الرجل الغامض بسلامته

ح١

ح١

مرام : اترفضت كالعادة ..

سمر : يووه دى رابع مرة هو انتى يا بنتى معندكيش دم .. اين الكرامة

-لا معنديش انا هشتغل موديل يعنى هشتغل موديل هه

-هو انتى اتعميتى انتى مش شايفة النضارة  الى واكلة نص وشك ولا شكلك المبهدل لا انسي مش هينفع ..

-مرام : لا بقى انا هروح  ولازم اقابل صاحب الشركة ..وهخليه يشغلنى

سمر : مع انى عارفة انك هتترفضى بس دييل روحى يلا مجتش من المرة دى

قصاد شركة دريمز للاعلانات هنلاقى  مرام واقفة واول ما شافت هارون صاحب الشركة جريت عليه وقالت
: احم هو يعنى ممكن حضرتك تساعدنى

طلع فلوس من جيبه وقال
-: اتفضلى

-لا استنى انا مبشحتش

هارون : امال عاوزة ايه

احم انا عاوزة اشتغل عندك اه بص انا فالعربى بيرفكت والانجلش مش بطال اما بقى الفرنساوى

قاطعها هارون وقال: مش عاوز حد يشتغل

هارون كان هيسبها ويمشي بس هى قالت
-:استنى بس انا اصلا ساقطة فرنساوى

هارون: كمان ...طب ياستى وسعى عاوز اركب عربيتى ، مش فاضي.

مرام: طب ايه رايك فى شكلى قمر صح بص انا مفيش حد شافنى الا وقال عليه شبه هيفا

هارون:هيفا مين

اده هو انت متعرفش هيفا .. طب ازاى يا جدع ده كل الرجالة بيكراشو عليها وانا كمان

هارون : اووف انتى شكلك هتعطلينى.

مرام: لا بص هما دقيقة وخلاص قول موافق وانا  همشي واجيلك بكرة

موافق على ايه

مرام: انى اشتغل معاك

هارون: طب اتفضلى دلوقتى وفوتى علينا بكرة

اعتبر ده وعد

هارون اتخنق منها وركب عربيته وساقها ومشى

مرام وقفت تبص عليه من بعيد وقالت
-: يخربيت الجمال يا جدع ، هى الناس دى بتاكل ايه ،  بس بردو مش هسيبك

جريت مرام وراحت على سمر صاحبتها وقالت
-: خلاص اشتغلت .. ده كان نفسه امضى معاه العقد دلوقتى بس ملقناش قلم ..

سمر : ده الى هو ازاى بقى ،انا كنت شايفة الراجل مش طايقك اصلا ولو عليه عاوز يرميكى تحت العربية ..

مرام : بطلوا بقى النفسنة دى .. اووف ..اهو قرك ده الى مرجعنى لورا

سمر : واناى من امتى كلعتى قدام نسيتى تنك انطردتى من ٥ شركات قبل دى

مرام : بس اخدت خبرة متنكريش .. المهم يلا تعالى ناكل عشان جعانة ..

سمر : بت انتى متأكدة انه هيشغلك