قصص عراقية:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جابوها دفع للدار
لاديرم ولاحنه ولاصفكه
ولادف النعر بالسلف
لاهلهلوله لاملكه
سألت الناس عن قصه هالبنيه
شعجب جارو عليها بغير حنيه
ورديت بكلب حزنان من كالولي فصليه
لعنت ضلم التقاليد بالف حركه
عمرها الاخضر الهرفي بسعر اليابس تحركه
احديثه اتكول حوريه بربيع العمر مياله
حرام ادموعها الطيبات ع الخدين هماله
وين العطف والرحمه يفصاله
لاسوت ذنب لاهيه جتاله
جا هيجي حكم ديوانك المهيوب ودلاله
علي تحرم فناجينه وكهوته وكعدت ارجاله
غصبتوها ضلمتوها حرمتوها هضمتوها
وهبتوها الشخص ضالم حتى من العقل مايملك وشاله
يحاجيها بدفرته وكال فصليه
عساها ابخت من فصلو وانطو مهرة الفارس
الوادم ماهي خياله
وحوبتها وراهم دوم تحركهم بكل شهكه
تتحسر تدير العين محد يرحم الشكوى
اسيرة اتكول جابوها بلا رحمه ولاسلوى
ياديوان السلف بسك فحطنه من الفصل والثار والنهوة
زينب..اصوات صريخ اتعالت بجي ولطم وصايح
هاي تنحب وذيج تندعي ع الكان السبب
واني وغصون بنت عمي مانعرف شنسوي
كاعدات بزاويه الغرفه نتراجف مافاهمين شي
ياهو اليجي يضربنه كبار صغار
تكفخ بينه
غصون عدها صرع من الخوف والرهبه وكعت
ترعش بمكانها
رغم حالتها وخوفي عليها بس محد اتقرب
صرت اهمش مثل الغركان اريد واحد بكلبه رحم يشوف حالتها
بس احنه واكعين بنص بشر ماترحم
بشر نسو قول الله تعالى
(ولاتزر وازرة وزر اخرئ)
شايف من يكلك رايح اتزوج؟
وتطفه الدنيا بيك ودمعتك تنوج
الكاع اتحسها مرجوحه اعله متن اعرج
واتكل الضيمك يسترسل
شايف من تعوفه وتكعد من النوم
ورمضان الحجي كاضيها بيك يصوم
من مابيك تحجي اشلون بيك اتكوم
ويراد الصوتك عكازة
ام احمد..زينب يمه اذا خلصتي تمشيط كومي حشي علف للهايشه قبل لاتضلم الدنيه
زينب..خليت المشط بالكاع بقوة متعصبه من كلام امي
ادري بس اني بالحوش خو مابس اني؟
والله مساع كملت حلب الهوايش وطبيت سبحت
ترديني ارجع احش واني توني سبحانه؟
ام احمد..جا منو يروح يايمه؟
زينه اختج تدرين ابوج مايخليها تنزل للكأع العصر
ومريم هلحاطه الهدوم تغسل بيهن
