الجزء الثانى شهد الصعيد

الفصل السادس عشر

الفصل السادس عشر ** شهد الصعيد
شعبان :  واسرع الخطى  الي جاسر وتصدر لسلاحه انت رايد تجتلها وتسمع الهجامه منشان يطخوك انت كمانى هو ده الى عتحكم عجلك فيه وامسك السلاح من يده واخفضه للاسفل هم بينا ي خوي منشان نلحج نتدلي للبلد وكمانى انى عاوز اتحدت امعاك عن حاجه اكده انى مجولتش عليها ليك .......؟
جاسر:  ونظر اليها مرة اخري وأحس بالم في صدره لم يحتمله  هم بينا خلينا نعاود البلد نزلتى من اهنه أنى مجدرش اجعدو كتير نفسي عيضيج عليا واعاد النظر إليها مرة أخرى فإذا بها تبكى وامعن النظر وضيق بين عينيه هم بينا وخبرنى ايه مجولتش عليه ليا .....
إيناس: انى لازمن اظهر الحج وكمانى رايده منيكم تسعدونى  امى أنى عتدلي لمكتب جاسر لازمن اشوف الجواب الي كتبته شهد عاوزة اطول عليه وإن شاءالله الي في راسي يطلع صوح ........!!!
فاطمة: بتعجب عاوزه ايه من الجواب ده عاااد أنى جريته يا بتي  وكمانى خوكى جاسر وياعالم الجواب لساته موجود ولا خوكى جطعه انى مخبراشي وبصراحه اكده ممنوش عاذا انك تدوري عليه مفيش حاجه غير الي جولنالك عليها ي بتى
ايناس: واااا بكفايه حديت انى عتدلي لمكتبه وإن شاءالله هلاجى الجواب ده ولم تمهل أمها بأن تتحدث مرة أخري
فاطمه: ونظرت لمني تعالى ي بتى نتدلي وراها بينها جنت ولا ايه همى ي بتى
مني : انى متوكده ان ايناس عنديها سبب منشان اكده عاوزة تشوف الجواب بس انى خايفه لناهد تاجى وتتسمع علينا بصي ي مراه عمى انى هجعمز في الصاله البرانيه وحضرتك اتدلي عند ايناس لحسن جاسر يعاود وعى عتدور في مكتبه وحضرتك خابرة هو ممكن يعملو ايه وخصوصي انه لساته حمجان منها ومسمعش ليها واصل
فاطمه: صوح اكده انى عدخل وياها المكتب واتى اياكى تهملي ناهد تدخل عندينا او تحس بايتها حاجه وهى بينها نعسانه احنا بجينا نص الليل
منى: برديك خلينا ناخد حذرنا وكمانى بعد ما ايناس تخلص الي عتدور عليه انى رايده أخبرك بحاجه مهمه
فاطمه: واقتربت منها خير ي بتى فيكى حاجه اوعاكى تكونى متوجعه ولا حاسه بايتها حاجه
مني: لع لع انى مليحه وصحتى حلوة اهااا بس انى عخبرك بحاجة بعيد عنى بس دلجيت نلحج ايناس لياجى جاسر ويغفلجها على راسها همى
ايناس : ونزلت الي مكتب أخيها جاسر وبحثت عن الخطاب وظلت تبحث هنا وهناك وجلست متعبه ومحبطه  ونظرت لعلبه فوق المكتب  واقتربت مبجاش فاضل غيرك مدورتش فيه وحاولت ان تفتحها ولكن الصندوق مغلق واخرجت بنسه من شعرها كى تفتحه
فاطمه: ودخلت المكتب واااااا عتخلعي طرحتك ليه في ايه مالك
ايناس : انى دورت كتير ومش لاجيه الجواب ده ومفضلش غير الصندوج  ده بس مجفول فخلعت  بنستى منشان افتحه  واهااا اتفتح عااااد الله عليا مفيش منى
فاطمه: والله بينك جنيتى عااااد عتفتحى حاجه خوكى جافل عليها دة بوكى  ميجدرش يعملها ولا انى كمانى ي ويلي لخوكى ياجى ويوعالك ربنا يسترها
ايناس: ربنا كريم ومعيحبش الظلم واااااا الجواب اهاااااا فوجدته وقراته وقلبته  في الإتجاه الاخر والذي لا يوجد به كتابه
فاطمه: وااااا عتسوى ايه ي بتى عتشجلبي الورجه اكده دى فاضيه عتطولي علي ايه
ايناس: وما ان قلبت الجواب فرات مهمش  وقد كتبته شهد لجاسر  وبفرحه وصريخ انى جولت يستحيل شهد تعمل حاجه عفشه دى صديجه عمري الحمدلله
