" ضيم اهلنة "

البارت الثاني " بداية شوگ "

البارت الثاني

وحگ الي عفتهة بچلمة الوينك
گالو تستحي تحط عينهة بعينك
و انة مثل الشمس اتطشر من اشتاگ
بس المشكلة ماصحت سنينك
لا انتة الغشيم الفاتح الشباچ
ولابابك عرف حتة الزم بطينك
ولاشغلة صور و اتذكرك بيهن
شنهي عيونك گبالي و ما احاچيهن ؟
شني عود اليدنگن دنگت بيهن
يمن شايل حنين الشارد من اهلة
تدري بغيبتك ماتنگضي بسهلة
و افز و الگة العتب ساعات هم مريود
الدمع يرتاح من يعاتب الكحلة
و رخصوك و گلت شرايتة هواية
و انة وداعتك اخفگ خفگ راية
من شفتك و اناطر منك حچاية
صدگني لو تنباع ولله اشتريهة
للعاشت بلياي عايش عليهة

" للشاعر رائد ابو فتيان "

ضليت صافن علة ركضت اسمر لحد ما وصل يمي و حضني و صاح : سعود الحك بستانك موجرة بي نار و ابوك موهدنة احوالة مايدري شيسوي بلياك

اجتني صفنة و كلت
سعود : ياهو هاذ الطاوعتة روحة و مد عينة علة حلال الشيخ سعود امة داعية علة بصلاة الفجر و متفرعة

اسمر : يخوي ولاتهم مصابك ترا مصابي و لون تطاول و تجاسر علة حدودك احسب ماربتة زلام و لطلع حكك من عيونة مربع

سعود : عيفك من الحجي و كلي النار خمدت ؟

اسمر : اي فزعت الناس كلهة اعلة الحريجة و ماضل احد نايم بيتة و خمدناها لجن اصبحت الكاع رماد خوية

سعود : امشنة و اشوفن تاليهة وي هلطلايب

اسمر : وياك يلا

سعود

ضليت افكر و ادور بعدواني لجن محد معاديني غبنة مسكتين الكل و بين العشاير جلمتنة مسموعة و مايوم طلعت منة لولة جا ياهو هاذ الرايد يشب نار و يدشنة اباثام و ثارات....بعدني بهل فكر و ابوي صاح من وراي

شيخ منعم : شنهي الراي يسعود و شناوي تسوي ؟

سعود : بوية هلسالفة ماعديهة اني لجن راح اطبلهة بطريقتي و خلك اني الكة حراك بستاني

شيخ منعم : اي خوش و اعرفنك حملهة يبني

سعود : بوية طر العصر و النة جعدة وي بيت
سباهي و مايصير عيب و فشل علمود طلايبنة نهد طلايب العشاير خل نخلي لوعاتنة بفادنة و نحيي المضيف جيفن خطارنة همة

شيخ منعم : هاهية لعد ... عبددددد ولك عبد تعال هنا يلا

عبد : ها امرني يشيخ

شيخ منعم : حضرو رواحكم و سوو جعدتكم عدنة طلابة

عبد : تامر شيخنة

" القصر "

فرح : اكلج يمة ياهو حرك بستان اخوي و شلون طاوعتة روحة ؟

زهلولة : مادري و انا امج يفرحة جعل لايرتاح مثل ماحرك بستان ابن بطني ولاتهنة

نبت من هذاك الصوب وردة