تتمة للأحداث السابقة
مروة وشوقي كانوا يحكوا .. والى ماكانوش يعرفوه انه في طرف ثالث قاعد يسمع فيهم .. والى هو يوسف الى دوب ما سمع شوقي يقترح على امه تعاود تتزوج عينيه تعمرو دموع وصار يرجف من الخوف .. الخوف من انها تمشي وتخليه مرة اخرى
مسيكة (كانت لاهية مع الطابلة .. كي كملت تلفت على غفلة لما شافته هكاك قربت ليه و حطت يديها على كتاف يوسف ) حبيبي
يوسف ( رجع من سرحته طلع يده ومسح دموعها وشاف في مسيكة ) وي ميمة
مسيكة ( رفعت يدها ومسحت على خده الطريق ) علاه واقف لهنا .. هيا ادخل اغسل يديك باه نتعشاو مع بعض
يوسف ( هز راسه يمين وشمال ) مانيش جيعان
مسيكة ( استغربت .. جا ت تحكي حتى خلاها ودخل .. تما هي شافت في شوقي ومروة ) .. مروة اسمعي ولد ك ماهوش حابب يتعشى
مروة ( جرت الكرسي ووقفت بعدها تمشات من اتجاه المدخل وهي تحكي )ممبعد نكملوا شوقي .. يوسف ماما واش بيك
يوسف ( حمل الاشياء الى بقاو وجاي طالع لشومبرته ) وش بيا
مروة ( لاحظت نبرة صوته متغيرة ) ميمة قاتلي بلي ماككش حابب تتعشى .. علاه
يوسف ( كي جات تتلمسو بعد عليها لور ) مانيش جيعان
مروة ( استغربت من تصرفه هذاك .. بحيث هبطت شوي تشوف مع عينيه ) غير ضرك كنت مليح وغايا وتضحك وززيد ماشي مليح تبات بلا عشا
يوسف (خلاها وتمشى من اتجاه الدرج ) مانيش حابب ناكل وصاي خطيني
مروة ( عينيها توسعو .. وللحظة النار شعلت فيها من وقتاه يحكي معاها بالطريقة هاذي ) يوسف ارواح لهنا ..
مسيكة ( شدت مروة من يدها ) صاي خليه
مروة ( طلعت يدها ومسحت على جبهتها ) من وقتاه يحكي معايا هكا .. وزيد واش كنت درتله
مسيكة ( خذات نفس طويل ) طفل صغير فوتيله هاذي ليلة وغدوة ربي ييديرلها حل
مروة (نسفت بعصبية ) ونخليه يبات بلا عشا هكا
مسيكة ( تبسمت ) بعدما نكملوا غادي نديرله ساندويش ونطلعوله .. هيا خلينا احنا نتعشاو
مروة ( جبدت الكرسي وقعدت ممبعد رجعت تشوف من اتجاه الدرج ) صحا .. شوقي هيا انت تاني ولا بطلت
شوقي ( ضحك .. بعدها خرج من البانيو حامل بين يديه المنشفة ) لا غير الماكلة الى مانقولش عليه لالا
مسيكة ( قعدت هي الاخرى وبدات تسكبلهم فالطباسا ) كون جاب ربي كون مرتك هي الى راهي طيب وتحطلي وانا ناكل ماشي العكس
شوقي ( ضحك بعدها فرك يديه مع بعض )قريب بزاف قاع ماتخميش
مروة (تبادلت هي ومسيكة نظرات ممبعد ضحكت ) تطور ملحوظ .. في انتظار الجديد
أنت تقرأ
راقصة في عهدة ظابط / الكاتبة منال منولة
Romansaعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
