إسلام الجزء التاني

البارت الرابع والاخير

المدربه: ايه الصريخ ده في اي
ودخلوا كلهم البروڤه يشوفوا ايه الصريخ ده لاقوها بتصرخ عشان في صورصار ماشي على الحيطه 🙂😂
المدربه: هو الصريخ ده عشان صورصار 😏😏
فاطمه: مالك ي وليه انتي بتبصي كده ليه لا اوقفي  عوج واتكلمي عدل
المدربه: وربنا مشرشحه يلا يا جزمه امشي قدامي
فاطمه: طب بوراحه 😏
المدربه: امشي يبت 🤭😂
بعد م خلصت الچيم طلعت على محل جابت منه فستان الحفله وراحت البيت وكانت الساعه تسعه ونص
في البيت.....
فاطمه:ماما بقولك اعمليلي شعري ايدي وجعاني مش قادره ارفعها
امها: نعم ي ختي غورى يبت من هنا انا فاضيه لشعرك ده
فاطمه: عشان خاطري ايدي وجعاني والله
امها: وربنا م بحصل شعرك تقيل وزي الخرا مش هقدر عليه انا
فاطمه: يعني هو عشان تقيل مش عارفه تعمليه اومال لو كان خشن كنتي عملتي اي
امها: كنت اتبريت منك
فاطمه: مشكرين ي حكومه انا اروح عند حماتي ولا تقولي اتبرى منك ولا مش قادره 😒
امها: بتقولي اي حماتك وهي فين حماتك دي يا عين امك مش اما نلاقى حد يتف في وشك الاول بدل م انت قعدالي قعده المطلقين كده 😒
فاطمه: هيتف قريب ان شاء الله
امها: هو مين ده
فاطمه: مين اي مقولتش حاجه
امها: بحسب
فاطمه: انا قايمه من قدامك عشان مرارتي اتفقعت
امها: مرارتك اتفقعت من مين يا بنت الكلب
فاطمه: ولا حاجه وبطلوا شتيمه بقى الواحد اعصابه تعبت الاه 😒😒😂
امها: مش عندك حفله الصبح خشي نامي يلا
فاطمه: ازاي ي حسره هو انا بنام
امها: اه نسيت والنبي انتي من البني ادمين ازاي ده الواحد بينام اربعتاشر ساعه وبيصحى بيبقي عاوز ينام تاني انتي مش بتكملي الساعتين وبتصحي مش عارفه انا اي ده
فاطمه: م قولنا هاتوا منوم مرضتوش 😒
امها: منوم وشوفي انتي رايحه فين يلا
فاطمه: طيب 😒
امها: بصي عدل يبت
فاطمه:لا انا هروح اكلم هبه بدل م افرقع
امها: اه هبه روحي يختي مش عارفه انا بترغوا في اي اربعه وعشرين ساعه بترغي معاها بتتكلموا في اي
فاطمه: بتعلمني ارقص ازاي اصلي هفتح كباريه قريب 😒😂😂
امها : بتقولي اي يبنت الجزمه انتي
فاطمه: مبقولش حاجه انا داخله اريح شويه عشان افوق للحفله
امها: ماشي
قبل م تنام ......
فاطمه: طب اكلمه ولا اسيبه ولا اعمل اي ولا لاء كده كده بكره هكلمه قبل م ادخل ( ونامت)

تاني يوم في إسكندريه في شارع كاريوكي مكان الحفله
في البروڤه
المشرفه: استاذه فاطمه انتي جاهزه
فاطمه: لسه فاضل ربع ساعه واطلع مستعجلين ليه.
