مهمه عاشق♥️بقلم خلود وائل

مهمه عاشق ❤️ الفصل السادس عشر

الاء:ليلي فين ياطنط
الحاجه كوثر:مش عارفه والله ياالاء قالتلي راحه مشوار وجايه علي طول
الاء بزعل:مشوار الوقتي وتسيبني
يوسف:لا ياالاء طولي بالك الغايب حجته معاه الوقتي تيجي واهو فرصه نتعرف كلنا علي بعض يلا ياستي انتي تعرفيني علي اهلك وانا اعرفك علي اهلي يلا انا الاول احم احم الراجل الحلو ال هناك دة يبقي الباشمهندس كامل محمد الناهي والدي والست القمورة ال جمبه دي تبقي والدتي وانتي طبعا عارفاهم
ضحكت الاء:والراجل العثل ال هناك دة يبقي سالم بيه الرداد ببايا وست الكل ال جمبه دي تبقي مامتي وال جمبها دة عمرو اخويا والقمر ال جمبه دي تبقي سالي مراته وال بيجري هناك دة يبقي مالك ابنه اشقي ولد في المجرة
يوسف:البت الحلوة ال هناك دي تبقي ندي اختي وال جمبها دة جمال جوزها والجان ال هناك دة يبقي علي ابن عمي والعسوله ال جمبه تبقي نهي اخته ودول بباه ومامته وال وراهم دول بنات خالتي والنحيه التانيه ولاد خالي وولاد خالتي التانيه
الاء:بص يابشمهندس :الراجل الطيب ال هناك دة يبقي عمي مصطفي اطيب راجل في الدنيا والست الجميله اوووي ال جمبه دي تبقي طنط كوثر مراته ويبقو بابا وماما الست ليلي اعز صحابي ال سابتني ومشت النهاردة بعد ماطلعت روحي في الشغل اما ال جمبهم دول فدة الباشمحاسب حسام بيه اخوها الكبير وال جمبه دي مراته سلمي بنت خالتي واختها مريم ال علي الطرابيزة ال هناك دي
مريم:انا اهوووة ياجماعه😂
الاء:اهيه الهبله ال رافعه ايدها بتشور اهيه ولسه بقي انت مشوفتش ماهر أخو ليلي الصغير دة بقي مصيبه ملهوش حل كفايه ال عمله فيا النهاردة
الحاج مصطفى:عمل فيكي ايه الواد دة وانا اجبهولك من قفاه يا لولو
الاء:تخيل ياعمي ابقي واقفه علي السلم بركب سلك النور يقوم مولع صاروخ صغير وراميه تحت السلم 😹😹
كل الموجودين ماتو علي نفسهم من الضحك
الاء:بتضحكو طب ينفع ابقي برتب الطرابيزات ويجي ورايا ويفرقع البلونه من غير ماأخد بالي داانا كنت هموت النهاردة
حسام بضحك:وليلي كانت فين وسيباه يسلي عليكي كدة
الاء بضحك:يابني دول ماسكين في بعض طول مااحنا هنا
نهي:هو انتو ال عاملين كل دة ياالاء ولا جبتو فريق تنظيم حفلات اصل بصراحه دة شغل عالي اوووي
الاء:فريق مازنجر والكسلانين تحت ادارة دكتورة ليلي مازنجر
كل الموجودين ضحكو جامد علي كلام الاء
ندي:ايه دة قولي تاني كدة مش فاهمه قصدك ايه
ميار:افهمك انا ياستي ليلي هي صاحبه الفكرة من الاساس وكل دة ترتيبها هي وتنظيمها واحنا كنا هنا من الصبح بدري انا والاء وليلي وماهر احنا الكسلانين عشان بنشتغل شويه ونقعد شويه اما ليلي ف ماهر ال سماها مازنجر عشان مقعدتش من ساعه ماجينا عماله تلف في المكان وتركب نور وبلالين وتكنس وتنضف وعامله ذي النحله وهي المشرفه علي البوفيه ال هتشوفيه كمان شويه بصي من الاخر ليلي دى فريق ادارة حفلات لواحدها واديكي شايفه بعينك المكان عامل اذاي
نهي:بصراحه المكان تحفه
ندي:مكنتش متخيلاه هيبقي كدة بجد دة ولا القاعه
حسام:ليلي اختي مسابتش حد فينا الا ماعملت معاه واجب
