فرقنا السحور و #لمنا العشق

04

لحلقة4:
الحب لبيناتنا راح و محال نكملو. جوجا شافت في ندى و زاكي : مسيو زاكي راك قابل طلق لمدام ندى ؟ زاكي شاف في ندى و قالها: ندى سير نطلقو؟ زاكي حس بلي سيبو راح يخسر ندى ندى بإبتسامة تهبل: وي زاكي نطلقو مدامك جبتني هنا و دخلتني لمحكمة لعمري مدخلتها نخرج منها منعرفك متعرفني . زاكي : هبط راسو و قال لجوجا وي نطلق جوجا : مدام ندى و طفل لبيناتكم كيفاه؟ ندى: ولدي مسؤول مني مراح يخصو والو و نعفي زاكي من مسؤوليتو و ننفق عليه حمد ألله نقدر على روحي زاكي: كيما راهو ولدك راهو ولدي دكور ؟ جوجا : خلااااص طفل راح يبقى مع امو و كل نهاية اسبوع عندك لحق تشوفو و مضات في ورقة و قتلهم سبو طلاقكم تم ندى حكمت في دمعتها بسيف و زاكي كيف لعايلات في 2 حايرين مش مصدقين ناضت ندى و مدتها لزاكي صافحتو و قاتلو : بتوفيق في حياتك لجايا نتمانلك حياة أفضل بلا بيا زاكي باقي حكملها يدها هذا وين بدا يستوعب بلي خسرها . جوجا حارت فيهم مسكينة ههه راحت ندى عند عايلتها و يهز باباها كف و يضربها قالها معنديش طفلة أسمها ندى تخلي دارها بيدها و زيد تقولو وي نطقو زاكي كي شاف باباها ضربها راح يجري حكمو خوه : ياخويا هني روحك كي عدت مزالك تعشقها لاه طلقتها . ندى : بدموعها في خدها دورت ليهم كامل و قالهم قبل متلوموني اعرفو بلي درت كلش باه منخسرش داري و ولادي يتشردو ودورت باباها متخافش منرجعلكش لدار راح نبني حياة لولادي مستقرة بعيد عليكم و هزت أسر و ركبت في طاكسي تعها وراحت نرجعو وين كونا. بقات ندى تبكي اول يوم ترقد بعيدة عليه خلاص زاكي راح و زيد لكلام لسمعتو من عند جارها لجديدة جرحها بزاف كانت علابلها بلي راح تتعذب بإسم مطلقة مي مش من أول نهار . بعد مرور شهر مكان حتى جديد على ندى غير انها تروح تخدم و تدي معاها أسر و
جام