الفصل الثاني والعشرون
اقترب منهم حازم يسألهم :اي دا انتوا بتعملوا اي هنا
نظرت فريده بخوف لاياد الذي هتف بهدوء :فريده كانت تعبانه شويه
اقترب منها حازم يسألها بخفوت :مالك يا حبيبتي
إياد :كان عندها شويه برد ف معدتها
حازم بتسأل :برد؟... بس دي دكتوره نسا
إياد :دكتوره نسا وباطنه... وبعدين انت اي اللي جابك هنا
حازم :دي تبقي مامه صاحبي وهي متخانقه معاه وانا جاي اصالحهم ع بعض
إياد :ماشي... يلا احنا هنمشي أحنا
حازم :تمام
خرج إياد وفريده من العياده الطبيبه بينما توجه حازم الي الممرضه حدثها قائلا :لو سمحتي قولي للدكتوره ان حازم المصري عايزها
دلفت الممرضه تخبر الطبيبه ليدخل حازم بعد فتره انهي حديثه مع الطبيبه وخرج ليجد الممرضه تشير اليه اقترب منها لتتحدث :لو سمحت هو حضرتك تعرف الاتنين اللي كنت واقف معاهم
اجابها حازم :ايوه دي اختي و.....
قاطعته تهتف :طب كويس اوي هي نسيت تحاليلها والدوا ينفع تدولها
حازم :اكيد... هي حالتها خطيره ولا حاجه... لي التحاليل
الممرضه وهي تعطيه الاوراق :لا متقلقش دي تحاليل حمل عادي... البيبي كويس
حازم بصدمه :بيبي؟
نظر للأوراق التي ف يده بصدمه اسم اخته عليها اخذ يقرأ الاوديه ليجد انها للحامل... فتح فمه لا يصدق ما به.... امر زواجهم السريع من أجل ذلك
ضغط ع يده بغضب حتى برزت عروقه ليرحل من العياده
.........
ف منزل جاسم المصري
دلف مراد بعدما أوقف سيارته بعشوائيه ف حديقه المنزل... وجد والدته تجلس بصحبه عائشه و سحر اقترب من سحر يقبض ع شعرها بعنف اخذت تصرخ سحر بقوه لتصيح فيه والدته :ف اي يا مراد انت اتجننت
مراد بعينيه غاضبه :متجننتش بس لسه هتجنن
هبطت داليدا ع أثر الصوت المرتفع... نظرت لهم بحيره هتفت :ف اي
لم يجبها احد بل حدثت عائشه مراد قائله :مراد سيب شعرها ونتفاهم
ترك مراد شعرها لتسقط أرضا انحني بجزئه العلوي يهتف لها :انا عرفت ان مراتي المصونه حططت لمرات ابن اخويا حبوب هلوسه... اقدر اعرف لي
نظر الجميع بصدمه لبعضهم البعض ليصرخ مراد مره اخرى :بقلك انططططقي
سحر بتوتر :محصلش اللي قلك كدا كداب
مراد :وهو هيكدب عليا لا
سحر بدموع :هي عايزاكم تكرهوني... ايوه هي
مراد :لي هي اللي بتجر ف شكل من اول ما دخلت العيله... عموما انا عرفت صدفه وانا متأكد انك انت اللي عملتيها لاني عارف وساختك
ودلوقت معاكي حل من اتنين يأما تقولي عملتي كدا لي و وقتها هكتفي بطلاقك بس يأما متقوليش ووقتها هطلقك وبعدين اقتلك لاني قرفت منك ومن حياتي معاكي
ارفق كلامه بتحرير سلاحه من جرابه الخاص يوجه ع رأسها لتصرخ والدته بأسمه
ف تلك الاثناء هبط ريان من سيارته يتجه الي داخل المنزل... أخبرته السكرتيره بما حدث... كان متوقع ان الامر تم بواسطه سحر ولكنه كان يريد أن يأكد ظنونه
دخل الي المنزل ليجد عمه يشهر سلاحه أمام زوجته بينما تقف والدته وجدته يتابعان ما يحدث بصدمه وتقف داليدا ع درج المنزل
اقترب منه يريد أن يسحب منه السلاح لكنه توقف حينما استمع لزوجه عمه تهتف :عشان انا بحب ريان... بحبه من زمان اوي وهو مكنتش شايفني... هو مكنش شايف حد اصلا.. ومكنش عندي حل غيرك عشان افضل جنبه خصوصا بعد ما بابي فلس.... وانت كنت بتحبني...اكملت بحده :بس هي كانت فاكره انها هتاخده مني لا مش بعد الصبر دا كله ميكنش ليا... فقعدت اعمل كل حاجه عشان تبعد عنه بس كل مره بتبوظ.... فقررت قررت احطلها حبوب هلوسه وقتها هتتفضح ويان هيطلقها بس بردوا مطلقهاش
تراخت يد مراد عن السلاح حتى سقط من يده هتف بضعف :انت طالق... طالق بالتلاته
ارتفع صوت بكاء سحر لقد خسرت كل شئ... بينما خرج مراد من المنزل يهتف :محدش يفكر يجي ورايا
تحركت سحر تلملم شتات نفسها تتجه الي غرفتها تعد حقيبتها بينما رحل ريان وجلست فايزه وعائشه ع الاريكه وصعدت داليدا مره اخرى الي حجرتها
دخلت فريده بصحبه إياد لتتجه إليهم سألتهم قائله :مالكم ف اي
عائشه :مفيش يا قلبي... خدي إياد واطلعي اقعدوا ف الجنينه شويه
خرجت مع إياد ليمر عده دقائق قبل أن يدخل حازم للمنزل سأل والدته بحده:فريده فين
عائشه :قاعده مع إياد ف الجنينه
حازم بغضب :كويس اوي
غادر حازم الي الحديقه لتتسأل عائشه :دا ماله دا كمان
فايزه بحزن :قومي شوفي ابنك يا عائشه
كادت عائشه ان تتحرك لكنها توقفت ع أثر صوت داليدا الذي هتف :رايحه فين يا طنط
عائشه :هروح اشوف حازم عايز اي من فريده
داليدا :خليكي انا هشفهم
جلست عائشه مره اخرى لتخرج داليدا
......
