هنصعد سلم الالتزام معا🥺💜🌸

تحية الاسلام

عن عِمران بن حصين رضي الله عنهما قَالَ: جاءَ رجُلٌ إِلَى النَّبيِّ ﷺ فَقَالَ :
السَّلامُ عَلَيكُم، فَرَدَّ عَلَيْهِ، ثُمَّ جَلَسَ، فَقَالَ النبيُّ ﷺ: عَشْرٌ
ثُمَّ جَاءَ آخَرُ فَقَالَ : السَّلامُ عَلَيكُم وَرَحْمَةُ اللهِ، فَرَدَّ عليهِ، فَجَلَسَ، فَقَالَ: عِشْرون
ثُمَّ جَاءَ آخَرُ فَقَالَ: السَّلامُ عَلَيكُم وَرَحْمَةُ الله وَبَرَكَاتُه، فَرَدَّ عليهِ، فَجَلَسَ، فَقَالَ: ثَلاثُونَ

(رواه أَبُو داود، والترمذي وقال: حديث حسن)

ياجماعة احنا بنضيع جبال وشوايل وانهار حسنات كل يوم 😁😁👍
مينفعش كدا يا جماعة والله 😂

يعني اما يكون مجرد إلقاء تحية الاسلام بـ30 حسنة
تقولي هاااي ليييه هاااا 😒
بصيلي هنا وانا بكلمك 😐😐
او تقولي السلام عليكم وتسكتي 🤭
جت يعني على باقي السلام  ..؟!
ولا انتِ زاهدة في الـ 20 حسنة التانيين مش محتاجاهم 😄

اختااه قولي التحية كاملة وانتِ فخورة ^^
عودي لسانك عليها متقطميهاش ولا تستسهلي غيرها
قوليها ع طول وابدأيها ولو حد ألقاها عليكي رديها كاملة
خلي الكيبورد تحفظها من كتر م بتردديها
دا احنا اللهم بارك ما شاء ما شاء الله بنكلم عشروميت شخص ف اليوم
ع التليفون والفيس والواتس والتليجرام
مش ف الميت كدا ممكن تعمليلك 500 ولا 700 حسنة وانتِ لسه بتبتدي الكلام 😂
ولا قلنا حديث ولا أمرنا بطاعة ولا نهينا عن منكر
ولا شجعنا بعض ع طاعة او ورد او قيام او قرآن او نصحنا نصيحة في الله

#تحية_الاسلام