المشرفه: عشان لازم تطلعي على الوقت بالظبط
فاطمه: عارفه والله بس بلاش التوتر ده عشان بتوتروني انا
المشرفه: خلاص انا اسفه هو حضرتك هتقولي كونڤيرتف ولا شعر واحد
فاطمه: لو قولت شعر واحد مش هياخد مني خمس دقايق واخلصه وانا فقرتي انتوا عاملينها ساعه الا ربع ف اكيد هيبقي كونڤيرتف
المشرفه: تمم يلا فاضل عشر دقايق
فاطمه: ماشي ي ستي ماما فين
المشرفه: مامتك قاعده في قاعه المسرح في اول صف متقلقيش
فاطمه: ماشي بلغي الامن ان في واحده جايه هتقولهم تبع فاطمه الشاعر فيدخلوها علاطول
المشرفه: هي مين دي
فاطمه: واحده بتعمل بورتيه وكده ف قولتلها تعملي واحد
المشرفه: صورتك يعني
فاطمه: لا حد تاني
المشرفه: ماشي حاضر ....يلا اطلعي فاضل دقيقتين
فاطمه: طيب ماشي انا خلاص جاهزه اهو
المشرفه: ماشي يلا
# طلعت على المسرح وقالت شعر من كتاباتها وشعر لاميره البيلي وخلصت ودخلت اوضه البروڤه مسنيه البنت االى عاوزه تعمل معاها مقابله وبعد نص ساعه وصلت البنت دي ومعاها واحد وتقريبا كان خطيبها ودخلوا هما الاتنين لفاطمه بعد ما هي خلت مامتها تروح البيت وراحت تشوفهم
فاطمه: اهلا اهلا انا فاطم الشاعر
...... : انا هدى جيالك من جريده اللواء العربيه وده وائل معايا هيسجل الحوار اللى بيني وبينك
فاطمه: تشرفت طبعا بس الحوار على ايه
وائل: سمعنا عن شخص عامل ضجه على السوشيال ميديا وبالتحديد في مجال الكتابه او الوسط عمتا وانتي الى كاتبه عنه وتعتبري اول كاتبه في تاريخ الكتاب كلهم تكتب روايات حقيقيه وكمان عن شخص موجود في الحقيقيه وديه فكره هايله طبعا بس سؤال الضجه دي كلها الشخص ده عاملها ليه
فاطمه: مسمهوش شخص اسمه اسلام وعمل ضجه ليه لانه مش زي اي حد ومش عادي عشان الكلام عليه سواء في مقال او روايه او نيوڤيلا او او او يعدي بالساهل كده وخلاص
هدى: يقربلك ايه
فاطمه: سؤال ذكي جدا تعتقدي بعد اللى كتبته ده كله يبقي اي
وائل: معلش هي غبيه والله 😂
فاطمه: ولا يهمك 😂
هدى: بالنسبه للصحفيه اللى عملت معاكي مقابله قبل كده ونشرت مقال ليكي عن إسلام في الجريده برده هل حكيتي ليها كل حاجه عنه
فاطمه: مش اوي بس في حاجات كتير هي عرفتها
هدى: تمم دلوقتي كل كاتب بيكتب روايه بيبقي ليها هدف او مغزى انتي هدفك اي
فاطمه: اول حاجه اني بحاول افرحه هو ولو بشيء صغير تاني حاجه بحاول اوصل معلومه للبنات وهما عارفين انا عاوزه اقولهم ايه
هدى: تمم سؤال انتي لسه صغيره وهو اكبر منك بتتعاملي معاه ازاي
فاطمه: لحظه بس معلش 😂😂 ايه انا صغيره وهو اكبر دي هو الحب بالسن حضرتك وبعدين هو اكبر مني بأربع سنين بس وفي الى بيحبوا بعض وفرق بينهم عشر سنين ف هتجيبي العشره زي الاربعه وارجع واقولك تاني الحب مش بالسن هو اه ليه سن معين تحب فيه وهو من اول 16 سنه غير كده بيبقي مراهقه وفي اللى يقولك المراهقه لحد سن 18 سنه بس ديه عند الشباب انما البنات لا
هدى: كلام سليم جدا بس برده مفهمتش بتتعاملي معاه ازاي
فاطمه: والله على حسب حالته وعلى حسب الموقف شويه ابقى حبيبته شويه ابقى صاحبته وشويه اخته ولكن 99٪ بعامله كأنه إبني كل تصرفات الأم اللى بتحب ابنها وبتخاف عليه من الهوا بلاقيها طالعه مني معاه ومش بعرف اسيبه زعلان او مدايق مش شرط الزعل يكون مني لا هى الدنيا كلها مزعلاه اساسا انا عارفه ف بفضل معاه في حلاته كلها معاملتي وكلامي معاه بيبقي زي الامهات بالظبط وانا بقولك بحسه ابني وانا حابه الاحساس ده جدا
هدى: حلو اوي طب و..........