ف الحديقه
كان يقف إياد بحادث فريده حينما اقترب منهم حازم الذي امسك إياد من تلابيب ملابسه ومن ثم لكمه بقوه رفع إياد نظره اليه لا يصدق ما حدث
اقتربت منه فريده تحاول أن تعبده قليلا عنه
هتف حازم بحده :ابعدي... ابعدي الا الجنين يحصله حاجه
رفعت فريده بصرها له مذهوله ليكمل :وديني لدفنك حيه انت والكلب دا
امسك بها حاول إياد ان يسحبها ليقوم شجار بينهم اقتربت فريده تحاول أن تفصلهم قبل أن يأتي احد لكنها توقفت حينما نادتها داليدا وطلبت منها ان تبتعد... حاولت داليدا ان تفصل بينهم ليتوقف كل منهم بعد صراخها بأسمائهم تحدثت بحده :ف اي هتقتلوا بعض
حازم بغضب :اسأليهم
فريده ببكاء:حازم عرف اني حامل
نظرت له داليدا بتفهم ليتحدث بغضب اكبر :انت عارفه؟!... طبعا مظبطاها مع ابن عمك
داليدا :اخرص يا حيوان انا مبظبطش حاجه ... إياد وفريده متجوزين
حازم بسخريه :كمان... ويا ترى لي معزومناش ع الفرح
داليدا :الموضوع حصل وخلص
حازم :لا مخلصش يا داليدا... لازم اقول لريان عشان نعرف رائه
داليدا : روح قله... روح... بس وقتها خليك عارف انك هتفضح اختك ونفسك وعيلتك كلها... و اكيد ريان مش هيسكت وهيقتلها استحمل بقا قهرت امك ع اختك والشماته اللي هتحصل ف باباك.... ودمر عليه عشان مش قادر تسكت
نظر لها حازم للحظات قبل أن ينصرف
أعادت داليدا نظرها لهم تتحدث بغضب :عرف ازي
إياد :قابلنا ف العياده
داليدا :اوف... مش تاخدوا بالكم
فريده ببكاء:تفتكري هيقلهم
داليدا :مش هيقول حاجه... بطلي عياط... وانت اطلع من الباب الخلفي عشان محدش يسألك ف اي
اومأ إياد راسه ايجابا لينصرف بينما توجهت فريده وداليدا الي الداخل
.......
عند ريان
كان يجلس بمفرده ف منطقه مطله ع نهر النيل... حينما شعر بحسام يجلس جواره سأله بهدوء :هربان من اي
ريان :سحر اتجوزت مراد عشان بتحبني وتفضل قريبه مني
حسام بتفكير :توقعت... وانت توقعت بس مردتش تفكر كدا
ريان :مش عارف اعمل اي
حسام :مش ذنبك يا ريان اللي حصل انت نصحته من الاول بلاش سحر وهو اللي صمم
ريان :صعبان عليا
حسام :متقلقش هيبقى احسن... صحيح انا طالع مؤمريه بليل
ريان بتسأل :مؤمريه اي
حسام :تجاره سلاح متهربه
ريان :تمام... ربنا معاك
حسام :خلي بالك من اسر ويارا
ريان بسخريه :كل مره بتقول البق دا وبترجع تاني
حسام :حاسسها المره دي بجد يا صاحبي
ريان :متقلقش هترجع ان شاء الله
وقف حسام ليحتضنه ريان ومن ثم انطلق عائدا الي مركز الشرطه
.......
مساءا ف غرفه ريان
جلست داليدا جواره ع الكرسي الموضوع ف الشرفه تحدثت بهدوء :انا عايزه اكلمك ف موضوع
ريان :بخصوص
داليدا بتوتر :بخصوص اللي سمعته يوم ما نزلت لوالدك المكتب
ريان :انا مش قولتي تنسى الموضوع دا
كادت داليدا ان تتحدث ولكن هاتف ريان صدح بنغمه وضع الهاتف ع اذنه ليستمع لشخص يقول :السلام عليكم
ريان :وعليكم السلام...مين معايا
اجابه الشخص :انا الرائد محمد محمود زميل حسام ف المدرسه
ريان :حسام حصله حاجه
محمد :انا مش عارف اجبهالك ازي بس هو اداني الرقم دا وقالي لو حصل حاجه ارن عليه... البقاء لله سيده المقدم استشهد
بقلم جهاد عهدي
اترككم ف حفظ الله ورعايته ♥️
