خرج مراد من المنزل ....كان يقود بسرعة جنونيه....ذهب لمركز الشرطة مره اخرى ....حتى يقابل ذلك الرجل...
وصل مراد الي مركز الشرطه...
مراد: مساء الخير
الضابط : مساء النور اهلا مراد باشا اتفضل..
مراد: عايز اشوف الراجل اللي ضربته الصبح ممكن تستدعيه هنا ....؟؟
الضابط: طبعاً اتفضل ارتاح يا فندم تحت امرك...
احضر الضابط ذلك المتهم إلى مكتبه ..
مراد: بعد اذنك تسيبنا شويه ...؟؟
الضابط: تمام بعد اذنك...
دخل الرجل إلى المكتب ....ارتعب كثيراً عندما رأى مراد مره اخرى...
مراد: انا مش جي هنا عشان اضربك تاني ولو ان حسابي معاك لسه مخلصش انا بس سايبك دلوقتي عشان مشكلتي مش معاك مشكلتي مع اللي حرضك... اسمع انا عايز اعرف الدكتور اللي بيديك الاوامر قاعد في مصر ولا برا...؟؟؟
الرجل: وانا هعرف منين بس ياباشا...؟
مراد: لا ما اهو اسمع انك متدلنيش علي عنوانه ...دي تهمة تاني غير الاعتداء يعني كمان تهمة التستر علي مجرم ....متفكرش انك بتطلع نفسك من الموضوع انت كده بتزودها علي دماغك وهعرف يعني هعرف بس على الاقل متبقاش غبي وتشيل نفسك قضيتين ولا ايه ... علي العموم انت لو مقولتش مكانه فين ...هخلي الرجاله تفوقك زي الصبح ...
الرجل :لا خلاص ياباشا هقول لحضرتك...هو الاول كان برا مصر ودلوقتي لما اتصل بيا اتصل برقم مصري يعني هو نزل مصر ده كل اللي اعرفه والله ياباشا..
مراد: اخر مره كلمك كانت امتى....؟؟
المتهم : اخر مره قبل ما اروح الفندق كلمني وقالي يلا روح دلوقتي ونفذ الخطه...
مراد بعصبيه : ماشي اديني تليفونك....
اخذ مراد الهاتف و بحث عن اخر مكالمه وجد رقم سامر....نظر الي الرجل... قائلاً: انا هتصل دلوقتي وانت هتسأله عن عنوانه بحجه ان البنت معاك وانت عايز تخبيها في اي مكان عشان تلوي دراع مراد وإياك تقول حرف غير اللي انا قولته ده فاهم....؟؟
المتهم: فاهم اباشا حاضر...
اتصل مراد ب سامر و اعطى الهاتف لرجل وعندما قال سامر العنوان ... اغلق مراد الهاتف واخذه و خرج مسرعاً ...استقل سيارته و وصل الى بيت سامر دق الباب بشده
سامر: مين ...؟؟
مراد بغضب افتح يا سامر....؟؟
فتح سامر الباب دخل مراد و ضربه بالرأس واعطاه عدة لكمات ....عملت كده ليه....رد هي عملتلك اي عشان تإذيها ....
كان ينزف سامر من انفه وفمه ولكن مراد استمر بضربه ...
لكمه مراد مره اخرى بقوة ضربة اوقعته ارضاً ثم رمي له تذكرة سفر إلي امريكا....
مراد: ترجع زي ما جيت فاهم مش عايز اشوف وشك هنا تاني مش كفايه انت وامك دمرتوا حياتنا وخربتوا بيتنا كمان جاي دلوقتي عشان تبوظ حياتي تاني ....
خرج مراد من المنزل واستقل سيارته وكان يبكي بشدة ويتذكر ما حدث لحياته وكيف خرب سامر ووالدته حياتهم ....
فلاش باك.....في منزل مراد قديماً
والدة مراد : طلقنيي يا سالم مش عايزه اعيش معاك مش طايقه اشوفك قدامي طلقني يا خاين ...
والد مراد : انا مش خاين انا تجوزت علي سنة الله ورسوله ...
والدة مراد: لييه لييه اتجوزت عليا انا قصرت معاك في ايه...؟؟؟ دي اخرة رعايتي ليك ولابنك ...دي اخرة حبي واخلاصي ليك ....طب كنت اعمل حساب لابننا....كنت خيرني ياسالم بين جوازك منها وطلاقي ..حرام عليك ده انا سيبت شغلي وكياني كله عشان اخدمك واربي ابنك احسن تربية بقى هو ده جزائي هووو ده جزائي منك لله منك لله مش مسامحاك.....ااااه الحقني سالم ....
والد مراد: ناهد فيه ايه مالك يااناااهد حد يطلب الاسعاف اتحركوا اطلبوا الاسعاف ....قومي ياناهد عشان خاطر ابننا قومي وهعملك كل اللي تقولي عليه متسبيناش يا ناهد ...
وصلت الاسعاف ولكن دون جدوى انتهت حياة والدة مراد بسكتة قلبية ...
جاءت زوجة والد مراد الي المنزل بعد وفاة والدته بثلاثة أشهر مع ابنها سامر الذي كان يبلغ من العمر ثلاثة عشر عاماً و ابنتها التي توفيت فيما بعد خلال رحلة مدرسية وهي بعمر الثامنه.....
تلقى مراد اسوأ معاملة من زوجة والده دائماً كانت تنصف سامر حتى وان كان هو المخطئ ....كانت تولد الكراهيه دائماً في قلب سامر ....
استمرت الذكريات تهاجم مراد حتى وصل إلي منزل جدته .....
انتهى الفصل ال ١٢💔🥺
أنت تقرأ
رواية خداع انثى{(رحمه محمود)}
Romanceكيف لك ان تدفع ثمن أخطاء غيرك....🖤 لا تعميك ثقتك فيمن احببت ....🖤 اقدارنا تخالف احلامنا وبين ذلك لا سلطة لنا في تغيير الواقع...🖤
