ذكرياتي والندم

البارت الاول

جنت واكفه بشباك الغرفه اباوع ع الشارع صافنه واخذتني ذاكرتي ل ١٠ سنين الي راحت عمري هسه ٣٠ سنه كبرت تغيرت حسيت شكد اذيت الي يحبوني ياريت يرجع الي راح
الماضي:-
جنت مخلصه سادس بعمر ١٨ سنه ومنتظره اداوم كليه اني البنت الوحيده ل اهلي وهذه سبب دلالي ابويه حالته الماديه زينه موظف بلاتصالات وماما هم موظفه معاونة مدرسة ثانويه
كعدت الصبح كلعاده ضايجة اول مااكعد الصبح كلش ضايجة ومااحب احد يحاجيني واهلي يعرفون هلشي نزلت شفت امي بلمطبخ هاي بلعطله امي متكعد بس تشتغل يمكن تعوض ايام الدوام الي متلحك بيهم ع البيت
ايناس:ها ماما كعدتي صباح الخير حبيبتي يله تعالي تريكي
عفته ورحت اغسل وكل شويه ماخذتلي صفنه تاثير النوم امي صاحت غرور حضرت الريوك تعالي
اووووف يعني ولا تخلين واحد يصفن شوية
ايناس:يصفن شنو دتعالي تريكي يله ورانه طلعه
وين طلعه وانتي بكيفج مااطلع اني
ايناس:لعد شنو تبقين وحدج
اي ابقه وحدي شنو صغيره
ايناس:لا تجين نروح لبيت جدك
اهوووووووو حته هلريوك مااريده الف مرة اكلج لتسوحلين بيه بكيفج شعندي رايحة مكابله امج واخوج وياحلاوة لو اجتي اختج هيه اكيد تجي ادري بيج مطيته خبر
ايناس:لج غرور شنو اختج وامج واخوج غير تكولين بيبي وخاله انتي شوكت تحترمين
هو اني ابويه اصيحله علاوي هههههه والله ياالله
ايناس:هو محد طيح حضج غير ابوج
علي:صباح الخير شبيج ايناس ويه البنيه
ايناس:شبيه شبيه بدال متركعه راشدي جايه تعاندي ومتحترم
علي:شبيج غرور ويه امج
تريد تاخذني غصب ل اهله
ايناس:كولي بيت جدي
مااكول مااكول مااكول
واذا تستحين مني ومن اسلوبي بعد احسن لتاخذيني وياج
ايناس:دشوف علي
علي:عوفيه لتاخذيه روحي وحدج
ايناس:تهيييي تهييي هذه الكدرت عليه خوش والله
صعدت فوك لغرفتي جريت تلفوني شفت صديقاتي شكد حاجيات دزيتلهن وجع هاي شكد حاجيات ياريت حجي بي خير من الصباحيات
ردت نرجس دكولي هلو دسلمي كتله ميعجبني
كالت يعني انتي حتظلين هيج قليله ذوق كتله هلموجود ولي يله لتتفلسفين براسي تمددت ع الجرباية ياالله كأبه شسوي كلت خل انزل اكول ل انوس اروح وياهه
نزلت لكيته ضايجة ها انوس شوكت ترحين اجي وياج
ايناس:ها شعجب
ضايجة اروح اضحك عليهم شوية
ايناس:شكد ادبسزز
ههههههه اشاقه شبيج يله شوكت ترحين
ايناس:العصر نروح
جاي احجي ويه امي وسمعت باب المطبخ يندك كلت منو صاح عزيز كال اني اهووو هم عزيز استغفرالله فتحت الباب وتخوصرت كتله نعم شرايد
عزيز:شبيج غرور وخري داشوف عمي
اكلك انته ليش ادك باب المطبخ فدمره طب دك باب الهول غير ادك باب الحوش مو تعرف امي متحجبة من عدكم
عزيز:شنو قابل غريب
والله غريب او قريب البيت اله حرمة شرايد من ابويه
عزيز:معليج وخري شويه
دتعال فوت شنو ميعجبك تفوت من يمي الي اعرفه تتمنه قربي هههههه
عزيز:غرور تره هذه حجيج عيب اذا سمعه واحد غريب يكول شكد متستحي احنه لان رابين سوه اعرفج انتي شنو واعرف اسلوبج وطريقتج بس الغريب ياخذ عليج نظره مو حلوة
-خلصت ردت اسالك سؤال ذاك اليوم من انطيتك كلاص المي ليش ايدك رجفت هههههههههه عاد هو راسا فات والله ياالله من كل عقله اقبل بي شبيه تخبلت هذه شنو اصلا شلون يفكر بيه اني يعجبني واحد هيبة هيج عصبي وكلمته متصير اثنين مو عزيز اودي منا وجيبه منا مفديوم شفته عصبي كله صار وحاضر طبيت جوه شفته يحجي ويه بابا ع اخو محمد
كعدت كتله يا طلايب محمد اكلك انته ماعندك غير ابوية يعني لو بس دوخت الراس تجينة من وراكم
علي:غرور لتدخلين يله امشي طلعي
ها علاوي هيج صارت ماشي
علي:شو تتحلفيلي ولج
عزيز:عمي اني خل اروح بس لتنسه الي كتلك اياه اخاف يوكعنه بمصيبه
علي:بلليل كول ل ابوك امرلكم
عزيز:ياريت هله بيك عمي
طلع عزيز كلت خل اغثه قبل ليطلع صحت عزيز راسا ندار ورجع ليمي كتله عزيز مكتلي البارحة فستاني شلون جان الي لبسته بعيد ميلاد مروه
عزيز:يخبل عليج والله غرور شوكت تحنين عليه
ههههههههه والله ياعزيز عندك سوالف وعيني عينك تكلي حني يعني تريدني افكر بيك اني ماافيدك لان مع الاسف احنه مو نفس المستوى
