حَــمـــد گــــلـهـــم نِـسيـــناهُـــم
بـاوعَــنا بـصوَرهـم ما عرفناهـم
.
.
نمت ع الألم واني متعودة
اضل افكر وافكر واتعب وأنام بدون ما ادري
.
.
. حسيت بي حظني من ضهري
وحط ايدة على بطني
اني لو انام واني ميته تعب والم كبل احس اذا مرت من يمي نملة نومي خفيف كلش
وهوَ ميدري بهالشي
بحركة غريبة يتلمس بطني
ما اوصف فرحتي
وهو يضحك من يحرك ايدة على بطني
احسَ محتاج للطفل الي يقوي علاقتنا ويملي الدنيا علينه ويعوضنا عن هواي أشياء
بس للاسف اني ميكتمل شي علية
كلت بلكي الله ويقتنغ ما انزلة
هوَ غفةَ واني هم رجعت غفيت
.
.
كعدت الصبح وهوَ مو بمكانه
اخاف اتحرك من مكاني
او بالاحرى ما الي اي دافع حتى اطلع من غرفتي واعيش يوم مر آخر
نفتحت الباب ودخلت ريحونه
اجتي بوستني واني هم بوستها وصعدتها لحضني
حبيبتي وين بابا
اشرتلي جوة
كنت متوقعة طالع
كوة نهضت نفسي دخلت للحمام سبحت ورتبت شعري
ونزلت اني وريحان
لكيته كاعد ع الميز واللابتوب مشتغل كدامة
لابس قميص ابيض وبنطرون رصاصي
ورافع شعرة ولحيته طولانه وعيونه قصة متنحجي
شفافة عالم ثاني
حرك عيونه علية واني صافنه بملامحة
الغبية اني ضليت واكفة وصافنه
_ها عاجبج تباوعيلي اليوم
_ اا ا لا بس هذا
_لا هذا ولا بس عاجبج اني اليوم مو
_ابتسمت ونزلت راسي كتلة اي
_هو ضحك وكرصني من خدي
قرب وجهة ديبوس شفتي ابتعدت عنه
شبييك شهم الطفلة
_دشوفها الطفلة بغير عالم وية الاكل
_ههههه حتى لو ميصير تتأثر الطفلة
_ديلا صايرة دكتورة نفسية ست رشا
_عفت الدكتوراه الك
_ديلا يلا ورانه روحة للدكتورة
_شهمم
_شكو احنه البارحة شحجينا هااا
رشا لتجددين المناحة ارجوج
شي حجينا بي وانتهى
_بس من حجينا ما انتهى الحديث بموافقتي!
_وأن يكن هالشي مو الا بموافقتج
_شهم فدوة لتسوي هيج
_رشا كافي الطفلة انتبهت بعدين نحجي
_كوة ضليت لازَمة دموعي