سلمي:انشاء الله في خطوبتها لازم نعمل معاها احلي واجب
الحاجه منال:طب والله ليلي كتر الف خيرها بينكو صحاب جامد ياالاء
الاء:هسيب طنط كوثر ترد عليكي بقي
(علي بهدوء وفرحه بليلي بيتابع الكلام وبيبتسم تلقائي بمجرد ماحد يقول اسمها)
الحاجه كوثر:ليلي والاء دول يامدام منال اكتر من اخوات روحهم في بعض دول صحاب بقالهم اكتر من ٢٠سنه
الحاجه منال بحب :قوليلي يامنال من غير مدام دي اعتبريني ذي سعاد كدة وانا هقولك ياكوثر اتفقنا
الحاجه كوثر:اتفقنا وابتسمت
الحاجه سعاد:بسبب صحوبيه ليلي والاء بقينا قرايب وحسام اخو ليلي اتجوز سلمي بنت اختي ولسه راجعين من شهر العسل اهم
سلمي بضحك:لسه مكملناش شهر ياخالتو
ضحكو كلهم علي سلمي
الاء:ياسلام بتحسبيها باليوم ياأختي
سلمي:أمال ايه
الاء:ماشي ياستي عقبالي ..بس اما أشوفك ياليلي انا ال غلطانه كنت خليتك تلبسي اي حاجه من عندي مكانش ضروري يعني فستانك ال نسيتيه
الحاجه كوثر:فستان ايه ال ليلي نسيته ياحبيبتي
الاء:فستانها ال المفروض تلبسه النهاردة هي قالتلي انها من استعجالها نست هدومها في البيت وعشان كدة روحت تلبس وهتحصلني علي هنا
الحاجه كوثر:بس ياحبيبتي ليلي قالتلي انها هتخلص عندك وهتيجي البيت تاني عشان تلبس وتنزل معانا علي هنا
الاء بتعجب:يعني ايه هي ال قصدة انا مبقتش فاهمه حاجه طب هي ليه هتعمل كدة
علي اتفاجئ من تخطيط ليلي وانها بتلعب علي صاحبتها وبالصدفة مامتها بينت كدبتها وبقي محتار وبيفكر هي ليلي راحت فين
حسام:انا هرن علي ليلي اشوفها فين انتي كدة قلقتيني عليها
الحاجه سعاد:رني ياكوثر علي ماهر شوفي الولاد فين
سارة بشماته:هي ليلي بتخرج كدة في اوقات غريبه من غير ماتعرفكو ولا ايه
الحاجه كوثر:عمرها يابنتي ماراحت مكان ال وقالتلي هي فين
سارة :امال ايه ال حصل الوقتي دة ياطنط
الحاجه كوثر:أخوها معاها يابنتي هتكون راحت فين
سارة :الله اعلم هتكون راح______
قطع كلام سارة دخول ليلي وماهر عليهم
ليلي:السلام عليكم ورحمه الله وبركاته اولا قبل ماتضربيني انا اسفه علي التأخير ثانيا قبل ماتسألي كنتي فين ف الوقتي حالا بعد ماتلبسي الشبكه هتعرفي انا كنت فين ثالثا ودة الاهم هاتولي كوبايه مايه انا والغلبان ال معايا دة اصل خلاص هنموت😂😂😂
ضحكو كل الموجودين علي طريقه كلام ليلي وهي بتمثل خوفها من الاء وهزارها معاه اما علي كان مسحور بجمال ليلي وطلتها البسيطه ال مخلياها ملكه متوجه كانت لابسه دريس نبيتي غامق من الشيفون السادة وحزامه عريض من الوسط بيلمع ذي اكمام الدريس الواسعه ال بتنتهي بأساور ضيقه وطرحه سودة وهيلز اسود بيلمع وزينت الفستان بعقد دهب فخم كان واضح جدا بفضل ان الفستان سادة ومكانتش حاطه ولا نقطه ميكب غير الكحل الاخضر ال كان لون عنيها وعطيلها شكل يجنن
الاء:انا عاوزة اققوم اخنقك مش اديكي كوبايه مايه
ماهر:اخنقو بعض براحتكو بس سيبوني ارتاح المفتريه صاحبتك مجرياني بالعربيه عشان منتأخرش لما قطعت نفسي
الاء : وانتو كنتو فين ها وايه شغل المكر دة ياست ليلي بتخطتي عشان تخلعي مني بقي كدة ولولا طنط كوثر ال قالتلي انك ال قاصدة تسيبي هدومك في البيت
