အခန်း ၁၀။ ဆုတောင်းတို့ပြည့်ခဲ့လေပြီ။
"ဂုဏ်သရေရှိလူကြီးမင်းများနဲ့ ဖိတ်ကြားထားသောဧည့်သည်တော်များခင်ဗျာ သည်နေ့ကတော့ မင်္ဂလာရှိသော၊ နှစ်လိုဖွယ်ကောင်းသော နေ့တစ်နေ့ပါဗျ"
"ဟုတ်ပါတယ်ရှင် ဒီလိုရင်ခုန်စရာအချိန်အခါလေးမှာ ကျွန်မတို့ရဲ့သည်နှစ်အတွက် 'Golden Pole Star'ဆုပေးပွဲအခမ်းအနားကို စလိုက်ကြရအောင်လားရှင်"
စင်မြင့်ထက်ရှိ အစီအစဉ်တင်ဆက်သူနှစ်ဦး၏ အခမ်းအနားစတင်မည်ဖြစ်ကြောင်း ကြေငြာသံနှင့်အတူ နောက်ခံတီးလုံးသံ ငြိမ့်ငြိမ့်ကလေး ထွက်ပေါ်လာသည်။
စင်အောက်ရှိ ဖိတ်ကြားခံဧည့်သည်တော်များအားလုံး၏ရင်ထဲမှာလည်း ကိုယ်စီရင်ခုန်နေကြရင်း အကြည့်တို့မှာလည်း သူတို့နှစ်ဦးထံ ရောက်ရှိသွားကြလေပြီ။
အဖွင့်အမှာစကားပြောခြင်းနှင့် ဖျော်ဖြေမှုအစီအစဉ်အချို့ပြီးသွားသည့်နောက်မှာ မျှော်လင့်စောင့်စားနေကြသော ဆုပေးခြင်းအစီအစဉ်စတင်လေပြီ။
ဆုပေးပွဲတို့၏ထုံးစံအတိုင်း ဆုအကြီးများကိုချန်ထားကာ ဆုအသေးလေးများကိုဦးစွာကြေငြာသည်။ အကောင်းဆုံးအသံဆု၊ အကောင်းဆုံးတည်းဖြတ်ဆု၊ အကောင်းဆုံးဓာတ်ပုံဆု၊ အကောင်းဆုံးတက်သစ်စသရုပ်ဆောင်ဆု စသည်ဖြင့်။
ထို့နောက်မှာမှ အမျိုးသားဇာတ်ပို့ဆုနှင့် အမျိုးသမီးဇာတ်ပို့ဆုတို့ကိုကြေငြာသည်။ တက်သစ်စသရုပ်ဆောင်ဆုကို ထျန်းယွမ်ရုပ်ရှင်ထုတ်လုပ်ရေးမှ အနုပညာရှင်ကရရှိပြီး ဇာတ်ပို့ဆုနှစ်ဆုစလုံးသည်လည်း ၎င်းထုတ်လုပ်ရေးကပင် အပိုင်သိမ်းသွားပြန်လေသည်။
ထျန်းယွမ်ဆိုသာ်မှာ လင်ကွေ့ဟွားနှင့်စာချုပ်ချုပ်ထားသည့် ထုတ်လုပ်ရေးကုမ္ပဏီဖြစ်ပြီး သူမ၏သူဌေးဖြစ်သူမှာတော့ မျက်နှာကြီးတစ်ခုလုံးပြုံးဖြီးလို့နေလျက်သား။
ထို့နောက်မှာ အကောင်းဆုံးဇာတ်ညွှန်းဆုကိုလည်း ရှောင်းကျန့်နှင့် လင်ကွေ့ဟွားတို့ပါ၀င်ထားသည့် 'My Cloud Fairy'ဇာတ်ကားဖြင့် ရရှိသွားခဲ့ပြန်သည်။ သူတို့နှစ်ယောက်စလုံး ဇာတ်ဆောင်ဆုအတွက် မျှော်လင့်ချက်တို့မှာ တစ်စတစ်စ ကြီးထွားလာရလေပြီ။
KAMU SEDANG MEMBACA
မက္မြန္ပြင့္တို႔သက္ေသတည္၍ (season 2/COMPLETE)
Fiksi PenggemarဒီBook က ယခင္"မက္မြန္ပြင့္တို႔သက္ေသတည္၍"ရဲ႕ Volume 2 ျဖစ္ပါတယ္။ ယခင္fictionမွာတုန္းကနွစ္ေယာက္သား ျပန္လည္ဆံုစည္းခဲ့ၾကၿပီိေတာ့ ဒီမွာ ဘယ္လိုေတြ အတိုးခ်ခ်စ္ၾက၊ rs စာေကြၽးၾက၊ roၾက၊ sweet ၾကမလဲဆိုတာေတာ့ ေစာင့္ေမွ်ာ္ဖတ္ရႈေပးပါဥ...
