اسيرة لقلبك

البارت الاول

البارت الاول :#amel

قال لي احدهم يوما من اختاره الحب يبقى اسيرا له لومهما ابتعد لو مهما ذهب لو مهما رحل سيعوود ليس بيده وليس بعقله و ليس بقلبه بل لانه وقع اسيرا للحب ….

منىىىىىى

بانت طفلة شابه بداية العشرينات تعيط بإسم منى و تجري انها ياسمين 

ياسمين منىىىى جاا فيصل خفيي

قابلتها فتاة اخرى في منتصف العشرينات 

منى: ايما وينو هذا وين جاا علاه ماقلتيليش 

ياسمين: لالا عندو ربع ساعة ملي قال عيطولها بصح عيطتلي سلمى و نسيتك 

بانت على وجه منى نظرات الخوف وهي تقول 

"اليوم يقتلني "

ياسمين : هذا راجلك مفهمتش وشبيك ديما يديك يجري بصح المشكل فيك وش يقلك تقولو ايه 

منى : ماشي وقتها بعدي خليني نروح 

رفدت دوزانها و خرجت و ياسمين تخزر فيها وهي ماشي راضية جبدت تيلفونها وهي تتسائل اووف وين لؤي مرجعليش ظهرت ابتسامة على وجها كي تفكرت لؤي لي عندها عام ملي عرفاتو 

فلاش باك 

قاعدة على سريرها و مقلقة علاخاطر مقدرتش تراجع الفلسفة لي ماتفهم فيها والو رن تيلفونها لقاتو رقم غير معروف اول مارفدت 

ياسمين : علاه ماتحشموش تعيطو للناس و تقلقوهم ديرو شوي احترام لانفسكم قبل غيركم 

رد المتصل وهو يضحك ويقول :بشوي عليك راح طيري غلطنا 

ياسمين : اوه اوه غلطت بالماسكي هذي جديدة شوف خويا اخر مرة تعيط لهذا نيميرو ولا نعرف وش نتصرف 

…:امممم و ثاني وشنو 

ياسمين : وششش بي جدك !!

..:انتي لي راكي شاعلة قتلك غلطنا احكي مليح 

حست ياسمين لي هي كثرت فيها 

ياسمين: اووف خلاص ماصرا والو غلطت في وقت غير مناسب وقت الامتحانات

…: ولوكان ضرك نعطيلك عفسة ماتخليكش مقلقة 

ياسمين : وشنو هي 

…: اتعرفي عليا

ياسمين: شووف آوسمك 

….: لؤي 

ياسمين: يااا سي لؤي اذا حاب التعارف وهذو صوالح شوف بعيد عليا 

لؤي: فهمتيني غلط للمرة الثانية حبيت نساعدك انا نعرف رياضيات مليح 

ياسمين: ماظنيتش تقدر تعاوني مكاش لي يقدر يفهمني

لؤي: جربيني 

ياسمين : اوكي بصح معلابالكش وش من سنة نقرا 

لؤي: باين الباك وفلسفة هي لي صعيبة