أحببت طفلاً ❤️

Part 15

سبحان الله وبحمده عدد خلقه ورضا نفسه وزنة عرشه ومداد كلماته🌻 لا حول ولا قوة الا بالله🌻 لا اله الا الله عدد ماكان وعدد ما يكون وعدد الحركات والسكون🌻

... بصت هاجر لعمتها باستغراب .. و بعدين ايه !

..... انتى لحد دلوقتي ما قولتيش السبب الرئيسي ال خلاكى تهربى كدا

... رفعت حاجبها باندهاش .. بقى ال حكتهولك دا مش سبب كافى انى ابعد !!

...... ابتسمت .. قربت منها و حطت ايديها على كتفها بحنية .. هاجر يا حبيبتي ما تضحكيش على نفسك انتى عارفه كويس انه تعبان و اكيد بكرة هيخف ايه ال مخوفك و مخليكى تبعدى
...... سكتت شوية و ضيقت عنيها .. انتى بتهربى منه عشان ما يخفش يا هاجر !! .. اكيد دا مش قصدك

... بسرعة .. لا .. انا .. اتلغبطت و فضلت تحرك ايديها و تبص حواليها ف كل مكان عشان تهرب من عيون عمتها ال محاوطاها ..  انا .. انا خايفة يا عمتو خايفة ..  انهارت على الارض و فضلت تبكى

..... قعدت قصادها .. من ايه بس يا روح عمتك

... خايفة لما يخف يبعد عنى .. خايفة ينسانى .. خايفة حبه ليا دلوقتي يكون مجرد تعلق و تعود .. خايفة يكون حبى انا ليه مجرد تعود .. مش عارفه احدد انا حبيته ازاى
.. انا حبيت براء الطفل ال كله براءة و عفوية .. حبيت براء ال قلبه ما فيهوش ذرة كره لحد .. حبيته لما كان يخاف و اطمنه و يترمى ف حضنى ياخد الامان
.. بصتلها بدموع .. ما يعرفش ان انا ال كنت بلاقى الامان ف حضنه .. حبيته لما كان يقرب منى و يقولى اقولك السر
... ابتسمت من وسط دموعها .. اد ايه الحركة دى كفيلة تلغبط كيانى .. كان قربه منى بيلغبط مشاعرى بالرغم انه مش واعى لاى حاجة بيعملها .. حبيت عالم براء الصغير
.. رجعت بصت لعمتها تانى بدموع .. خايفة لما يخف يبعد يا عمتو .. بانهيار .. خايفة يكون براء تانى .. انا ما اعرفش براء الاول كان ايه و بعد ما يخف هيبقى ايه .. بس انا حبيت براء ال اتعاملت معاه و بس مش عايزة ابعد عنه و ف نفس الوقت خايفة اقرب منه
.. قربه نار و بعده نار و انا بين النارين بنكوى .. عايزانى اعمل ايه يا عمتو .. بدموع .. اعمل اااااايه !!

.... اتنهدت و مسكت ايديها بين كفوفها .. تقومى تهربى! ..عمر ما كان الهروب حل .. و انا ما اتعودتش عليكى جبانة يا هاجر .. لازم تواجهى .. وبعدين براء الطفل ال انتى شوفتيه دلوقتي جزء من براء الناضج الشاب ال عنده 27 سنة
.. و غير دا كله انتى قصرتى ف مهنتك كطبيبة اتخلت عن مريضها و هو ف عز حاجته ليها .. مهما كان ايه ال ف قلبك لازم تفصلى بين حياتك الشخصية و حياتك المهنية
.. طبطبت على ايديها .. لازم ترجعى يا حبيبتي براء محتاجك

........ بصتلها و عيونها مليانه دموع .. مش هقدر يا عمتو مش هقدر .. هيروح منى

... ليه يا حبيبتي تسبقى الاحداث .. مش يمكن يفضل فاكرك و يحبك اكتر .. و لو نسي الفترة ال تعب فيها و نسي حبه ليكى خلالها اكيد إن شاء الله ربنا هيجمعكوا تانى لو ليكوا نصيب ف بعض
.. لكن ما ينفعش تدى ضهرك لمريض و تمشي .. انتى لسه ف اول مشوارك لازم تعرفى تتحكمى ف مشاعرك .. لسه هتقابلى حالات كتير مش معقول كل مريض يتعلق بيكى تديله ضهرك .. حبيبتى الناس ف الفترة دى بتبقى زى الغريق محتاج قشة يتشعلق فيها تنجده و انتى بتكونى القشة دى بيتعلقوا و يفتكروه حب .. لكن هما مجرد جريح و لسه بيداوى جرحه مشاعرهم ملغبطة