فاطمه: بخوف واقتربت من ايناس وطى حسك لحدا يسمعك واتى عتصرخى اكده جنيتى ولا ايه وبعدهالك فى جنانك ده وجربي اهنه وجولي ايه الى وعيتى ليه وإحنا لع
ايناس :شهد ي امى كتبت مهمش اصغير منشان محدش يوعاله زى الي اسمه رؤوف ده وكاتبه فيه جاسر دور علي تلفونى عليه كل حاجة عتدور عليها واياك تهمل خوك ولا يس واصل
فاطمة: وجحظت عيناها يا ويلي إيه ده أنى كيف موعيتش للمكتوب ده وكمانى كانت بتوعى جوزها منشان سامر وادى اااااه ي بتى مالها الدنيا عتاجى عليكى ليه ويريتك خايفه على حالك وبس لع خايفه على سامر وواد عمها هى صنعتها ايه البت دى معتفكرش في حالها واصل وعتخاف على الى امعاها ربنا يرجعك ي بتى سالمه غانمه وكل الى رايد منيكى الاذي ربنا كفيل بيه
إيناس: ان شاء الله هترجع اهنه مرفوعه الراس بس ياجى خوى وانى عخبرة بكل ده
فاطمه: بس تعالى اهنه كيف عرفتى ان في كتابه فى الجواب حتى الكلام اصغير جوى ومحدش يوعاله
ايناس: هههههههههه أنى عفهمك انى عرفت كيف اصل انى وشهد لما نحب نخبر نفسينا بحاجه من غير ما حدا يوعالنا نكتب أكده مهمش اصغير فى اخر ورجه للاجنده وبكده البنته متعرفش انى وياها عنتحدتو كيف وبكده محدش بيعرف حاجه عنينا واصل
جاسر: بكفايه لحد اكده وانت عاود للبلد وانى هرجع السرايا بس انت مخبرتنيش كنت عاوز تجول ايه واحنا فوج في الجبل
عدلي: والله انى كنت عخبرك من الاول بس جولت لما تفكر مليح منشان متندمشي واصل من ايتها حاجه عتسويها انى اجدر ادخلك بيت الجبل ده وتجدر تتسمع لايتها حاجه عتوحصل كمانى
جاسر: بفزع وااااااا انت جنيت ي عدلي كيف متخبرنيش بحاجه امهمه زى دى ليييه ي جدع اكده كنت اتدليت جوة البيت ده ليه بس لييييه
عدلي: ووقف امامه اتروى وبلاش الحمجه دى انى عملت اكده منشان خايف عليك ومن عصبيتك الي وعيتلها دى عاوزك تتروي وبلاش تتعصب كتير وبكرة زى ما طلعنا انى عدخلك البيت بس مش عتاخد وياااك ايتها سلاح جولت ايه
جاسر: واااا انت عتلوى دراعي اياااك بجى اكده ي عدلي عاوزنى اتدلى وسط المطاريد ولو حدا وعيلي يطخنى وانى معرفشي ادافع عن حالى ....د؟
عدلي : ليه هو انى عفرط فيك ي خوى احنا عنتدلي للبيت والى رايده اهناك عنسويه ويا بعض ومتنساش إن خيتى اهناك وانى مريدشي اذيتها ولو عاوز سلاح انى عديك سلاح من جوات بيت الجبل بس اواعاك شيطانك يتحكم فيك وبكرة نتجابل في المعاد الي الى جيتك فيه بس اوعاك تتكدر منى
جاسر: وابتسم لعدلي انت رجال جدع وانى مبسوط انى اتعرفت بيك اخ وصاحب صوح يلا مع السلامه وتركه جاسر واتجه الي السرايا ......
ايناس: انى مش عهمل مكانى واصل لحدا ماياجى واخبرة بكل حاجه ولم تكمل حديثها فدخل جاسر  ولكنه ما ان راي أخته وبدأ يصرخ عليها ايناااااس عتعملي إيه اهنه وجيتى كيف من الجامعه  انى مشيعتش عربيه منشان تجيبك انطجى   ونظر ليدها فراي الخطاب الذي كتبته شهد  ورفع نظرة الي ايناس ايه الي   بيدك ده وكيف تدخلي مكتبي وتفتشي فيه ايه مفيش عنديكى حيا ولا خشي وتقدم نحوها
فاطمه: واسرعت لابنتها وتصدرت لجاسر اوعاك تاجى يمتها ولا حتى تلمسها ومالك اكده عتكابر ومش عايز حدا يتحدت امعاك اتروى ي ولدى واسمع لخيتك منشان تعرف الصوح وين وبلاش تركب راسك
جاسر: ونظر لامه بعيون كاللهب عوزانى اتمهل كيف وانى عتجن انى مبجيتش اتحمل ايتها حاجه انى تعبت ولدك اتهد ومبجاش يجدر يصلب طوله انى الموت ليا ارحم من الى انى فيه ....
