الصقر المنتقب والقناص (مكتمله)

البارت الاول

البارت الاول
الصقر المنتقب والقناص 🌚💚
رودينا :بابي أنا نازله سلاموز
الاب عبد الرحمن:خدي هنا يابت أنتي رايحه فين
رودينا :يابابي أنت نسيت عندي سباق انهارده
الاب:سباق الساعه 7 يا رودي 
رودينا:ايون علي ماروحت وجهزنا هتكون جات 9 والسباق هيخلص 10 ونص
الاب:نعم والاجتماع دا انتي اللي مفروض تقدميه
رودينا:ياحبيبي انا هخلص السباق واكون عندكم مش هتأخر
الاب :اوعي تتأخري انتي عارفه أنه الاجتماع دا مهم
رودينا:حاضر سلاموز بقا
الاب:سلاموز اي تعالي هنا أنتي هتنزلي كدا
رودينا:ايوه يابابا مانا دايما بنزل كدا
الاب:يابنتي مية مره اقولك بلاش اللبس دا حرام عليكي تعبتي قلبي

رودينا راحت حضنته
رودينا:يابابا ما انت عارف بحبك بس مش هقدر اغير طريقة لبسي وانت عارف فسبني علي راحتي
الاب :ماشي يارودينا بس اعرفي إني مش راضي عن لبسك دا مالها سدره بنت عمك بسم الله ماشاء الله عليها قمر والخمار مخليها قمرين

رودينا: هارر اسوح تصدق نسيت أكلمها وهي كانت هتموت وتشوف السباق سلام بقا هلحق اكلمها دي هتنفخني

في مكان تاني في بيت عم رودينا في اوضه هاديه وجميله زي صحبتها صحيت سدره كالعاده وصلت فرضها وبعد كدا قرأت وردها من القرآن وأذكار الصباح وقامت وسمعت مامتها بتناديلها عشان تفطر

يقين مامة سدرة وهي منتقبه وقدرت تربي ولادها تربيه صحيحه من حيث الاخلاق والإلتزام فكانت نعمه الام الصالحه وكانت أم لرودينا بعد وفاة مامتها بس مقدرتش تغيرها فأم رودينا مكانتش بتهتم غير بشكلها في المجتمع وأنه لازم بنتها تتمتع بشبابها فرودينا كبرت علي أنه لبسها عادي مامتها كانت كدا بقا وبالرغم من كدا يقين دايما بتحاول تغير منها للاحسن

يقين خبطت علي  الأوضه ودخلت علي سدره لقتها بتلف في الخمار
يقين:رايحه فين كدا يابنتي من الصبح
سدره بحماس: البت رودي عندها سباق موتوسيكلات انهارده وعاوزه اشوفها السباق هيبقي ناار
يقين بقلق ام :ربنا يسترها عليها البت دي مش هترتاح غير لما يحصلها حاجه
سدره:اه والله ياماما بس هنعمل اي دماغها حجر يلا هروح بقا اصلا الجذمه مكلمتنيش كان مفروض ترن

ولسه بتكمل كلامها لقت رودينا بترن
سدره بضحك:ياريتنا كنا جبنا سيره عدله
يقين:طب ردي وهاتي اسلم عليها عشان وحشتني
سدره وهي بترد :حاضر
سدره:يابنتي خمسين مره اقولك اسمها السلام عليكم مش الو
رودينا: السلام عليكم ورحمة الله وبركاته ياشيخه سدره
سدره:وعليكم السلام ورحمة الله وبركاته اتريقي يختي
رودينا بضحك:خلاص خلاص اني اسف نسيت اتصل بيكي اول ما صحيت وعمك مسكني زي كل يوم بقا
سدره بمرح:اي عمك دي يابت اسمها بابا وبعدين عمي دا حته سكره
رودينا بضحك:وانا اقدر اقول غير دا روح الفؤاد
سدره:ايوه كدا اتعدلي انا جاهزه اصلا عشان عارفه إنك هتنسي هي عاديتك ولا هتشتريها

رودينا:لا هشتريها
سدره:بت بت متصدعنيش خدي الحجه عاوزه تكلمك
رودينا:روحي دي وحشتني
سدره:طب خدي اهي معاكي
يقين: السلام عليكم ورحمة الله وبركاته
رودينا: وعليكم السلام ورحمة الله وبركاته يايويو وحشتيني اد كدا اهو
يقين بضحك:يلا يابكاشه اومال معدتيش عليا ليه امبارح وانتي بتوصلي سدره

رودينا بضحك :والله يسطا الحج في البيت لو كنت اتأخرت اكتر من كدا كان هيعلقني علي باب زويله

يقين بضحك:يسطا شايفاني شغاله علي توكتوك يختي امشي يارودي أنا معرفش قبلوكي في الكليه ازاي

رودينا بجديه مصتنعه:اقولك ازاي بس متقوليش لحد
يقين:قولي يا أخرة صبري
رودينا :هدددتهم بالمسدس الميه
يقين بضحك:لا والله طب أمشي يابت شوفي وراكي اي
رودينا :يختتتتي السباق ابقي خلي بنتك تنزل بقا هتوحشيني يا يويو سلام
يقين :خلي بالك من نفسك يابت ومتتهوريش لا اله الا الله
رودينا: محمد رسول الله
سدره: البت دي رغايه اوي
يقين بضحك:بس عسل ربنا يهديها يارب وتبطل لبسها دا
سدره:آمين يارب يلا انا همشي بقا عشان الحق السباق من أوله وبعد كدا هروح الشغل انا والبت رودي عندها اجتماع انهارده بيقولوا مهم اوي

يقين:ايوه حتي ابوكي واخوكي نزلوا من الصبح
سدره:اه صحيح دا انا ما شوفتهمش خلصانه هشوفهم هناك
يقين:البت رودي عدتك يلا سلام ربنا يحفظكم يارب
سدره:يارب

في المكان الهتقوم فيه المسابقه وصلت رودينا ولقت صحابها اللي بيشبهوها في لبسها

رودينا:هاي
منه:هاي رودي
مريم:هاي رودي
علا:هاي رودي
رودينا: فاضل اد اي علي السباق
البنات :ساعه ويبدأ واكيد انتي الهتفوزي زي كل مره
رودينا بثقه وغرور:اكيد من يقدر يفوز علي رودي
علا:بس في واحد المره دي داخل السباق بيقولوا عمره ما خسر
رودينا بثقه: مش قدام رودي
مريم:يا واثق
منه بضحك :بصي كدا بنت عمك وصحبتك الشيوخ اهم
رودينا بضيق:منه لمي نفسك متتريقش عليهم كدا تاني
منه:اي يارودي مانتي بردوا بتعملي كدا
رودينا:عشان هما متعودين عليا إنما أنتم لا
منه: خلاص مش هتكلم تاني
رودينا:يبقي أحسن وسابتهم وراحت بإبتسامه واسعه تقابل سدره وجودي

جودي صديقة سدرة ورودينا من صغرهم لأنها جارة سدرة وتعتبر أختهم التالته

رودينا:حبايب قلبي وصلوا يا ناس
جودي:هش هش انتي مين اصلا
سدره:مش عارفه يختي مين البت دي
رودينا:ماشي ماشي ابقوا قابلوني لو عرفتوا تشوفوا السباق
سدره :بنت عمي حبيبتي ياناس
جودي بضحك :كله الا السباق

رودينا :ايوه كدا ناس مبتجيش غير بالعين الحمرا يلا
تعالوا هروح البس عشان السباق هيبدأ
سدرة وجودي:.................
#hend✍️
رايكم 🌚🙂