الفصل الخامس والعشرون
ف كليه اعلام
كانت تقف داليدا بصحبه احد اساتذتها الذي تحدث :انت من اشطر الطلاب اللي عندي هنا... عشان كدا انا حبيت اكافئك ع تفوقك
داليدا :ميرسي لحضرتك يا دكتور... بس هتكافئني ازي
الدكتور :ف قناه فضائيه طلبه اعلامين تحت التدريب وانا رشحتك ليهم
داليدا :ايوه بس انا لسه مخلصتش دراسه
الدكتور :انا فهمتهم دا كويس... وبعدين انت شغلك كله هيكون وره الكاميرا... انا عايزك بس تاخدي خبره عشان لما تخلص دراسه
داليدا :طب وانا هشتغل اي
الدكتور :هتجمعي معاهم اخبار... تشوفي كواليس البرنامج
داليدا :تمام انا موافقه
الدكتور :خلاص بكره تروحي الاستوديو وانا هتواصل معاهم
داليدا :اتفقنا... عن اذن حضرتك
غادرت داليدا الي خارج الجامعه لتجد حازم يقف أمامها توجهت اليه لتجده يقول :عايز اتكلم معاكي ف موضوع
داليدا :موضوع اي
حازم :من غير مقدمات كدا انا عايز اخطب ليلى
داليدا :مش انت قولت انك مش جاهز ولي دلوقت
حازم :انا فعلا مش جاهز ماديا اني افتح بيت عشان كدا قولت خطوبه... ولي دلوقت عشان اثبتلك وأثبت لليلى ولنفسي قبلكم اني بحبها
داليدا :وانت بتقلي انا لي
حازم :عايزك تقنعي ريان... لو ريان وافق بابا هيوافق
داليدا :ماشي هكلمه يا حازم... بس اقسم بالله لو فكرت تأذي ليلى ما هتلاقي حد واقفلك غيري
رن هاتف داليدا اخرجته من حقيبتها تجيب قائله :ايوه يا ناديه
ناديه :ازيك يا ديدا
داليدا :الحمد لله ف اي
ناديه :كنت عايزاكي ف موضوع كدا
داليدا :موضوع اي متقولي يا ناديه علطول
ناديه :مش هينفع ع التلفون لازم تيجي
داليدا :تمام هخلص الجامعه واجي
اغلقت معها الهاتف ليرحل حازم وتعود هي الي محاضراتها
........
ف مركز الشرطه
لم يأتي هنا منذ أن استقال عن عمله... لم يرغب ف العوده حتى لا يتجدد حنينه اليه... تحرك يتذكر المكان لم يحدث به تغيرات كثيره وصل إلى هدفك ليهتف بالشرطي الذي يقف عند الباب :قول لسياده اللوا ريان المصري بره
تحرك الشرطي الي الداخل ليعود بعد فتره امره سمح له بالدخول
ليدخل الي مكتب اللواء تحدث اللواء بترحاب:اهلا اهلا ازيك يا ريان
ريان :بخير يا فندم
اللواء :اتفضل اقعد... تشرب اي
ريان وهو يجلس :ولا حاجه شكرا لحضرتك
اللواء :جاي عشان تستلم شغلك صح
رفع ريان نظره اليه مصدوما كيف علم... لم يخبر احد بأنه سيعود
هتف اللواء بهدوء :انت يوم ما مشيت من هنا انا فاكر كويس اوي اني قولتلك هترجع تاني... بس مكنتش عارف هترجع ازي وأمته... بس بعد استشهاد حسام... كنت متأكد انك هتيجي
ريان :سابلي رساله كتبلي فيها ارجع لشغلك... وانا عايز احققله طلبه
اللواء :الله يرحمه كان طول عمره بيخاف عليك وبيحبك
ريان :يارب... هتقدر حضرتك تساعدني ارجع
اللواء :اكيد طبعا... رجوعك مكسب لينا انت من اكفأ الظباط اللي اشتغلت معاهم... انا هتواصل من الوزاره النهارده وهرد عليك أن شاء الله
ريان :ان شاء الله عن اذن حضرتك
تحرك ريان الي خارج المكتب لتسوقه قداماه الي مكتب حسام... دخل اليه يتحسس أساسه... الا ان وصل لمكتبه ليجد عليه صوره له وهو يحمل صغيره وصوره له بصحبه زوجته ووالدته فتح احد الإدراج يتذكر ان حسام كان يمنعه من فتحها دائما... ليجد الكثير من الصور له معاه وكذلك مذكراته...اخذها ليرحل
.......
