صدفه ياس

البارت السابع

ما كان حبا من النظره الاولى❤

بقدر كونه طمأنينة من الدرجه

الاولى مثل ان ينظر المرء

الى شي ويستريح به 💞

................💟❤💟..............

ياس من شفت هل بنيه ما اعرف شنو الي

صار بيه اني بعمري ما مباوع لمره ابد
ولا اهتم الهن

بالرغم هنه الي يذبن نفسهن عليه اله هل طركاعه من شفتهه

ماعرف حالي نكلب صرت جني وليد مراهق طايش وما

اعرف شنو حجيت وياهه شنو تصرفت

الحد ما جبتهه البيتي يله شويه سيطرت

على نفسي لان الحجيه صاكرتني بيوم الي جبتهه

امي لعبت بيه طوبه ومقبلت تبقيهه الى ان كتلهه اذا هي

طلعت اني هم اطلع تردين تفشليني وي صاحبي يله قبلت بس

ضلت شاكه انو بينه شي

وسوتني مصاحبهه

الصراحه من شفت امي هيج تحجي

خفت على البنيه
مبينه فقيره

وامي اذا حطت احد براسهه

تكرهه بروحه بس بالتالي ما اكدر اسويلهه
اكثر
من هيج
عذراء الساعدي

وتين خلصنه ورحنه كعدنه يمهم امهم صافنه

عليه واول ما كام ياس اخذتني

لغرفتهه بس سدت الباب وبدون مقدمات

كالت شنو البينج وبين ياس

سالفه يتيمه وما عدج احد ما خشت

عقلي احجي الصدك شتردين من ابني وشراسمه
بالج عليه كولي

وتين وكتاب الله ما بيني وبينه شي

وهو صدك لان شافني ما عدي احد راد يساعدني

وحق القران ما راسمه على شي انه بنيه

يتيمه وما بقالي شي غير شرفي احافظ عليه

ومستحيل افرط بيه علمود الدنيا ونزواتهه

اذا انتي مرايدتني بيتج كولي وانه اروح واكله

ما ارتاحيت عدكم بس لا تتهميني بشرفي..

اني ما اتهمتج بشرفج لا تكوليني حجي اني ما كلته

اني كلت شنو البينج وبينه اقصد خاف

يحبج تحبينه هذه مقصد كلامي

وتين لا خاله والنبي كلشي ما بينه اصلا

البارحه اني شفته شوكت لحكت احبه لو حبني

اذا ما مصدكه ما بينه شي احلفلج عالقران..

لا ماكو داعي تحلفين مسحي دموعج وتعاي احاجيج