زمن والانتظار
مساء الخير والسرور
.......
دخل علينا علول
ابن عمي عشتوا
احنه ظلينا صافين هذا جابه
والله ناس ماعدها كرامه
وكواه عين
ولاهامه شي
لا وسلم واكلنه اكل بسلام
البنات رودا عليه
وهما طالعين للدوام
بس انه عفته ورحت للحجرا
بدون مارد عليه بعد
ناقصها الحقير احجي وياه
وابوي طاير بي
بيومها
اجه محمل مسواك
لحم
دجاج
وفواكه
حتى نسوي قداء
بس انه
حلفت مااطبخ
لو يموت
امي ظلت تحجي
عليه عاندت فد مرا
البنات بلدوام والطيييفه هم
امي طبخت ودردم
هم ماقابله لجيته على كولتها
اجوانه قبل وجابونه كل الفكر
هاي الكاع جانت حضرا وزاهيه
بس دخلوها
يبست
صارت كاع
ماشفنه منهم خير
وهسه الله يستر منهم
شنو راح نشوف
وترجع تحجي عليه
هسه انه بيه اوكف على
الطباخ
تتعاي ساعديني
تعاي سوي التمن
ابد قفلت
احوك واردد كلام
مرت بشير بالي احاول اقلدها
صح ماعرف
بس هيج شويه
مرا ويه البنات ومرا ويه امي
المهم احجي مااظل هيج
ساكته
كمل ا القداء
وانه مااكلت
من اكلهم مدام هذا القداء لهذا الحقير
منه
طلعت
مركا بايته حميتها
واكلتها
حتى رياض مابقى وياهم
طلع كال عندي
شقل طلع مارجع اله المقرب
مايريد يشوفه
بس زين هو بس اتقداءطلع هو ابوي وصله لبيتهم
خفه بعد مااجه
امي فرحانه بمحلها
هي ورياض يعلمها
على المسواك
وعلى الحساب
والعامل خوش ولد وامين
ومكيفه بي مخلصه
وكتها بين المحل
وام وليد قليل تتواجد بلبيت
والبنات هم كملن بدوامها
بس انه
الي صارلي واهس بلحياكه بلسنارا
وام وليد اطتني بردات
وبصمات كالت تفيدج
لان انتي تقرين
ظليت اتفننن بيهم
اول شي سويته لفاف
وكبوس لرياض
وجفوف
فرح بيهم وكال من اجي لو من ينزل واحد من جماعتي ادزلج
خيوط وادوات
حياكه وظل يشجعني
والبنا ت هم سويتلهم
كله وحده
لفاف
بس احنه جونا مايشجع فترا
ويصير حر
لذلك ظليت اهتم
على اليف احوك بيهن
ظل رياض عدنا شهرين
وراها كال لازم اسافر
طبعا هو هاي الفترا .متواصل ويه جماعته يروحلهم وهما يجونا ،
مرات يتقدون عدنا
لو يروح الهم صح
اكثرهم من الزبير
وخور الزبير بس هو يروحلهم
بس كلش ضجنه عليه
وياخوفي ابوي هم يرجع
ياذيني
