للسلاح شياطين

الفصل التاسع

سهام أفكارها اتجمدت زى ما جسمها كمان اتجمد وبقى زى التمثال هتعمل ايه ؟!ولا هتصرف ازاى؟! الخوف سيطر عليها هى لسه متعرفش احمد بيعمل ايه فى اوضة امل بس هى حست أنه اللى بيعمله هيضر امل ..
سهام بتوتر وخوف : نعم !.
احمد كمان موقفه كان اسوء هو ميعرفش هى سمعت ايه؟! ولا ايه اللى فهمته ؟! ولا هى اصلا مسمعتش اى حاجة .
احمد : مالك يا سهام متوترة ليه كده ؟
سهام : لا مفيش تعبانه بس من اللف اليوم كله .
احمد : انتى وصلتى امتى ؟!
سهام : من دقائق .
احمد : اها طيب . احمد كان عايز يسألها اسألة كتير اوى بس كان لازم يحسبها صح .
سهام : طيب انت هتمشى؟! وانت كنت جاى ليه اصلا ؟! وهى فين امل انت تعرف مكانها ؟!
احمد : امل خرجت تتمشى وانا كنت معاها هنا وماشى دلوقتى .
سهام : طيب كنت بتعمل فى الاوضة بتاعتها ايه ؟
احمد : اتصلت عليا وقالت لى أنها نست تليفون العصابة هنا وسألتنى لو ادور عليه وقابلها واديهولها بس .
سهام : لقيته ؟!
احمد : لا شكله معاها وهى مش واخدة بالها .
سهام : اها طيب .
احمد : أنا ماشى بقى .
سهام : سلام .
احمد مشى وهو مش عارف هو اللى قاله صح ولا ايه بس كده كده هيعرف كل حاجة .
سهام من كتر التفكير تعبت وحسن أن احمد بيكدب ، وهى مش عارفه هتصرف ازاى بس هى شافت انها تنتظر امل لحد ما ترجع للبيت ..
بعد ساعة امل رجعت ولقت سهام مستنياها .
امل : ايه ده انتى مستنيانى ! اكيد علشان جعانه صح هههههه .
سهام : لا ، بقولك هو انتى كنتى فين ؟! .
امل : كنت بتمشى ، ليه ؟!.
سهام : اها ، هو انتى كان ضايع منك اى حاجة ؟!.
امل : لا أنا هخرجت بعد ما انتى مشيتى بشوية ، ومنستش اى حاجة !.
سهام : اصل احمد قالى انك نسيتى موبايلك هنا .
امل : أنا ؟! لا ، أنا اصلا مشوفتش احمد ولا كلمته غير علشان اشوف لو فيه اى جديد .
سهام : اها ، تمام يبقى شكلى فهمت غلط .
امل : ليه هو ايه اللى حصل ؟.
سهام : لا مفيش ، أنا طالعة انام ، أنا تعبانه اوى .
امل مش فاهمة حاجة بس هى كمان هترتاح .
بعد ما سمع الشخص المجهول كل حاجة ، اتعصب وبدأ يسب احمد وأفكاره و غبائه . ومسك التليفون وطلب احمد .
احمد : الو يا باشا .
الشخص المجهول : ده انت اللى باشا ده احنا اللى نتعلم منك يا فالح .
احمد : فيه ايه بس انا عملت ايه ؟!
الشخص المجهول : سهام عرفت انك بتكدب عليها وكانت هتقول لامل ، افرض أننا مش حاطين أجهزة تنصت كان ايه اللى حصل .انت افشل واحد أنا قابلته .
احمد : قصدك ايه انى اتكشف !طب اعمل ايه دلوقتى ؟
الشخص المجهول : انت متعملش حاجة خالص ، انت متفكرش اصلا ، أنا هتصرف ، غوووور .
وقفل السكة ....
طب أنا أعمل ايه دلوقتى اتصرف ازاى يالهوى لو امل عرفت أنا أعمل زى يا باشا قالى هركن أنا دلوقتى .
من الناحية التانية ...
سهام قررت أنها هتروح لأحمد وتعرف حقيقة كدبه .
لبست ومشت وركبت العربية وهى فى طريقها لعيادة احمد كانت فى عربية ماشية وراها و بطاردها... حاولت تتجنبها بس معرفتش لان ظهر قصادها فجأة عربية تانية خبطت فيها واتقلبت بيها العربية ..وانتقلت للمستشفى ..
امل : لو سمحت فى حالة لسه جاية دلوقتى عملت حادثة ، انتم اتصلتوا بيا .
موظف الاستقبال : فى غرفة العمليات يا فندم ، حضرتك تقربى لها ايه ؟
امل : صاحبتها .
موظف الاستقبال : تمام ينفع تخلصى الورق ده وتدفعى عند الخزنة .
امل : اكيد ، شكرا .
امل اتصلت باحمد : احمد تعالى بسرعة أنا فى المستشفى ، سهام عملت حادثة .
احمد : والله طيب انا جايه اهو .
احمد اتصل بالشخص المجهول : انت السبب فى الحصل لسهام صح؟!
الشخص المجهول : أيوة .
احمد : ليه دى صاحبتى مكنتش عايزة اضرها .
الشخص المجهول : صاحبتك ،اللى يسمعك ميعرفش ايه اللى انت عملته فى صاحبتك انت بعت امل جات على سهام .
احمد : حرام عليك .
الشخص المجهول : احمد أنا مش فائق لك . وقفل السكة ..
احمد مشى على المستشفى على طول .
فى المستشفى ..
امل قلقانة سهام لسه مطلعتش من العمليات وخايفه .
احمد وصل ولقى امل قاعدة على الكرسى فى الاستقبال.
احمد : امل .
امل : انت جيت اخيرا ، سهام حصل معاها حادثة وحالتها خطيرة لسه مخرجتش من العمليات .
احمد : أن شاء الله خير ، يارب تقومى بالسلامة يا سهام .
امل : أنا خايفة لأكون انا السبب أنا آذتها كتير اوى .
احمد : لا لا اكيد هو مجرد حادث .
امل : تعالى نروح للعمليات .
طلعوا وكان الدكتور لسه طالع .
فسأله احمد : ها يا ودكتور ايه اللى حصلها ؟
الدكتور : الحادثة اثرت جدا وسببت مضاعفات كتير وللاسف منها شلل نصفى ، ولسه لما الحالة تفوق هنشوف ايه اللى حصل تانى ، عن اذنكم .
امل انهارت من العياط وأحمد شيل نفسه ذنب اللى حصلها .
امل : ايه اللى حصل ده هنعمل ايه ده سهام لو عرفت ممكن تموت فيها .
احمد : معرفش احنا لازم نصرف ونعالجها .
امل : بس تفوق بالسلامة وانا هسفرها تتعالج .
احمد : تعالى نشوفها .
بعد ما مر اسبوع ...
فى المستشفى ...
سهام : اه .أنا فين ؟! .
امل : الحق يا احمد سهام فاقت.
احمد : سهام احنا هنا اهو . الحمد لله على السلامه .
امل : انتى كويسه ؟! أنا هروح انادى للدكتور حالا .
سهام : مين سهام دى ؟! انتم مين ؟!.
يتبع ...........