الحب الخجول

الجزء التاني

في الجزء الفات اريج قررت تشاغل استاذ فارس وكانت دايره تعرف رد فعلو شنو ، تعالو نعرف مع بعض

استاذ فارس دخل الحصه والبنات صحبات اريج متوترات من الحتعملو اريج ، قال ليهم املي الوحيد في نجاح المدرسه او فشلها انتو وانا اتمنى انكم ما تخيبو لى ظني وانا فرحان منكم ومن ادبكم واجتهادكم وهو بقول كدا البنات اتمنو انو اريج تغير قرارها دا في اسرع وقت ، لكن الاوان قد فات ، اريج مسكت الكحل واتكحلت ومسحت خشمها بالمرطب (lip gloss ) ومنتظره انو يعاين ليها ، واول ما قبل عليها ابتسمت وهو شاف ابتسامتها لكن عمل فيها انو ما شايف حاجه ، وقال لنفسو انا تاني ما حاقبل عليها لكن من غير ما يشعر وفي اندماجه في شرح الدرس قبل عليها قامت البت غمزت ليهو بعينها الشمال ، الاستاذ دا اتخلع ( اتفزع) زي الفي زول دقاهو والطبشوره وقعت من يدو وارتبك ارتباك شديد من الحركه الجريئه العملتا البت دي وسكت سااااااى
بعداك استجمع قواه. العقليه والعصبيه وختم الدرس وطلع طوالي
في بت من بنات الفصل اسمها ساره لاحظت للحركه العملتا اريج مع انو ساره مركزه في الحصه وهي اكتر وحده زكيه بالفصل وهي لاحظت ليها لانو كانت مقابلاها من الجهه التانيه وكانت متابعاها من بدايه الحصه لانها كانت بتتبسم
نرجع لساره ، ساره دي ازكى وحده بالفصل والمدرسه كلها خاته املها على سارهلانها زوله مجتهده وكتومه وهادئه وهي انسانه دقيقه في كل حاجاتها والسر انو ابوها ابوها رتبه كبيره بالجيش وممشي البيت بنظام معين والبنات في المدرسه مسمنها الاله
المهم ولاول مره ساره مشت لاريج وقالت ليها براحه بصوت اقرب الى الهمس : على فكره انتي بت ما مربيه ومشت منها
وبعد شويه اريج جوها صحباتا وقالو ليها وينا حركت القلتي بتعمليها ،
اريج : والله جدعتا ليهو غمزه لمن اتهجم
البنات: هي يا اريج ما تكضبي
اريج:امشر اسالوا ساره الاله شافتني
ساره كانت متابعه ونستهم وفهمت انو هم متفقين على الحركه دي وزعلت منهم شديد
جا المدير المكتب وقلبو بيضرب شديد وبقا عرقان وخاتي يدينو فوق راسو وخايف انو تكون في بت من بنات الصف شافت الحركه دي ودا دليل على انو استاذ فارس زول خجول
الوكيل عبد الرحمن جا داخل المتب لقا فارس قلقان شديد
عبد الرحمن :مالك يا فارس؟
فارس :مافي حاجه حاسي بصداع خفيف
وبقا متردد احكي ليهو ولا لا
وفارس بقا بتكلم مع نفسو يا ربي البت دي انا اعاقبها بشنو ؟؟ واقول شنو ولو القصه دي انتشرت ..... وبقا بفكر كدا
المهم فارس انتظر لحدي ما المكتب بقا فاضي وعبد الرحمن طلع رسل قال : امشي لى بنات تالت ونادي لى اريج
البت الرسلها استاذ فارس مشت لاريج ونادتا وصحباتا بقو بقولوا ليها : سجمك يا اريج
اريج -
المهم اريج مشت لاستاذ فارس .............
حصل شنو ، قال ليها شنو ، وعاقبها بشنو ، دا كلو حنعرفو الحلقه الجايه من قصه الحب الخجول
بتمنى القا كتير من الفوووووووووووووووووووت