في الحلال جنه

الفصل السادس عشر

مني: خلاص ماشي الحال هجيلك بقي ولا تيجي انتي
في هذه اللحظة سمعت مني صوت صريخ قادم من غرفة أمها ساره

اتجهت مني نحو الصوت القادم من غرفة ساره فوجدت السبب الذي جعل هبه تصرخ هكذا فصدمت من الفرحه هي الأخري وجدت والدتها تقف على قدميها وحاولت ان تتمشي قليلا فسقطت علي الأرض جرت إليها مني وهبه واجلساها علي الكرسي وكانوا يبكون من فرحتهم فهذه إشاره الي ان والدتهم بخير وتتعافي بشكل كبير مع جلسات العلاج الطبيعي
مني احتضنت أمها وهي تبكي فرحا وقالت: ربنا يقومك لينا بالسلامه يا حبيبتي خير يا أمي أنا واثقه إنك تقدري تقفي علي رجلك من تاني انتي قوتنا يا أمي...

قبلت هبه يد أمها وقالت: أنا النهارده بس فرحت من قلبي فرحه كبيره جداً نستني اي حزن و اي حاجه وحشه حصلتلي...

امسكت مني يد هبه وضغطت عليها وقالت: معاكي حق يا هبه والله فرحتنا النهارده متتوصفش دا الدكتور قال قدامك شهرين عشان تقفي علي رجلك الحمد لله يارب إنك وقفتي قبل كده بكتير ربنا يتم شفاكي علي خير يارب
هبه: اللهم آمين يا رب العالمين ...

اخذو بيدها وحاولو القيام مره أخري وإذا بها تقول لهم: لا مش هقدر أقوم تاني
سمعوا كلامها وأجلسوها علي الكرسي وقامو بالنداء علي كريمه لتحضر لها طعام ويخبروها بهذا الحدث لأنها كانت تحب السيده ساره جدا
أخبروها وطارت كريمه من الفرحه وملئت البيت بالبهجه والسرور والزغاريط ارتفعت في المكان وارتمت في حضنها الف الف حمدالله علي سلامتك يا ست هانم يا ست كل الناس
نظرت إليها ساره بعد أن رفعت رأسها وقالت: كريمه انتي بتحبيني أوي كده وكانت دموع الفرح تسقط علي خدود ساره من حب كريمه لها
كريمه: وأكتر من كده مليون مره
نزلت هبه ومني وحاوطو كريمه بذراعيها واحتضنتهم ساره وقالت: ربنا ما يحرمنا من بعض أبدا يا بنات
قالو ثلاثتهم: يارب اللهم آمين يا رب العالمين

مرت نصف ساعة علي تلك اللحظة الجميله
وسمعوا جرس البيت يرن من قبل شخصاً ما
اتجهت كريمه لتفتح الباب فوجدت الدكتور الذي يعالج الحاجه ساره
ففرحت وارادت إخباره بما حدث ولكن من فرحتها لم تستطع اخباره واتجه الي غرفة ساره فوجد هبه ومني معها رحبو به ورحب بهم وقال لهم: استأذنكم بقي عشان نبدأ الجلسه
هبه بحماس وفرحه: اه يا اونكل يلا بسرعه أكرم : إيه الحماس ده يا هبه ؟
هبه: أصل ماما حاولت تقوم النهارده ووقفت علي رجليها واتحركت خطوه ووقعت تاني
أكرم: طب كويس جدا دا شيء مدهش جداً ومبشر بالخير وإن شاء الله فترة العلاج الطبيعي تقل عن المتوقع كتير
(طبعاً يا يا جدعان انتو عارفين إن الدكتور أكرم معاه ممرضه هي اللي بتقوم بعمليات العلاج الطبيعي دي للحاجه ساره مش هو اللي بيقوم بيها بنفسه )
دخلت الممرضة لساره وبدأت الجلسه وخلصت بعد ساعه
أكرم: ها يا زينب عملتي المطلوب للحاجه ساره
زينب: اه يا دكتور أكرم طبعا وفي استجابه كبيره اوي منها
أكرم: طب كويس جدا
زينب: ان شاء الله يا دكتور بالشكل ده هتقوم في أقرب وقت ممكن