عائلتي الجديده

بارت الثالث

البارت الثالث
الكاتبه( سمو الملكه)
(كلششش زعلانه ليش تشاهدون بدون ما تصوتون روحو صوتوع كل البارتات حتى اذا لحكت اليوم انزل بارت لاخ)

وبي شوقٌ أذابَ القلبَ حُزنا
‏فذكراكم تلوحُ بكلّ صَوبِ ..
‏وليسَ الهجرُ يُؤلمني ولكنْ
‏ جَمالُ الذكريات يهزّ قلبي !

ماما شابكتني وتقراء ع راسي والي عرفنا بابا مخابرهم وماجل جيتهم لباجر لان حاجي الهم اني تعبانه وهو تعبان وما بيه حيل يكعد ويحجي وينطي وياخذ بالحجي وياهم فكايل الهم باجر تعالو كل الهلا بيكم
لحد مصار الليل وكل واحد راح لمكان بابا بغرفته وحمودي بالحديقه وماما اجتي يمي
وهو منو اله عين تنام بذاك اليوم الاسود صّــدك اسود كبرني ١٠ سنوات فوك عمري وليشوفني ما يعرفني مو عبالك صار اسبوع من عرفنا الموضوع لااا عبالك سنه قهر وحزن حالي تغير وجهي طفى وغيم من القهر الي مريت بيه يمكن ما تتخيلون كميه الحزن والالم الي عندي بس انييي اساسا متعلقه باهلي  امي صديقتي مو مجرد ام وبنت وحمودي جان حبيبي وصاحبي واخوي وبابا اخخخخخ والف اخخخخ يا ابويه هذا جان الهواء حتى اذا بيبتي امه تحجي عليه ما اقبل واتعارك وياها كدما احبه ف ماكدر اصلا ابتعد عنهم الفكره بحد ذاتها موت بالنسبه الي وبقينا الليل كله متكابلين انييي وامي منو تبجي اكثر ؟ لو منو تواسي منو !! الام الي راح تفقد بنتها الوحيده لو انييي لاي راح افقد دلالي واهلي وبيتي !! الاختبار جان صعب حيل من رب العالمين
وبقيت اردد انا لله وانا اليه راجعون لان تذكرت واذا اصابتكم مصيبه قولو انا لله وانا اليه راجعون وادعي واستغفر الله و اردد ربي لا اسالك رد القضاء لكن اسألك اللطف فيه بس ويــن لاعيوني بطلن دموع ولاكلبي بطل قهر وصبح الصبح وياريت ما صبح عليه
ابوع ابوووي يشرب جكاير والوجه مورم والعيون دم والاعصاب فول
لو حمودي حبيبي سوده عليه العيون دم واصلا يبجي ما متحمل كوه يسوي نفسه ساكت لو امي الي هي حالها حالي بقينا سهرانين بليلتها ومحد شاف طعم النوم ابد
راح بابا حبيبي جاب ريوك كيمر عرب لان احبه وكاهي وجاي وعسل وكوه يتوسلون بيه بس اكل لكمه بس وين اني  حتى طعم الاكل ما احس بيه عبالك سم مو اكل وحارو بابا وماما شلون يوكلوني ويدللوني وحمودي بس يحجي ويتعارك بس يريد يغير مزاجي وهو اسواء مني حالته ل ١١ الصبح اجوي اهلي بيت ابو علي واحنا جنا كاعدين من ٦ الفجر اصلا ما نمنا بيومها
ابو علي(مصطفى): السلام عليكم ابو عسل
ابو عسل: وعليكم السلام ابو علي تفضل يابه تفضلو
عسل :اجه ابوي وياه نفس الولد لهذيج المره اجوني الاسمر والابيض الي ما متاكده همه اخواني او لااا بس كلش حقدت ع الاسمر وكرهته
دخلو جوه واخذ حمودي جاي وكيك وبسكت ضيافه وبدا النقاش
ابو علي: الله بالخير يابه انته امرت الموضوع نحله بينا وما ندخل لا طرف ثالث ولاجبير عشيره ولا احد صح لولا
ابو عسل: الله بالخير والعافيه اي صـح ولهاي لحضه انييي ما اريد احد يتدخل ويصير موضوع بنتي ع كل لسان مهما يكون هي بنتي وعرضي وما اقبل احد يحجي بيها وهسه خل ادخلك بالموضوع المهم اني رجال اصلي واخاف الله وما احب اكذب عليك ف سويت التحليل والتحليل مطابق وعسل بنتك لكن هذا ما يعني اني مالي حق يمك
ابو علي: لاااا يابه لااا عسل مثل ما هي بنتي بنتك
ابو عسل : اسمعني خويه الابنيه زوجتي مرضعتها وهي بنتي بالرضاعه يعني مو اكولك بنتي بدون سبب او مجرد مربيها لااا هي بنتي بالرضاعه واخت احمد هم ومثل ما انتم عائلتها احنا هم عائلتها وعسل هذا بيتها قبل لايكون بيتي واذا عاجبها تبقا هنا ف نخليها ع راسنا اذا مكفه البيت واذا رادت تروح وياكم يبقا هذا بيتها وبعد القرار لعسل
ابو علي: خويه والنعم منك ومنكم كلكم واني اتشرف بنتي ربت عند ناس مثلكم ذهب والحمد لله مربيها احسن تربيه متاكد من هل شي لكن انييي لازم اخذها ولازم تتعرف ع اهلها وعمامها وامها واختها ماكدر اخليها هنا تعذرني بهاي بس اكدر اكولك تبقا هي بنتك وشوكت ميعجبها تجيكم اذا اخوانها ما جابوها انييي بنفسي اجيبها لحد بابك عايل وياك بشي؟