قبل م تكمل المشرفه دخلت في الاوضه ومعاها شنطه بتديها لفاطمه
المشرفه: استاذه فاطم البورتيه وصل والاوضه جاهزه
فاطمه: ماشي شكرا
هدى: ممكن اشوف البورتيه ده يا فاطم
فاطمه: ولو اني مش بوري صورته لحد بس ماشي اتفضلي
هدى: م شاء الله مين ده
فاطمه: اسلام
هدى: لا قمر والله 😂 طب اوضه اي اللى بتقولك عليها دي والبورتيه ده عملاه هديه ليه ولا عشان عيد ميلاده
فاطمه: اولا مبحبش حد يعاكسه عشان اللى بتعاكسه بجبها من شعرها والبورتيه ولا عشان عيد ميلاده ولا هديه ليه والاوضه دي حاجه خاصه محدش يعرف عنها حاجه بس تعالى معايا اوريهالك
هدى: ماشي اتفضلي
طلعوا من مكان الحفله ومشيوا شارع واحد ووصلو لمكان هيئته زي الاستديو بس من جوه حاجه تانيه خالص من جوه اوضه كبيره لونها وردي في موڤ متظبطه ومتزينه بطريقه حلوه وفيها مرايه متعلق عليها انوار كتير وفي روايح حلوه بتترش فيها
هدى: المكان ده حلو جدا اي ده يا فاطم
فاطمه: ده عالمي الخاص مع اسلام زي م انتي شايفه كل صوره ليه متعلقه وليها حكايه معايه وادي كمان بورتيه لصورته هيتعلق زي الباقيين
هدى: طب وايه الورق ده
فاطمه: بصي لما كنت بكلمه كنا ساعات بنتكلم مش شات واتس ولا فيس لا شات رسايل فون العاديه ف كنت كل مره بنتكلم باخد اسكرين للكلام واروح اطبعه واشيله هنا معايا
هدى: وايه المقطوعات ديه
فاطمه: كل مره في شتات الواتس او المسنجر قالي فيها كلام حلو او كلمه بحبك او شي زي كده كنت بصوره واشيله برده عشان لو الفون حصله حاجه يبقي كل حاجه معايا
هدى: وايه التواريخ اللى على علب الهدايه دي
فاطمه: كل تاريخ منهم وليه قصه مختلفه وقصه مميزه ف كل علبه فيها هديه بتاريخ اليوم الى قالي فيه حاجه فرحتني
هدى: طب اي العلبه الكبيره االى هناك دي
فاطمه: ديه فيها 452 قصيده وشعر انا كتبتهم ليه وقت م كنت بفضل اشوف صورته واتكلم معاها ف طبيعي العلبه تبقى كبيره 😂😂
هدى: كتبتي الشعر ده كله 😶🙂
فاطمه: ولسه بكتب اكتر من كده
هدى: طب انتي مظبطه كل حاجه وكل حاجه شكلها حلو اوي والهدايا كذلك بس انتي بتيجي هنا لوحدك ليه
فاطمه: عشان انا لما ببقي عاوزه اشوفه باجي هنا وبتخيله وهو قاعد بيشوف الحاجات دي كلها ف بحب الحاجات دي اكتر لما بتخيل انه شافها
هدى: وهو مشفهاش لحد دلوقتي
فاطمه: ولا يعرف عنها حاجه اصلا 😂
هدى: الاه اومال انتي عملاها ليه
فاطمه: اليوم اللى هشوفه فيه اكيد مش هيبقي يوم عادي يعني ف قبل م يمشي هجيبه هنا يشوف ده كله الاول عشان يفتكر كل حاجه ووقتها لما يفتكر اصغر التفاصيل االى حصلت بينه وبيني ده هيفرحني انا ده غير ضحكته اللى بتخيلها من دلوقتي لما يشوف الحاجات دي اهي ضحكته ديه بالدنيا
هدى: هو شاف الى انتي كتباه عنه في الحاجات اللي نشرتيها
فاطمه: اه 😂😂
هدى: طب وقال اي
فاطمه : والله قال حاجات كتير منها انه بيعيب على نفسه 😂😂 بيقولي انتي كاتبه عني حاجات محسساني اني تايتنك في نفسي ومره تانيه بيقولي اني مطلاعه زي روميو تقريبا ولا م فاكره قال اي بس كل البنات معجبين بيه وهو بيقول كده وفي بنات برده شايفين ان الى بتكتبه مبالغه
هدى: طب وانتي ردك اي عليهم.
