أحببت طفلاً ❤️

Part 12

سبحان الله وبحمده عدد خلقه ورضا نفسه وزنة عرشه ومداد كلماته🌻 لا حول ولا قوة الا بالله🌻 لا اله الا الله عدد ماكان وعدد ما يكون وعدد الحركات والسكون🌻

... براء رجع و دخل راح قعد جنب برق و مسك ايده و باسه من خده و فضل ساكت

...... برق استغرب حالته .. مسح على خده بحنية .. براء انت كويس يا حبيبى

.. ابتسم و هز راسه بموافقة .. بص ل هاجر .. هو مش بقي كويس دلوقتى ؟!

..... ايوا .. الحمد لله

.. ببراءة .. يعنى ينفع يخرج؟!

...... اكيد .. كنا مستنيينك بس .. يلا يا برق .. يلا يا طنط؟!

.. يلا يا حبيبتي

خرجو و نزلوا عند العربية و براء وقف قدامها مش عايز يركب .. فضلوا كلهم يبصوا له .. و مستنيينه يركب

...... هاجر قربت منه .. بابتسامة .. براء !! .. ممكن تركب؟!

.. فضل يبصلها و ساكت

...... بصتله بهدوء .. مش انت ركبت و احنا جايين .. محصلش حاجة .. و احنا اهو كلنا بخير .. و كمان برق اهو كويس و محصلوش حاجة .. ممك**

قاطعها براء انه اترمى ف حضنها و فضل يشد فيها جامد و دموعه نازله.
هاجر اتفاجئت و فتحت عنيها بصدمة و اتجمدت مكانها ما اتحركتش

... بدموع و هو حاضنها .. شكرا ليكى اوى اوى .. انا بحبك اوى .. افضلى معانا دايما .. انا دلوقتي بحبك زى ما بحب برق بالظبط

..... هاجر قلبها فضل يدق جامد و وشها احمر و مش عارفه تتصرف ازاى .. حاولت تبعد عنه بلطف من غير ما تزعله .. احمم .. براء .. و مسكت ايده ال محاوطاها بعدته عنها بالراحة .. بتوتر .. يلا بينا

.. بزعل .. انتى زعلتى منى !!

..... بتوتر .. ااانا .. انا..

.. والدته عشان تنقذها من الموقف .. يلا يا براء عشان ما نتاخرش .. و عشان برق ما يتعبش

...... براء بصلها و رجع بص ل هاجر .. انا اسف ما كانش قصدى .. و بص للارض بزعل .. انا بس حسيت انى عايز احضنك عشان اعرفك انا اد ايه بحبك .. زى ما بعمل مع برق .. برق دايما يقولى كدا .. لما تحب حد اوى و ما تعرفش تقوله احضنه و هو هيحس بيك

.. هاجر كانت متفاجئة بكلامه و فرحانة و ف نفس الوقت متلغبطة و متوترة

.. طيب انا .. انا خلاص مش زعلانة .. بس توعدنى انك ما تعملش كدا تانى

..... بصلها .. انتى كدا زعلتى ؟!

.. حاولت تبتسم و بهدوء .. لا مش زعلانة .. بس دا ما يصحش و كمان حرام .. مش انت بتحب ربنا ؟!

..... بسرعة .. اه طبعاً

.. بابتسامة .. طيب ربنا قالنا ان ما ينفعش اى راجل يلمس بنت مش من محارمه .. و بعدين بصتله .. مش انت راجل ؟!