- मॉन्स्ट्रोसिटीच्या मागील भागात आपण वाचलंत -
आरोमा आणि इतर सर्व रॉबर्टचा शोध घेत पुर्ण इमारतीत फिरत असतात. जेम्स ला पॅसेजमधुन पुढे जात असताना बोगद्यात असलेल्या तळघरात एका लोखंडी पिंजरावजा खोलीत काही हत्यारे सापडतात. अरोमा, जेम्स, सोफिया आणि सारा पुढे जाऊन पुन्हा एकत्र येतात आणि थोड्या वेळाने तिथुन अरोमा एकटीच रॉबर्टला शोधत पुढे निघते. पुढे गेल्यानंतर अरोमा एका किचनसदृश्य खोलीत प्रवेश करते तिथे तिला एक भयानक आकृती रॉबर्टचे शरीर आपल्या खांद्यावरुन वाहत किचनमध्ये असलेल्या मोठ्या टेबलवर ठेवताना दिसते. ती आकृती रॉबर्टच्या शरीराचे तुकडे करु लागते. ते पाहुन आरोमा दबक्या पावलांनी तिथुन पळ काढत सर्वांच्याकडे येते. ती सर्वांना सांगतच असते तितक्यात एक गाठोड्यात रॉबर्टचे मुंडके त्यांच्या समोर पडते आणि सगळ्यांची तारंबाळ उडते. सर्व अजुन सावरणार तितक्यात अरोमाच्या गळ्याला त्या भयानक आकृत्या फास लावताय आणि ती तशीच वर उचलली जाते. डेव्हिड तिला पकडण्यासाठी धावतो पण अरोमाचे मुंडके धडावेगळे होत जमीनीवर पडते. डेव्हिड तिच्या रक्ताने नखशिखांत भिजतो आणि तसाच पळत जाऊन दरवाज्यावर लाथ मारत तोडल्यावर सगळे बाहेर पळत जातात. अचानकच घडलेल्या या भयानक घटनेने सर्व आपल्या गाड्यांकडे पळत जातात पण गाड्यांची बॅटरी आधीच गायब झालेली असते म्हणुन सर्व पुन्हा थंडीने गारठुन मरण्याच्या भितीने .. पण काहीसे सावध होत पुन्हा इमारतीत जायचा निर्णय घेतात.
आता पुढे,
इमारतीत घुसताच डेव्हिड आणि जेम्स इकडे तिकडे पाहत चपळाईने जवळपास कुणी दिसते का ते पाहत सर्व मुलींना घेवुन शेकोटी असलेल्या खोलीत शिरले. सगळे सुखरुप खोलीत जाताच डेव्हिड सगळीकडे नजर फिरवत आत आला आणि दरवाजा आवाज होऊ न देता लॉक करुन टाकला. अरोमाच्या रक्ताने माखलेला डेव्हिड दरवाज्याजवळच धापा टाकत उभा राहिला. जेम्स त्याच्या हातात बॉक्समधील काही फाईल्स घेत सर्वांच्या जवळ आला आणि वेड लागल्यासारखे बडबडु लागला.
ESTÁS LEYENDO
मॉन्स्ट्रोसिटी
Terrorआता डेव्हिडला शेवटचा पत्ता उचलायचा होता. यावेळी डेव्हिडने सर्वात शेवटच्या पत्त्यावर बोट ठेवले.. त्या स्त्री ने पुन्हा आधीच्या पत्त्यांसारखे तो पत्ता सुद्धा उचलुन पाहिला. पत्ता पाहताक्षणी तिच्या चेह-यावरचा रंग उडाला. तिचे स्मितहास्य गायब झाले. तिचा ह...
