كونفينمو الإسماعيلي

_5_

الخمسة ديال العشية ....
تزنزين مابقاش كايتسمع فالدار ،  حتى من العيالات سالاو الطياب الاساسي وكل وحدة طلعات لبيتها تدوش وتصلي العصر وتقرا ما تيسر من القرآن ... والرجال تاني فالبيرو ...
اما لوؤي داخل من برا فازك وواضح كان كايعوم تاهو ... ماشي باتجاه الكوزينة يحل ثلاجة ... حل ليحداه مابنش ليه فيها الما ... ودخل للبيت التبريد لي كاين فالزاوية غير حلو هي تبان ليه قدس طايحة تما ..  وسع عينيه ولاح تيشورتو من يدو و مشا عندها مخلوع

لوؤي : قددددس .... قددددس

قدس حلاات عينيها مخطوفة وهو عاد رجعات فيه النفس ولاحها من يديه ووقف

لوؤي : خلعتيينا آلل....( حبسها يحافظ على صيامو ) واش مريضة ولا مالك اش كاااديري هنا

قدس : ( كتحك فشعرها ) ناااااعسة ... البلاصة الوحيدى لي بااااردة ... ونتا غاااااتولي خارج ليا فين ما نمشي ؟؟؟؟؟

لوؤي تنهد وقلب عينو كايقلب

قدس : علاش تاتقلب

لوؤي : الما !!!

قدس : ( علات حاجبها ) وعلاش !!!!

لوؤي  ضار عندها بنظرة منيتك !! يعني واضح اش غاندير بييه وتاهي خلاتو على خاطرو تشوف اش غادير   ..حتى شاف قراعي معدنين ومشا باتجاه وحدة مقصد ... وهي توقف باغا تضحك علييييه ملي تشوفو خسر صيامو عرفاتو الى راه نسى ،  يلاه بانليها دار القرعة ففمو ماقداتش تشوف فيه تاغايشرب وهي ضربها ليه وقربات عندو

قدس : ماحساااابتنيش تا الرجال عندهم شي عذر كايخليهم يفطرو !!!!! رااااك صاااايم اولد عمي  ... صااااايم

خلاتو ومشات وهو بقى غير كايشوف متبعها وشاف للقرعة وهو يشد على راسو

لوؤي : شيييييييت !!!!!!!!!

سلطان خرج من الما كايمسح الما على وجهو وتكا على رولاكس حدا جود هاز تيليفونو .. 

سلطان : هاد الانسطا بالليل مكاين غير عداب القبر و الاستغفارات .. تايخليونا تالعصر عاد تطلع ليك كايلي مكوزة كتوكل بنتها .... ( لاح تيليفون) اجي ! حنا بعاد على المدينة باش غانعرفو الادان دالمغرب نتبعو تيليفون وصافي !!

جود : ( مغمض عينو مسترخي ) سير قول لروكان يودن ... داكشي لي بقى ليه مزال ماداروش

سلطان : الحمد الله لي مزال مادارها ، لي طفى لاكليم فهاد الصهد غايخليك صايم تالحداش دليل ومايحنش .... ماعرفتش واش كايتلذذ هو كايعدبنا

جود : دابا نتا قدام الملء راك ساكن عندو فابور ... ولكن هو خصو ياخد منك فلوس الكرا بالفن ، ماعندو مايدير بيها إسبيس ، كاياخدها منك بهاد العداب ... تهضر مكاينش لي يجي فصفك .... هادي دابا ماشي ديكتاتورية عايشين فيها ؟؟...

سلطان : ( كايشوف فيه ماباغيش يطلع راسو للفوق  ) ودابا الى كان كايسمعنا ! فين غانوليو

جود :  شرحنا ليك ديكتاتورية دابا غانشرحو ليك  العلمانية ،  عمك الروكان طول شبابو وهو صمك ... نهار ولدنا و كبرنا واحتاجيناه يصماك ... ولا كايسمع  الندى فين كايطيح .... واااا هاااادي هي العلمانية آبا سلطان.... ( ناض لتخ الفوطة ) زهرنا حنا عِلماااني ... ( طلع راسو لبالكون كان اسد واقف تما ) الوالييييد العصر ودن ياك ! نوضووو نصليو ، ( ضرب سلطان بركلة ) نوض نصليو باش نشرح ليك الماسونية شنو هي ... الساعة الخمسة دالعشية وحنا صايمين والموت دصهد والحجر الصحي والروكان حاضيك .... مكاين ماااايدار اللهم نتبادلو المعلومات  .....