فاطمه: واقتربت منه واحتضنته بعيد الشر عنيك ي ضنايا ده انت ضهري وسندى انت عجازى الي بتعجز عليه في شدتى اوعاك تهمل حالك للي ريدينك توجع اوعاك انت ولدى الي ربيته على الحج والصدج ويستحيل تحيد عنيه واوعاك تفتكر انى كنت عصدج ابي بتعمله في البلد ده منشان انى دورت كتير على الناس الي ادعيت بانك ظلمتهم واتاريك كنت عتحميهم بس الي مش خبراه كنت عتحميهم من مين وايه الى محمله جواتك ومريدشي تتحدت عنيه
جاسر: وابتعد عن حضن امه وامسك بوجهها اوعاكى تبكى واوعاكى اتطلع لدمعتك دى والا انى عموت فيها
ايناس : واقتربت من أخيها انى اسفه ات  دخلت مكتبك من اذن بس كنت عاوزة اثبت براءة شهد  واهاااا الحمدلله انى لجيت دليل كبير وإن شاءالله نلتقى الباجى
جاسر:  ونظر اليها دليل ايه  الي وعيتله دة واهنه كمانى في المكتب ....؟
فاطمة: خيتك امعاها حج دليل براءه شهد في الجواب ده طول عليه وشوف شهد كتبت ايه
جاسر: وامسك الخطاب وقرائ ما اشارت اليه اخته ونظر لايناس هو اتى كنتى عتكتبي اكده وياها اياك منشان اكده جيتى ودورتى على الورجه دى
ايناس: ونظرت لامها بتعجب وذهول وايضا امها لاتقل عنها  ذهول من رده فعل جاسر حتى بعد ان عرف ببرائه زوجته .......؟
جاسر : ورفع راسه اليهم واااا مالكم عتطلعو فينى اكده خبر ايه
ايناس: انى كنت فاكرة انك عتفرح كيف ما وامى فرحنا ببرائه شهد بس مش واعيه لفرحتك دى ليه ولا تكون كرهتها ي خوي
جاسر : ووقف امام الشباك ونفخ بقهر واعاد النظر لأمه وايناس انى عمرى ما اصدج على شهد حاجه عفشه دى عشج الروح يا امي دى خدت جلبي وياها  وهملت السرايا وفاتتنى من غير روح
فاطمه : وازداد ذهولها يعنى ايه انى مفهماشي ايتها حاجة  ده انت رايد تجتلها وتخلص عليها هى وخوك يبجي كيف مكنتش عتصدج ونظرت لايناس انى مفهماشي واصل
جاسر: انى عفهمكم كل حاجه بس مش دلجيت واوعاكم حدا يحس عليكم فاهمين وخصوصي ناهد وعمى عزت واذا حوصل منى ايتها حاجه جدامهم اوعاكم تبينو انكم تعرفو بايتها حاجه فاهمين لان الجاى واعر جوى وكمانى انى رايد اتحدت وياكم بس مش اهنه ولا فى جناحى عنتحدتو في اوضتك ي ايناس
فاطمه: بخوف وقلق واااا هو الحديت ويا بعض عنختار ليه مكان اياااك خير انى مفهماشي الحديت ده
جاسر: وبعدهالك ي امى دلجيت اطلعي فوج فى اوضتك واوعاكى تتحدتى مع ايناس ولا منى  في الي حوصل لان فى سماعات عنديكم من غير كاميرا بس انى عطلتها منشان خوفت من جيه ايناس بس عوصلها دلجيت ويريت تتحدتو بان شهد عفشه وبت مش مليحه واوعاكم تعادو ناهد وانى واعى بانك ي امى متغيرة امعاها وبتمدحيها كتير ايوة انى مخبرشي ليه بس اكده مليح ولما اجعدو وياكى عخبركم بكل حاجه واوعاكم حدا يحس عليكم واصل ويلا اطلعو من المكتب همو جبل ما حدا يصحى اهنه
ايناس: بتعجب واحست بأن في امور عده مخفيه ولم يظهرها لهم ولكن فضولها اكثر بان تعرف كل شئ من اخيها ........؟؟؟

الفصل قليل انا عرفه بس يريت اعرف رائيكم بجد وايه بالنسبه لجاسر وهل حد كا متوقع رده فعله دى ولا ايه