Sya si Ashley. Maganda, simple, maykaya sa buhay at higit sa lahat napakswerte. Paano ko nasabi? Walang umaayaw sa kanya, lahat ginagalang, nirerespeto at minamahal sya.
Pati nga boyfriend ko gusto din sya. Sigurado ako na kapag nakita mo rin siya, magkakagusto ka din kay Ashley.
Mahinhin at masayahing tao si Ashley. Kahit ako napapasaya nya, importante din sa akin si Ashley dahil matalik ko syang kaibigan.
Ngunit isang araw nawala na lamang siya. Hinanap ng mga tao, hinihintay ng karamihan at pinag-usapan dahil bigla na lamang naglaho.
Naghiwalay kami ng aking nobyo sapagkat napagtanto daw niya na si Ashley ang mahal niya, ang matalik kong kaibigan ang gusto niya.
Una pa lang naman ay alam ko na dahil walang-wala ako kay Ashley.
Hindi na ako nag-dalawang isip na palayain siya dahil alam kong hindi na rin naman siya sasaya sa akin.
Isang araw, inaresto ako ng pulis at sinentensiyahan ng apatnapung taon na pagkakakulong.