ليلي بصت لكوثر :بقي كدة ياكوكو بتبيعيني ل ______
ليلي مقدرتش تكمل كلامها من المفاجئه لما شافت علي قاعد علي الطرابيزة ال ورا مامتها وهي بتكلمها وتنحت شويه وبعدين فاقت بسرعه عشان محدش ياخد باله وبعدين قالت:ايه يجماعه مش هنلبس الشبكه ولا ايه
راحت الاء ويوسف قعدو في الكوشه وبداء يوسف يلبس الاء الشبكه وليلي بتبصلهم وفرحانه بيهم جدا وقامت مزغرطه وعلي استغربها بس اتبسط بعفويتها جدا وعنيه كانت عليها هي مش علي العروسه والعريس وبعد مايوسف خلص لبس الشبكه طلعت ليلي العلبه الصغيرة ال كانت في ايدها وراحت ل الاء وفتحتها وقالتلها بفرحه هو لبسك دبلته وانا كمان هلبسك دبلتي وطلعت توينز الدبله ال كان عاجب الاء يوم ماكانو بيشترو شبكتها ولبستهولها الاء من فرحتها ومفاجئتها من هديه ليلي فضلت باصه في ايدها شويه وبعدين قالت لليلي:انا مش مصدقه ولا قادرة اصدق كميه الفرحه ال انتي بتفرحيهالي لا كدة كتير عليا اوووي ياليلي بجد والهديه دي باين عليها انها غاليه لا انتي مغرمه نفسك جامد علشاني وعنيها دمعت وحضنت ليلي وليلي حضنتها وعنيها دمعت
ليلي بضحك:ايوة بقي اققدي عيطي والميكب يبوظ واهبليني بقي ليلي ياليلي الحقيني ياليلي
كل الموجودين ضحكو علي ليلي وكلامها وكوثر وسعاد واقفين جمب بعض عنيهم بتدمع ومنال وفاطمه شايفينهم وعلي عنيه مش مفارقه ليلي وسارة متغاظه من ليلي ومحبه الناس ال حواليها ليها....وشويه وليلي شغلت نظام الصوت ال في المطعم علي اغنيه ****** والاء ويوسف رقصو واتبسطو علي الاغنيه والفوتوجرافر عماله تصورهم وتصور الموجودين وشويه وشغلت اغنيه ********** عشان يرقصو سلو وانضم ليهم حسام وسلمي وندي وجمال وعمرو وسالي ال بطنها كانت قدامها وعلي كان نفسه ياخد ليلي ويرقص معاها سلو وثواني ولقي ليلي راحت ترقص مع ماهر اخوها وكانت بتخطف نظرات لعلي من غير ماياخد باله او هو عامل نفسه مش واخد باله
شويه وكلهم قعدو وال بيتصور وال بيبارك للعروسه ف علي راح ليوسف يباركله هو والاء ف سمع الاء بتقول لليلي:اخيرا لبستيه لا دة حدث يتسجل في التاريخ والله
ليلي:يابنتي العقد دة غالي عندي اووي غلاوته من غلاوة حبيبي ال جابهولي
علي سمع الكلام واتضايق جدا وبقي يفكر حبيبها مين هي اتخطبت ولا بتحب حد تاني ونفسه يروح يسألها وبعدين سلم علي يوسف وبارك ل الاء و بص لليلي وقالها :اذيك يادكتورة ليلي عقبالك
ليلي:اما نفرح بيك الاول يا علي بيه
علي:قلتلك قبل كدة علي بس ولو مفيهاش رخامه يعني ممكن تشغليلنا مهرجان *******
الاء: الله المهرجان دة مع انه قديم بس انا بحبه اوووي
ليلي:اول مرة اسمع عنه ثواني وهنزله علي التلفون واشغله
ليلي في ثواني نزلته وشغلته::..
**********************************************************************************
ليلي سمعت كلمات الاغنيه وفهمت ان علي موجهها ليها وعلي كان قاعد مع اهله وبيضحك علي شكل ليلي وهي بتسمع الاغنيه ومش عارفه تضحك ولا تعمل ايه وشويه والبوفيه فتح وليلي شالت طبق وماشيه وعلي ماشي وراها وهي لاحظت دة فوقفت ولفت تكلمه
ليلي:هو انت ماشي ورايا ليه ها