَل ❤️
#زينة
يمة گلبي يرجف حسن يگولي احبج لا فوگاها عاشگني مرة وحدة والله محظوظة اني بس
ميصير انطي مجال صدگ كيفت وعرفت اني هم احبه
لحسن بس لازم ابيع ثگل حتة ليگول خفيفة
واخاف گاعد يختبرني معناتهة اذا صادگ يجي يخطبني
يعني انتظر ونشوف اذا صادگ او لا
گعدت الصبح الليل كله گضيته احلام طلعت من الغرفة
جان حسن نازل من الدرج باوعلي وضحك عززة گبل صديت ورحت ركض للمطبخ وياهم
#حسن
رحت على مريم وگتلهة اخر الاحداث والثولة گامت تهلهل سديت حلگهة گتلهة شبيج تردين تفضحينة
گالتلي والله فرحانة عرفت جية ريهام راح اطلع غيرتهة گتلهة يمعودة هو اني غرت اكثر منهة
بس لهسة هية متدري ريهام محجوزة لأبن عمهة
گلتلي اي متدري واني گتلهة ريهام تحبك ورايدتك
وگاعد تتقرب منك علمود تاخذهة بس نبهتهة متگول لأحد
گتلهة اي زين سويتي لتروح تموت ريهام من الصدمة هي كاتلة نفسهة على ابن عمهة زين ماماتت من الفرحة من نهة عليهة وگال اخذهة
ضحكت وگالت والله صدگ بس اعرف زينة متحجي
وانتة استعجل واخطبهة گتلهة ان شاء الله بوية يدري رايدهة وباجر احجي ويا
گعدت الصبح لگيتهة تطلع من غرفتهة جتي عيني
بعينهة ضحكت بس هية انهزمت وين تنهزمين
شياخذج من ايدي بعد گعدنة على الريوگ كلما تباوعلي تلگاني اباوعلهة خطية وجهة صار مثل الطماطة والله يزينة ناويلج على اشكال والوان بس
تصيرين حلالي
طلعت اني للديوان وگاعد افض طلايب ولدنة وما اگدر افض طلابتي رجعت الظهر تغدينة ورحت على بوية
گتلة يابة شوكت تخطبلي زينة گلي شوكت متريد اليوم اخلي امك تحجي وياها گتله خوش
#زينة
خبلني حسن بس يباوعلي واني ميتة بدمي وهاي
مريم ذب حجي وتضحك علينة وعلى نظرات البوگة
مالت حسن يا ربي متت من جتي خالة حنان
تگولي حسن متقدملج شنو رأيج باوعتلهة تحجي فرحانة گتلهة ما ادري گلتلي فكري وباليل رديلي خبر
جنت اغسل مواعين العشة وافكر بموضوع حسن
جان يطب اويلي على الأحراج جنت بوحدي بالمطبخ
اجة جان يگول ها عيني شوكت تردين الجواب
هذا ليش يحب يحرج الواحد گتله ما ادري بعدين منو گلك اوافق
گلي وداعت عيونج الحلوات وداعت هالشفة يلي اريد اكطعهة توافقين
صرت حمرة هاي شديحجي گتلة هااي شنو حسن ترة انتو مو مؤدب ضحك گلي اووو من زمان غير انت
متعرفيني گتله زين وخر اريد اروح گلي راح اوخر بس من تصيرين حلالي محد يفكج مني الة اطلع ضيم گلبي من ورة عشگج
انهزمت ليش يحجي بجرئة يمة گلبي راح يوگف وهو بس يضحك بس فدوة ضحكته تخبل
طبت خالة حنان وگالتلي ها بنتي فكرتي گتلهة اي فكرت وموافقة ان شاء الله گامت تهلهل اوف ياربي
هسة عرف يلة هو اول وتالي راح يعرف جتي مريم وگالت ها فرجت ونطقت گتلهة عابتلج گالتلي لتحجين علية اني حماتج وگامت تضحك
#حسن
اخخ بوية من سمعت امي تهلهل فرحت وگام گلبي
يدك واخيرا گلت لأمي ترة باجر من الصبح اجيب السيد علمود نعقد وراها نطلع گبل للمحكمة گالتلي
على راحتك
واجة الصبح ورحت للسيد جبتة وعقدت عليهة وجان رجل عمتي غادة هو وكيلهة يابة صرت احب سورة الفاتحة حيل بسببهة صارت مرتي
طلعنة وراها للمحكمة وكملنة عقد الزواج گتلهة زينة ترة العرس ورة عرس مريم باسبوع
گالتلي بعد وكت مريم بعد يومين تزوج گتلهة هاي هية مو زين ماگلت باجر منين يجيني صبور
امي گالتلي يولد استحي اني گاعدة وابوك گاعد
اما عن زينة البنية ماتت من الخجل
ابوية يضحك باوعتلهة صدگ وجهة راح ينفجر من الخجل اي تعالي لحظني واني اعلمج الخجل على اصوله
#مريم
واخيراااا ممصدگة حسن سواها وصارت زينة مرته
ردت يصير عرسنة سوة بس حسن گال لا كل واحد بوحده اني بعد يومين العرس وهمة وراية بأسبوع
#زينة
وصرت خطيبة حسن اليوم طبيت للبيت ركض رحت لغرفة مريم باركتلي گتلهة مريم ولج خايفة گالتلي
على شنو تخافين اشو اني يلي عرسي بعد يومين
مخايفة شبيج بابا اخذي نفس وگومي خلي نشتري
غراض الج غير الفستان يلي راح تلبسي بعرسي اني وحمودي گتلهة ولج دلعين خطيبج گدامي عادي گلتلي اريد اعرف حاجية گدام ولد لو بنية ولج بابا مو كلشي مستحة خطية اخوية شراح تسوين بي يمكن اذا يريد يبوسج تگوليلة وخر حرام
گتلهة اسكتي ولج استحي وامشي شوكت نروح للسوگ گالت العصر .
يتبع....
𖣔 𓍱００:００𓍱
𖣔 ℱ𝑟𝑜𝑚 ℐ𝑟𝑎𝑞 𓊮
𖣔 ڪُل ما هـو بسيط مُـبهࢪ 🌾🍒🍃