عزيز:خل اروح فيمالا
الله وياك ههههههه سديت الباب وطبيت صعدت احضر ملابسيكل شويه البس وانزع اني ممحجبه وجسمي حلو عندي خصر و ورك يعني مغري واني اتقصد البس اشياء تجذب لبست تنوره بينصل مشجره وقميص وردي فاتح وحذاء رياضي بلون القميص شسورت شعري
شعري قصير مااحب اطوله واصل لجتفي عيوني ملونه وبشرتي بيضه بحمار خليت مكياج خفيف ونزلت شفت امي لابسه ومنتظرتني طلعنه وعفنه بابا وحدة بلبيت
وطول الطريق امي محاضره شكبره احترمي ولتجاوزين لتصيحين لتستهزءين واني بس اتأفاف....وصلنه وطبعا لكينه خالتي كدامنه كلت اي حته اصنف عليهه شويه طبينه امي ظلت تسلم شفت بيبي كتله ها نعيمه بعدج عايشه هههههه فلك طرج انتي شوكت تحترمين امي مخنزره وتغمز كتله دشاقه بس مستغربه شو انتي ماكو مرض مطلع بيج ولهسه مقاومة متنطينه الوصفه كالت كومي من يمي كومي لتصعدين ضغطي ضحكت عفته ورحت ع خالتي بدون لاسلام ولا كلام كتله طبعا رجلج يوميه ويه وحدة بله هذه وجه هذه ومن يخونج تحجين راسا امي ضربتني ع راسي وكالت احترمي غرور كافي خالتي كالت عوفيه يمعوده متعلمه عليه متعرفيه بس لسان امي كلتله مفشلتني ويه العالم يعني هيه كبرت كلمه حلوه متعرف تحجي راسا كتله لخالتي لعد بنتج وين خالتي كالت فوك هسه تنزل نزلت هديل بت خالتي بكدي محجبه وتخبل مؤدبه خلصت وياي سادس نجحت معدله عالي بس ابوهه متخلف ميقبل تكمل كليه كال لهنا وكافي عليه شعدهه طب كليه تفسد صحته
ها هدوله شلونج
هديل:هلو غرور حبيبتي شلونج
جتي تبوسني كتله لا عفيه دخيلج وخري تعرفيني مااحب واحد يبوسني اتقزز ضحكت وكال عادي ضلينه نسولف كتله امشي بلحديقه طلعنه بلحديقة هيه كعدت ع الكرسي اني مديت راسي من السياج جيران بيت جدي عدهم شلون شباب يخبلون من زمان خاله عيني ع واحد اخ بس لو الكفة مره اله كوه اخلي الرقم بيده ههههههه
صافنه اباوع اكول بلكي يمر حجت هديل كالت وج غرور شدسوين اخاف يشوفج احد نزلي كتله هديل ذوله بيت محمود ولدهم مو ولد كولي جكليت كولي حلقوم واحدهم حواجبه معكودة وعيونة تجدح النار النوع الي احبة اوووف لو هيج جيران لو ميراد الجار
هديل:غرور عيب هلحجي انتي بنيه هذه كلامج ميخلي عندج براءه ولا انوثه
لج كل هلاانوثه والجمال مو بعينج
هديل:مو قصدي ع الشكل قصدي ع الطبع والاسلوب لازم تصيرين خجوله نازكة انتي بنيه
ذني عفتهن الج حبيبتي والله ياالله دشوفي جسمي كل هلاانوثه وتكليلي خلي عندج انوثه اني اشع انوثه ههههههههه ضحكت كالت الله يهديج كتله هديل انتي ليش معقده كالت اني مو معقده بس مااحب هلحركات البنية احلى مابيه خجله
كتله دكومي كومي عود جيت لان متكأبة كأبتيني بلزايد ولي من وجهي راحت طبت جوه واني احوص ع بيت محمود يابيت محمود كولي بيت الفستق بيت اللوز ظليت اباوع بس ماكو يوسف تعبت وطبيت جوه ظليت كاعده وسوالف امي وخالاتي شلونهن كعدت ع اعصابي صبينه عشه سوه تعشينه وراهه طلعنه اني وماما كالت خل نشوفلنه تكسي ع الشارع تمشينه شويه شفنه سياره صفره وكفت يمنه ونزل الجامه ياربي هذه يوسف شنو هلجمال ظليت صافنه بوجه حجه ويه امي ومتفق وياهه يوصلنه واني ضاربتلي صفنه مادري لحد ماامي طختني بيدهه وكالت غرور يله صعدي
صعدت كعدت وره السايق وامي بصفي اول مصعدت هو عدل المرايه عليه هاي شنو الله شخالق ضليت صافنه بوجة بعدين حسيت فدشي وكع يم رجلي اني كاعده وره كرسي السايق راسا نداريت ع امي لكيته تباوع من الشباك شفته ورقه طلعت فرجه مكياج شمرته يم الورقه وبحساب دنكت واخذت الورقه والفرجة ضميتهن هو ضحك مادري ليش هيج سويت اني صح جريئة بس ماعندي علاقات سابقه هذه او واحد راح احجي وياه رجعت للبيت واني حايره اخابر او لا خجلت اخابر بعدين من تذكرت عيونه راسا دخلت الرقم وحفظته بجهازي كتبت عليه نعمة الله
وظليت الوب ع دكمته الاتصال الان بدون ماادري دست اتصال نخبصت وراسا سديته شويه دك وكال الووو...

يتبع.....
ما احلل اي شخص ياخذ القصه الكاتبه زينب حسين