فاطمه: ردي هو ان الى محبش مش هيفهم كلامي ردي هو ان الى بيحبوا الايام دي حب اي كلام وشويه يسيبوا بعض انما انا مش كده وردي بقي على استاذ اسلام انه اه مش الواد بتاع تايتنك ولا روميو ولا روچدي اباظه والله 😂 بس خليك فاكر ان اللى حبيتك كاتبه مش واحده عاديه عشان تقولك بحبك كده والسلام بصي اي كاتب لما بيحب مش بيكتب حاجه غير عن حبيبه وبيفضل يقول عنه كل الكلام االى في قلبه بس بطريقته بقى ف الناس تشوفها مبالغه او شيء تاني بس عاوزه اقولك ان كل حروف اللغه العربيه اللى هو بقى مالكها من ساعه م حبيته عمرها م هتقولك ولا هتقول لحد هو عامل ازاي ولا انا بحبه ازاي ولا اي حاجه مهما قولت اللى جوه نحيته اكبر بكتير من ان شويه حروف يوصفوه
وفي اللى يقولك ده حب افلام 😂😂 ماشي هو حب افلام مديقين ليه انتي وهي اسلكوا وصفوا النيه وخليكوا صادقين من البدايه وانتوا هتلاقو احداث اافيلم بتحصل معاكوا
هدى: احكيلي شويه عن اسلام ده كده يمكن الاقي عريس زيه ولا حاجه 😂
فاطمه: افندم
هدى: لا ولا حاجه بقولك اتكلمي عنه كده يعني
فاطمه: بصي اول م عرفته كان غامض بشكل فظيع اللى هو متفهميش هو اي ولا حياته عامله ازاي ولا اي حاجه كان مش بيتكلم عن حاجه خالص بس يعني مع الوقت بدأ الغموض ده يتفك وعرفت كل حاجه عنه 😂 بصي بحس انه بيبقي تعبان وفيه االى مكفيه لكن بيضحك وفي نفس الوقت تلاقي عينيه تقولك كل حاجه اذا كان فعلا بيضحك زي اي طبيعي ولا كداب ومخبي حاجه وعشان انا مش قدامه خالص ومش بشوفه يعني بقيت بعرف هو كويس ولا لاء من صوته... هو الطف م في الوجود بس عليه برود مش على حد والله 😂 باجي اعصبه او اخليه يزعق بتعصب وازعق انا 😒😂😂😂 كان كل مره بيثبت انه جدير بالثقه فعلا واني مش غلطانه الوحيد اللى لما ازعل منه زعلي مش بيكمل خمس دقايق والاقيه يا ضحكني 😂 يا صالحني علاطول ولو الزعل طول هو اصلا بيعدي اليوم بس وقتها مش بعرف افتكر ليه غير الحاجات الحلوه اللى كان بيعملها كل الناس اول م يزعلوا من بعض تلاقيهم يفتكروا كل وحش لبعض ف الزعل يزيد ويطول انما انا ازعل من هنا اقرء الشات بتاعنا من الاول للاخر وبعدين بروح اسمع صوته لما كان بيكلمني فون واول م اسمع ضحكته بضحك انا وتلاقيني صفيت خلاص 😂
هدى: طب اي الصوره اللى هناك دي وليه مركونه على جمب لوحدها ومش متعلقه على الحيط زي الباقيين
فاطمه: الصوره دي انا بكرهها ومبحبهاش
هدى:قصدك انك بتكرهي اسلام
