- طب ما ممكن الحدوته تكون بدأت بحلم ؟
=ممكن وليه لأ ..
--------------------
" كل واحد فينا عنده حلم خاص بيه مختلف عن باقى اللى حواليه حلم بتاعه هو بس بيحاول يوصله بطريقته ، فى اللى بيحلم بشغل و مكانه مرموقه ، وفى اللى بيحلم ينجح ويتخرج ، وفى اللى بيحلم بشريك لحياته وحياه خاليه من المشاكل ، وفى اللى بيحلم يعيش قصه حب ويتكلم عنها كل العالم زى مثلا قصص الف ليله وليله وازاى شهرزاد قدرت توقع الملك شهريار فى حبها ، او ان مجنون ليلى عمل المستحيل عشان اهلها يوافقوا ، او روميو وچوليت اللى حبوا بعض بالرغم من الصراعات العائليه اللى كانت بنهم ، هل كان فى حد من ابطال القصص دى عارف انه هيفضل ذكرى او قصه جميله وتكون رمز للحب بتتحكى لينا فى كل زمان ومكان اكيد مكنوش يعرفوا وقصتهم كانت مختلفه لدرجه خلت العالم كله بيتكلم عنهم ، مش صعب ان الانسان يعيش قصه حب مختلفه عن اللى حواليه ، لان كل قصه بيكون ليها تفاصيلها الخاصه اللى بتحليها فى عيون ابطالها ويحسوا انهم عايشين اعظم قصه حب ، لكن الصعب انهم يعرفوا يحافظوا على الحب ده لحد اما يبقى حدوته لطيفه تتحكى وتبقى رمز للحب .. يمكن يحصل ليه لأ .."
------------------
8/9/2019
- لو سمحت ؟
( كنت ماشيه بسرعه تقريبا كنت شبه بجرى متأخره على الشغل ولازم اوصل بدرى انا دايما متأخره و متسرعه مش عارفه كان مالى انا ومال الكلام ده ما كنت قاعده فى بيتنا متستته و متهنيه وكل حاجه بتيجى لحد عندى كان لازم اقولهم ابدا لازم اشتغل وانى اندبندت ومن ، كان عندهم حق فعلا لما قالولى انى ومن متسرعه و عيوطه مكدبوش عليا لأ بس طبعا مش هروح اقول لانى ست جامده جدا ومش هبين ضعفى لحد ابدا ابدا مهما حصل .. وقفنى صوت حد بينادى عليا بصيت ورايا لاقيته شاب حليوه كده واقف وباصصلى وبيمد لى ايده )
= نعم بتكلمنى انا ( بصيت على ايده بخضه وزعقت بصوت عالى ) محفظتى دى اه هى محفظتى اه يا لص يا حرامى واخد محفظتى بتعمل بيها ايه هاا لالا انا هصوت والم عليك الناس يااالاااهههو..
(قرب منى بسرعه وحط ايده على بوقى )
- اخرسى تعرفى تخرسى وهو انا لو لص او حرامى هنادى عليكى ليه .
( شيلت ايده من على بوقى بسرعه )
= وسع ايدك دى وبعدين ايه يثبتلى انك مش لص وحرامى هاا !
- بصى على شنطتك مفتوحه على اخرها وانا كنت ماشى وراكى بالصدفه وشفت محفظتك وهى بتقع فناديت عليكى .
( بصيت على شنطتى لاقيتها فعلا مفتوحه شديت من ايده المحفظه حطتها فى الشنطه و قفلتها كويس وبصتله وانا مكسوفه منه )
= اه يعنى انت مش لص ولا حرامى معلش اصل انا متسرعه شويه او كتير بس الحمد لله محصلش حاجه ( لفيت عشان امشى و بعدين بصيت عليه تانى ) اه صحيح شكرا .
- العفو وعلى فكره لص هى هى حرامى ..
= لاا تفرق كتير بين انك لص وبين انك حرامى يعنى مثلا ..
- بس بس مش هناخد درس هنا ده انت رغايه وبعدين ده شكل واحد لص او حرامى يعنى ؟
= ( بصيت على ملامحه الهاديه و هدومه الكلاسيك وشكل وقفته قدامى وعضلات دراعه البارزه و شعره الاسود وعيونه البنيه ) بصراحه لا
- اهو شوفتى
= طب يا سيدى شكرا على المحفظه و سلام بقي عشان متأخره
- لحظه بس
= ها ايه تانى !
- هو احنا اتقابلنا قبل كده او نعرف بعض !
= جايز اتقابلنا وجايز لا .. يمكن مثلا فى كافيه او مطعم او فى الشارع زى كده او فى الحلم ليه لأ كل حاجه جايز تكون حصلت واحنا منعرفش ( وابتسمتله وسبته واقف سرحان ومشيت قبل ما يرد عليا ما هو انا بردو مكنش ينفع اقف معاه كل ده مهما كان ده غريب عنى وكمان متأخره على شغلى)
- ايوه ايوه صح انا شوفت.. ( راحت فين ، كانت لسه هنا قدامى فضلت ابص يمين وشمال بدور عليها اختفت فجأه ملقتهاش ، بصيت للسما واخدت نفس طويل وابتسمت جايز فى فرصه تانى او لقاء جديد ، كملت طريقى وروحت شغلى )
