Bulong ng Damdamin #Wattys2015

AYMISHU

AYMISHU

Ilang araw ka nang wala, parang may bahaging kulang

Ika’y nasa malayo, mga araw ay binibilang

Sa’yong muling pagbabalik, tahimik na maghihintay

Walang salitang sasapat, sa pagkalungkot at lumbay

Sa aking mga lakad, iyong kamay laging kahawak

Sanay na ‘kong masilayan, ngiting walang kasing sarap

Pero sa oras na ito, parang lahat ay nagbago

Nasaan ka na ba? Aking karugtong tila naglaho

‘Pag ika’y muling nakita, ikaw ay aking hahagkan

Ipapabasa ‘tong tula, huwag lang ulit iwanan

Upang iyong malaman pagmamahal sa iyo’y tunay

Handang patunayan, bumalik ka lang sa aking buhay

Sa pagkakataong ito, wala na akong masabi

Ang nais ko lang ngayon, ay matikman iyong labi

Syempre ako’y nagbibiro, alam kong hindi pa TAYO

Miss lang talaga kita, pagdating mo kwentuhan tayo.

#TAGA-ILOG09 02/27/2015