فاطمه: دي اللى عمرها م هتحصل مش معني اني بكره الصوره يبقي بكرهه هو لا الصوره دي اتصورها في في فتره هو قعد ميكلمنيش فيها لمده شهر وكنت مفكراه انه طلع زي اي حد وحش عرفته في حياتي وفي الفتره دي أقنعني بأن الشباب كلهم زي بعض وفي مره فتحت اافيس لاقيته منزل الصوره ديه وكان واحشني بغباء وانا مش عارفه اقوله كده ولا عاوزه اكلمه اصلا لانه مكلمنيش وقتها من تعبي عيطت ف بقيت بكرهه الصوره مبحبهاش لكن بعدها بشويه جيه وكلمني وشرحلي كل حاجه واي اسباب غيابه وكده يعني...
هدى: شوفتيه كام مره لحد دلوقتي
فاطمه: ولا مره لا استنى مره كنا هنتكلم فيديو كول المهم فتحت الكاميرا لاقيته قدامي الفون اتنطر مني على الارض لاني اتخضيت 😂 مش عشان حاجه لا كانت اول مره اشوفه كده هو مشافنيش لان الكاميرا كانت بعيده عن وشي بس اول م شوفته والله قلبي بقى يدق بسرعه بنت كلب وفضلت اجري حوالين الاوضه زي الفرخه وانا بقول احيه احيه احيه 😂😂😂😂😂😂 وبعدين الفون قفل لانه كان معلق ومكسور وقتها وللاسف ملحقتش اشوفه عدل 😂😂
هدى: عيطتي بسببه كام مره؟
فاطمه: بصي انا عيطت كتير شويه  بسببه وكانت مرتين مره كان بسبب الشهر اللى مكلمنيش فيه ومره بسبب شيء تاني مينفعش اقوله وشويه عشانه عيطت عشانه كان وقتها تعبان وانا تعبانه وانا مش عارفه اتكلم مش عارفه اقوله حاجه مكنتش عارفه اهون على نفسي عشان اهون عليه ف من غلبي عيطت ولما بيبقي زعلان وبيقعد لوحده ومش بيكلم حد بفضل اعيط برده انا ك فاطم مش بحبه اشوفه زعلان ببقى عاوزه اقوله فضي اللى جواك ده فيا انا وانا مش هتكلم بس خد كل حاجه وانا هعمله اي حاجه بس عشان يبقي مبسوط وميبقاش بالحاله دي انا لو اطول اديله فرحتي واخد منه اللى مخليه زعلان كده مش هتأخر وهديهاله بس المهم يكون مرتاح المهم عندي يبقي بالليل حاطط راسه على مخدته وهو مش زعلان بس كده
هدى: طب وقت م بيبقي بالشكل ده بتعاملي معاه ازاي
فاطمه: بصي كنت الاول بفضل ازن ازن ازن عشان اعرف ماله ومكنش بيقول حاجه يا إما يشوف انا بقول اي وميردش وكنت مفكراه بيتجاهلني او مش عاوز يكلمني وجت عليا فتره زعلت منه بسبب كده لكن فهمته واحده واحده هو بيبقي عاوز يقعد في هدوء من غير م حد يتكلم معاه عاوز مساحه شخصيه لنفسه يقعد فيها شويه من غير اي دوشه حواليه هو اه غلط اللى بيعمله ده لكن واحد متعود على الطبع ده طول عمره هل هينفع مره واحده كده يجي شخص يغيره؟ لا مينفعش اه هيتغير بس بالتدريج دولقتي بقيت لما اعرف انه مدايق اعرفه اني موجوده معاه اربعه وعشرين ساعه لو احتاجني انا جمبه بس بسيبه يقعد لوحده يوم كامل ويعز عليا اسيبه بس هو بيحب كده عشان كده بعمل اللى يريحه بسيبه يوم واليوم التاني اكلمه بحيث يكون هدي شويه وعلى فكره سبق وقولتلك ان الشخص مش بيتغير مره واحده لا بالتدريج يعني اسلام ده لما بيزعل او بيتعصب بيبقي قاسي اوي وماسك نفسه مسكه وبيبقي على تكه يعني لو اتخانقتي معاه وقته قولي على نفسك يا رحمان يا رحيم ومكنش بيتكلم بحرف واحد ويقول انا فيا وفيا اما دلوقتي بقى يقولي بس وحده وحده خليته يتعود ان انا معاه وجمبه كل دقيقه وعندي إستعداد اسمعه من هنا لأخر عمري بقيت معوداه على حاجه ان يشاركني حزنه قبل فرحه وبدأ وحده وحده يحكيلي ماله ويقولي حصل وحصل وساعتها بيبتدي دورى أني اخفف عنه شويه واعرفه انه مش لوحده وبعد كده بخليه يضحك شويه بحيث انه يخرج من المود بتاعه
هدى: جميل اوي....طب لو إسلام كان هنا كنتي هتقولي ليه اي او عايزه تقوليله اي عمتا يعني
فاطمه: عندي كلام كتير اوى بس عاوزه اقولك انك مهما حاولت تبقى لوحدك وتشيل كل حاجه لوحدك انا مش هخليك تعمل كده في حاجه بتقول حمل الليالي خفيف لو يشيلوه اتنين انا معاك علاطول ومش هسيبك حتى لو انت اللى عاوز كده وانا عند وعدي ليك ومش هخلف بيه
هدى: عاوزه تقولي حاجه تاني
فاطمه: عاوزه اقوله يا بختك انا ملاقتش اللى يحبنى ولا يبقى جمبي علاطول زي م انا بحبك كده وخليك دايما فرحان مفيش حاجه مستاهله زعلك خالص
هدى: هي اي الليدر اللى هناك ده
فاطمه: ده فيه كارت ميمورى عليه 93 مكالمه اتكلمناها من اول يوم سمعت فيه صوته فون
هدى: والاسطوانه  اللى هناك دي برده بتاعه اي
فاطمه: دول اتنين بس واحده عليها اغنيه لرامي جمال اسمها احنا ملناش الا بعض ودي كانت اول اغنيه ينزلها استورى واتس يوم 8/3 الساعه 10ونص بالليل وحبيتها بسببه والتانيه دي اغنيه كل يوم بقول وانا معاك مش هكون غير ليك وديه كانت اول اغنيه يخليني اسمعها معاه وكانت اول مره يشاركني فيها حاجه
هدى: انتي كنتي بتقولي لما بتبصى فى صورته الشعر بيطلع معاكي يعني مش بتكتبي شعر غير قدام صورته ف بصي لاي صوره كده وقوليلي شعر كده
فاطمه: ماشي
هدي: يلا
فاطمه: عشان بحبك انا ممكن أبص في عينيك وأمسك إيديك وأقولك شعر جميل فتقوم أكيد مبتسم وطبيعي الحلو يميل، لو حمل لياليك أصبح شيء سخيف وتقيل ولو غاوي أماكن عاليه ف أنا لسه كتافي تشيل............
وائل: طب كفايه كده يا هدى تقلنا عليها
فاطمه: طب بعد اذنكوا انا اتخنقت من الكتمه ف هطلع بره شويه
هدى قبل م فاطمه تمشي: انتي بتحبيه اوي
فاطمه: بتقولي اي
هدى: بتحبيه
فاطمه: عشقته!

تمت

فاطمــــــــــــــــــــــــــــــــ الشاعـــــــــــــــــــــــــر