لأچلك أفعل المستحيل

الحلقه العاشره❤

رفيف ..: عامله ايه رؤيا
رؤيا..: الحمد لله انتى عامله ايه يارفيف
رفيف..: الحمد لله والله
رؤيا ..: هتنزلى معانا اسكندريه
رفيف ..: اه
رؤيا ..بفرحه: بجد  احلفى كده
رفيف بإستغراب فى نفسها ..: هى مالها هى واحمد فرحانين أن انا هنزل اسكندريه معاهم ليه.. ثم تابعت انتى فرحتى اوى كده ليه؟
رؤيا ..بتوتر: يابنتى فرحت عشان كنت عايزاكى تيجى معانا وبعدين انتى اصلا لازم تروحى عشان الافتتاح والمدير لازم يشكرك طبعا على مجهودك العظيم ده
رفيف ..: والله انتوا محسسنى أن مدير الشركه ديه  ملك جمال مصر  انتوا عملينلوا الف حساب ليه كده
رؤيا..: يعنى انتى مش عايزه تشوفى مين مدير الشركه اللى كان عايزكوا تخلصوها فى ميعاد مظبوط  وكل مواعيده مظبوطه  وبيعاقب اللييتاخر دقيقه واحده
رفيف ..: على فكره مفيش حد مواعيده مظبوطه زيي غير.. غير أنور بس.. لا انا عايزه اشوفه عشان اعرفه هو بيتعامل مع مين ويعرف  أن اللى شاغلين مش خدامين عنده عشان يتعمل عليهم بالشكل ده
احمد بضحك..: هو مين ده اللي عايزه تعرفيه هو بيتعامل مع مين
رفيف..: الرجل مدير الشركه  اللى فاكر الناس كلها خدامين عنده
احمد بضحك لم يستطع منعه ..: ليه هو الراجل عملك حاجه ده حتى مطلبش يكلمك طول فتره الشغل ديه كلها عشان يبقا واثق فى اللى انا بقوله
رفيف بعصبيه ..: لييييه هو كمان مش واثق فيك ده حيوان كمان بقا وبعدين اهم حاجه أن الشركه كانت تخلص واهى خلصت قبل ميعادها كمان ..
احمد..: خلاص انتى بتزعقى ليه دلوقتي طيب  ثم تابع فى نفسه يعينى عليك يا أنور انت اتهزقت كتير اوى ومن مين من حبيبتك 😂
رفيف ..: معلش اتعصبت شويه
رؤيا بضحك ..: احنا اسفين
رفيف ..: هاتولى امير العب معاه شويه هو بيحبنى عنكم
احمد..: يا خساره بقا انتى يطلع منك الكلام ده
رفيف ..: بهزر يابنى فيه ايه
احمد.. بضحك: ماشي
رؤيا ..: اتفضلى يا ستى امير اهو
رفيف..: امير حبيبى ..هات بوسه وانت قمر كده  اقولك يا احمد الولا ده طالع مش شكلك خالص عارف ليه لانه حلو اوى وانت مش حلو
رؤيا ..: لا يا حبيبتي انا جوزى قمر 
احمد..: شوفتى الناس انا مش هرد حبيبتى ردت خلاص
رفيف..: طيب يا ختى اشبعى بيه سيبولى انا امير بقا ده خطيبى وحبيبي
احمد..: يابت وانور بقا ايه ده لو سمعك هيكلك والله
رفيف..: احمد اسكت لو سمحت
احمد..: ماشي
رؤيا ..: احنا هنلبس ايه يا احمد احنا هننزل من هنا على غرفه فى الفندق والافتتاح هيكون  على طول يعنى مش هنلحق نعمل حاجه يعنى المفروض نشترى اللبس من هنا
احمد ..: مش عارف  بس المفروض يعنى تلبسوا فساتين لان ديه حفله فيها اكبر رجال الاعمال  انا عن نفسي هلبس بدله
رؤيا ..: انت قمر من غير اى حاجه اصلا
رفيف..: يأتى يأتى قمامير انتوا الاتنين
رؤيا ..: خلاص ننزل انا وانتى يا فيفو نجيب الفساتين  من هنا
رفيف ..: خلاص ماشي خليها بقا بكره او بعده تمام
رؤيا ..: خلاص اشطا
رفيف..: هو يوم أيه يا احمد الافتتاح
احمد ..: يوم السبت  والنهارده الاربعاء واحنا هننزل السبت بردو بس قبل الافتتاح بساعه مثلا
رفيف..: تمام ماشي  خلاص يا رؤيا ننزل بكره
رؤيا ..: تمام يا صاحبتى
رفيف..: صاحبتيي حبيبتى
احمد..: انا فرحان اوى
رفيف ورؤيا ..: ليه؟
احمد..: عشان اغلى اتنين فى حياتى بقوا اصحاب واخوات وبيحبوا بعض وانا عمرى ماكنت اتخيل أن احنا نشوفك تانى اصلا يا رفيف
رفيف..: ياعم بقا هعيط رؤيا ديه قلبى اصلا كده وانت عارف أن انا بعتبرك اخويا من واحنا صغيرين
احمد..: اختييي حبيبتى والله
رؤيا ..: وانتى قلبى والله
رفيف..:انا همشي بقا سلام اشوفك بكره يا رؤيا نتقابل بعد الشغل
رؤيا ..: خليكى قاعده شويه
رفيف..: لا همشي بقا
رؤيا ..: سلام اشوفك بكره أن شاء الله
رفيف..: أن شاء الله
احمد..: سلام ..
رفيف..: باى يا امير يا حبيبي