ابو عسل: لااا يابه ما عايل وكلامك صواب لكن بالله يعز عليه فراكها وع عمى عيني وكاره نفسي لان كاعد هاي الكعده تعرف البزر شكد عزيز عاد مو نوب عسل بت كلبي هاي
ابو علي : ما الومك ولا اكولك غير الله يصبرك ع فراكها لان اني هم عندي بنت واعرف معزه البنات وان شاء الله انييي اخوك وما اقصر وياك شوكت تامر وتريدها يمك اعتبره تم وهذا وعد مني وكدام ابني وابن اخوي وابنك شهود ع كلامي زين هيج؟
ابو عسل: هاي هي خويه الحمد لله ع كل حال خل اصيح البنيه احجو وياها اول وفهموها تره هي ما تدري اليوم تاخذوها واصلا ماعدها  علم تروح وياكم عبالها بس اخبركم اليوم نتيجه التقرير ف انطيها خبر وخل تحجي وياكم افضل
عسل: اجه بابا وكال عسوله حبيبتي تعاي روحي لابو علي يريد يحاجيج بموضوع رحت ويه بابا ما اكدر اكسر كلمته احترمه حيل بس رحت ومالي نفس ابد الدنيا طالعه من عيني
عسل: السلام عليكم كامو وردو السلام عليه
ابوعلي : وعليكم السلام بنتي تفضلي استريحي عندي موضوع وياج مهم
عسل: اي نعم تفضل
ابو علي: مثل ما تعرفين وسمعتي انو التحليل مطابق وانتي بنتي زين وهذا علي ابو عيون الخضر اخوج الجبير وهذا الاسمر اسد ابن عمج وانييي يا بنتي اريد ترحين وياي حتى تتعرفين ع اختج وامج وبقيه العائله
عسل: الشغله الوحيده الزينه انو اسد طلع مو اخوي جان انتحرت وهذا الي اسمه ابوي يحجي ومسترخي وعبالك انــي لعابه عنده يايولي واني احس الشياطين كامت تكمز مو بس تلعب كدامي
عسل: احم من رخص ابوي اوس ابو علي ع راسي اني بنتك واكيد اروح وياك بس ممكن تنطوني مجال اولا اتقبل الموضوع وثانيا اجمع غراضي وملابسي
حجه اسد: وشكد تردين مجال
عسل:  حاجيته واني دايره وجهي وما اباوعله انغث منه وبتكبر احجي وياه كوه شوف اذا ع ملابس ف ميحتاج وقت هواي اسبوع كـــافي اجمع ملابسي بس لان اريد اتاقلم ع الوضع الجديد ف احتاج سنه واذا مقبلتو ف سته اشهر اقل شي لان مستحيل اتقبل الموضوع بسرعه
اسد: بصياح بوووويه شنووو سنه سالمين ؟ هو خطوبه وحنه وعرس مرات يسوهن بشهر انت ع راسج ريشه سنه لو بس احنا بتنا تبقا سنه ابيت ناس غربه ويانه متحجي والله شنوو اريد اتعود ع اساس ماخذينج للحرب
ابو علي : صوتك يابه اسد وانت عسل شوفي لان مقدر وضعج ف راح انطيج اسبوع ونجي ناخذج والا اني اليوم ناوي اخذج واسالي ابوج كتله اليوم اخذها بس الرجال كال  احجو وياها اول وحجينه وياج وماكو غير هل حل والوقت بنتي
عسل: هو شعلي يعييط عليه ( اسد) مو انته واخوي موجودين وبعدين شنوو ناس غربه ع اهلي وبابا اوس مو غرررريب تره ابوووي تره صارلي ٢١ سنه عدهم واذا اكو غريب فهو انتوو داحجي باحترام وما متجاوزه ع احد لاتجبروني اطلع من طوري
اسد: لااااا بله شو تجاوزي حتى اعرف شلون اربيج من جديد
ابو علي: يابه اسودي مو هيج الحجي اهداء وكول يا الله يابه عسوله مثل مكتلج اسبوع ونجي ناخذج وغير هل كلام معندي حضري نفسج ورتبي امورج حتى الاسبوع الجاي نجي ناخذج ولو ع اساسا اني اليوم اخذج بس ماكو مشكله خير ان شاء الله
عسل: طلعت وعفتهم ياربي حتى ع ابو علي حقدت هذول مصممين ما بيها مجال ماخذين قرار اصلا وناهين الموضوع ما بيدي شي غير انتضر مصيري والبلوه الي وكعت ع راسي واني ما حسبتلها احساب
رحت يم ماما وخبرتها بكلامهم ودك بجي ولطم ع المصيبه مالتي وخلصت اليوم كله بغرفتي قافله الباب وما اقبل احد يحجي وياي ولا اكلت ولا شربت ابد سويت اضراب عن الدنيا كلها ثاني يوم طلعت غسلت وسلمت ع ماما وبابا الي ما فاركو باب غرفتي والقلق مبين ع وجهوهم عبالهم انتحرت او سويت بنفسي شي لكيتهم لمن طلعت يتراجفون عليه وجهم اصفر مادري من الخوف مادري من التفكير بفراكي وطبعا حمودي رزلني وهاي اول مره يسويها ويعلي صوته عليه
احمد: انتتتت خبله شبيك صغيره طفله؟ ثول حتى ثول شوفي امج وابوج شلون حالهم بسببج ما اكول غير طيح الله حظج يا انانيه تفكرين بس بنفسج لج من البارحه لليوم النوم ما شافو وكاعدين اباب غرفتج خايفين عبالهم بيج شي بس ويننن انت بعقلج مطي وتفكرين بس بنفسج يا غبيه يا حيوانه حقيرررره
بابا راد يرد عليه بس هو ويــن عصبي عافنا وطلع حتى بدون ميباوع ع احد ....