ف منزل عثمان الصافي
كانت داليدا تجلس بجوار تيم تساعده ع إنهاء دروسه... منتظره ان تنهي ناديه أعمالها
هتف تيم :المفروض... نر نرسم حصان
داليدا :اوك... هجيب الاسكتش بتاع الرسم
اخذت تبحث بين أغراضه حتى وجدت مرادها.... فتحت الدفتر تبحث عن ورقه فارغه لتجد رسم لطفلان يمسكان ايدي بعضهم البعض
تحدثت بدعم :اي الرسمه التحفه دي يا توني
تيم بفرحه :عج.. عجبتك... انا انا اللي رسمتها
داليدا بإنبهار :اها حلوه اوي... بس مين دول
تيم :دا انا... و و عاليا
داليدا بحيره :عاليا.... عاليا مين؟
تيم :عاليا مراد المصري... المصري
داليدا بدهشه :وانت تعرف عاليا منين؟
تيم :المدرسه
اومأ داليدا رأسها ايجابا لتدلف ناديه ف تلك اللحظه تحدثت بإعتذار :معلش يا ديدا كان عندي شويه حاجات بخلصها ف البيت
داليدا :ولا يهمك... هاه كنتي عايزاني ف اي
تحدثت ناديه مع تيم بهدوء :توني.. اي رايك تروح تخلص دروسك ف اوضتك
اومأ تيم راسه ايجابا ليحمل أغراضه يتجه الي غرفته جلست ناديه جوار داليدا تهتف :احنا طول عمرنا صحاب وبناخد رأي بعض ف كل حاجه صح؟
داليدا :من غير مقدمات قولي اللي عندك
ناديه :فاكره لما حكتلك زمان عن صاحبي اللي كنت بكراش عليه
داليدا بتذكر :ايوه... وقت ما بابا سمعنا وقولت انه كراشي انا
ناديه :بالظبط... عارفه الشخص دا مين
داليدا :مين
ناديه :مراد المصري
داليدا :أوف... يعني مراد هو كراشك... وابنك بيكراش ع عاليا بنته
ناديه :مراد طلب ايدي للجواز
رفعت داليدا بصرها مصدومه اعتدلت ف جلستها لتهتف :يالهوي... لا احكي التفاصيل
بدأت ناديه تخبرها بما قاله لها مراد لتنهي حديثها قائله :انا مش عارفه اعمل اي دماغي بتجيب وتودي ومش قادره اوصل لقرار
داليدا :بصي يا ناديه انا عيشت مع مراد لما كان متجوز سحر والصراحه تعامله معاها مكنتش احسن حاجه بس سحر مستفزه... وانت كنت بتكراشي عليه يعني عندك قبول انك تكوني معاه فالموضوع محير
ناديه :هو انا جبتك عشان تحتاري معايا اعمل اي
اخذت تفكر داليدا قليلا قبل أن تهتف :وافقي
ناديه :انا...
قاطعتها داليدا تهتف :وافقي يا ناديه....انت لسه صغيره وهيجي يوم وتتجوزي فتكوني مع حد بتحبيه احسن ما تكوني مع أي حد وخلاص
اومأت ناديه رأسها ايجابا تفكر ف حديثها... لتنصرف داليدا متجه إلى الحديقه
وجدت يوسف يجلس بصحبه ريم يستعدان لدرسهما
.... ابتسمت حينما وجدتهم يتحدثان... احساسها يخبرها ان هناك قصه حب تنشأ بينهم... أصبح الجميع ف علاقات حب
تحدثت بإبتسامه :عاملين اي
يوسف :الحمد لله انت عامله اي
داليدا :بخير... مامي عامله اي
يوسف :كويسه... بابي قال هنقعد شويه لحد اما صحتها تتحسن
داليدا :تمام... عامله اي يا ريم
ريم :بخير الحمد لله
داليدا :جو ينفع تروح تجبلي مايه
يوسف :حاضر
تحرك يوسف الي الداخل لتجلس داليدا ع كرسيه تهتف بريم :مين اللي معجب بالتاني بقا
ريم بعدم استيعاب :مش فاهمه
داليدا :اصل انا بقالي فتره عايشه مع ناس بتحب فخدت فكره... بتكراشي عليه
احمر وجه ريم اخذت تعيد خصلات شعرها خلف اذنها لتهتف داليدا :يبقى بتكراشي عليه...همست لها قبل أن ترحل :علفكره هو كمان معجب بيكي... دا اخويا وانا عرفاه
رحلت داليدا لتبتسم ريم ع حديثها قبل أن يعود يوسف ليكملا كلامها
.........
ف غرفه ريان مساءا
دخل ريان الي الغرفه ليجد داليدا تقفز أمامه تهتف بحماس :مش هتصدق اللي حصل ف اليوم
ريان بتعجب: حصل اي
داليدا :ف دكتور عندنا ف الكليه جاه النهارده وعرض عليا اني اشتغل ف برنامج
ريان بتعجب :مش فاهم
داليدا وهي تجذبه من يده تجلس ع الاريكه :اصل فكره ان دكتور يجيلك ويقلك دا ليك لوحدك دا معناه اني مميزه... متحمسه اوي لفكره اني هشتغل
ريان :وانا كمان النهارده قررت ارجع شغلي
داليدا بحماس :هاه... انت هترجع الشرطه... بجد احلى حاجه عملتها
ريان :المفروض اللوا يرد عليا النهارده
داليدا :اكيد هيقلك تجي تستلم شغلك انت هيلاقوا زيك فين
ضحك ريان يهتف لها :فكرتني بماما يوم ما عملت فيها مقلب وقولتها متقبلتش قالتلي هما الخسرانين
داليدا :اسكت صح مش مراد طلب ايد ناديه
ريان بصدمه :مراد مين؟... مراد عمي
داليدا :ايوه مهو كان زميل ناديه ف الجامعه
ريان :ياه
داليدا :اومال لو عرفت الكبيره بقا... حازم قالي اكلمك عشان عايز يتقدم لليلي
ضحك ريان يهتف من بين ضحكاته :هما كلهم بيتعرفوا ع بعض ع قفانا ولا اي
داليدا :شوفت واحنا اصلا مش متجوزين
ريان :بقلك اي يا داليدا... متجي نخلي الحلم حقيقه
داليدا بضحك :مش فاهمه
ريان :يعني انا معجب بيكي بعيد عن شللي منك وعندك... وانت كمان قولتلي انك بتحبيني يوم ما كنت مش مركزه...ف احصائيه بتقول ان الانسان لما مش بيكون ف وعيه بيقول الحقيقه
داليدا :دي احصائيه انت لسه عاملها دلوقت صح
ريان بضحك :صح... هاه اي
داليدا :اي
ريان :متجي نجرب نكون مع بعض
داليدا :ما احنا مع بعض اهوه
ريان :داليدا انا بحبك
بقلم جهاد عهدي
اترككم ف حفظ الله ورعايته ♥️
