-_-_-_-_-_-_-_-_-_-_-_-_-_-_-_-_-_-_-_-_-_-_-_-
إذا باجر تلاكينه💔🤚، أدير عيوني من وجهك 🥺💔واكولك غالية عيوني 👀(ماتستاهل اباوعلك)... ولو يبقة آخر يوم من عمري أنساك....
-_-_-_-_-_-_-_-_-_-_-_-_-_-_-_-_-_-_-_-_-_-_-_-
باوعت ع محمد لا مستحيل هاذ مو محمد كلش كلش متغير ضعفان وطالع لحيته يعني كلش متغير هو باوع عليه واني انداريت جنت كلش خايفه محمد يحس ابد ماكمت من مكاني بلحظه باوعت ع محمد وهو اجه باتجاهي جنت حيل خايفه وصل لعندي واجتي مره جبيره بالعمر كعدت يمي
المره : هلاو بنتي
دانيه : هلا عمه
المره : شونج
دانيه : والله الحمدلله عمه
المره : انتي بنت منو
دانيه : بنت فراس
المره : اها عم العروسه مو
دانيه : يي
المره : شكد عمرج
دانيه : 20 سنه
المره : العمر كله ماشاء الله شكد حلوه دارسه تاركه
عرفت هي عبالها مامتزوجه ومحمد جان واكف باستغراب ويباوع علينه خفت المره تحجي شي ومحمد يتعصب ادري بي مخبل ومن يتعصب مشكله
دانيه : لا تاركه عمه متزوجه
المره : اها والله شفتج كلت راح اطلبج لابني بس للاسف
محمد : عمه هاي مرتي
اني باوعت ع محمد باستغراب وهو خرزني جان حيل متعصب
المره : الله يحفظكم ابني اسفه ماعرفت هي متزوجه واصلا هي مالابسه حلقه
دانيه : نسيتها بالبيت
المره راحت ومحمد باوع عليه واشرلي امشي وره وهو طلع اني هم طلعت وره لان ادري اذا ماطلع يسوي مشكله عدلت الشال حتى ماتبين بطني وطلعت من القاعه هو وصل لعند سيارته فتح القفل واشرلي اصعد بالسيارة
دانيه : شتريد
محمد : صعدي
دانيه : لا ماصعد
محمد : دانيه لا تخبليني صعدي
دانيه : كلت ماصعد شتريد احجي
محمد : استغفر الله
اجه فتح باب سيارة ولزم ايدي وجان يحاول اصعد بالسيارة جانو اكو ولد واكفين يباوعون علينه
الولد : خيتي خير اكو شي
دانيه : لا خويه ماكو شي
الولد : نكدر نساعدج لان احس هاذ يضغط عليج حت تصعدين ويا
محمد : اني زوجه واتمنى ماتدخل انت . دانيه صعدي سيارة لاتسويلنه مشكله نحجي شويه ونرجع
صعدت سيارة وهو صعد شغل سيارة وطلع
دانيه : وين
محمد : اكو احد ابيتكم
دانيه : لا ماكو بس ليش
محمد : المفتاح يمج
دانيه : ييي محمد شتريد احجي
محمد (بعصبيه): دانيه سكتي هسه نوصل ونحجي
وصلنه للبيت محمد نزل اخذ مني المفتاح فتح الباب جر ايدي ودخلني للبيت دخلنه للصاله هو جرني من ايدي
محمد : ليش ملابسه الحلقه (المحبس )
دانيه : نسيت البسها
محمد : ها نسيتي لو تكولين مايحتاج
دانيه : اي مايحتاج
محمد : حتى الناس يفكروج بنيه ويجون يطلبون ايدج مو
دانيه : محمد شهل الحجي عوفني
محمد : تره تحلمين تصيرين لغيري صحيح عفتج بس مستحيل اطلگج واقبل تتزوجين غيري
دانيه : اصلا خليتني اتوب بحياتي مافكر بالزواج
محمد (بنبره حزن ) : يعني لهدرجه كرهتيني
دانيه : ييييي (اوووف تمنيت اكول لا احبك بس ماكدرت )
محمد : امممم عود شونج
دانيه : الحمدلله زينه
محمد : اي مبين عليج فرحانه وحليانه وحتى سمنانه
دانيه : يييي
باسني من حلكي دفعته هم رجع باسني هلمرة ماسويت شي عافني وراح هو طلع واني قفلت الباب وره وكعدت احجي وابجي اوووف ليش ياربي ليش تمنيته بس مره يكلي اشتاكيتلج لو ارجعيلي بس لا مكال يعني هو مايردني خلص هو يكدر بدوني امي خابرتني
دانيه 📞 : الوووو
امي : الووو بنتي وينج
دانيه : بالبيت
امي : شنو شوكت رجعتي
دانيه : قبل شويه رجعت
امي : رورو كالت محمد جان موجود طمنيني خو ماعرف
دانيه : لا يمه ماعرف
امي : ويامنو رجعتي للبيت اشو اخوج موجود
دانيه : رجعت ويا محمد
امي : شنو شنو
دانيه : ايي يمه بس لاتخافين هو ماعرف الحمدلله
امي : ادز اخوج وراج
دانيه : لا يمه تعبانه اريد ارتاح
امي : اوك بنتي اقفلي الباب
دانيه : تمام يمه سيو
محمد تروي القصه : وره ما دانيه رجعت لبيت اهلها كلشي اتغيرت حتى امي تغيرت غيرت دوامي صرت اداوم كل يوميه من 8 الصبح لحد 12 اليل حتى مافكر بدانيه كلش تغيرت صرت عصبي وماحجي ويا احد وحتى ويا اهلي ماحجي كلش كرهت الحياة
حتى كرهت نفسي صرت ابد ماهتم بنفسي ادمرت حياتي تماما العيش بدون دانيه كلش صعبه ارجع من شغل تعبان اتمنى ارجع واشوف دانيه كدامي بس للاسف هي ماكو بل 12 ارجع للبيت افتح الكانتور واباوع ع ملابس دانيه واتذكر ايام كلش صعبه من انام اخلي حجاب دانيه ع وجهي لان بيه ريحتها وابجي اتمنى الصبح اكعد واشوفها نايمه يمي واتحمل تصرفاتها طفوليه صار سبع تشهور هاي حالتي وبيوم صاحبي عزمني ع عرسه بيوم الجمعه بدلت روحت للقاعه وهناك شفت دانيه تخبلت يعني اني ميته روحي عليها ومقهور وحتى شكلي متغير الي بشوفني يكولي متغير وشبيك وحتى صحابي صرت ماطلع وابتعدت عن الكل وهي مكشخه وحليانه وسمنانه يعني هي كلش فرحانه بدوني حيل انقهرت وقررت احجي وياها وتقربت احجي اجتي مره من كالت ردت اطلبج لابني تمنيت اصيح واكول هي الي هي بس حگي اخذت دانيه ورحنه لبيتهم ومن هي كالت اصلا خليتني اتوب بحياتي مافكر بالزواج كلش ضجت يعني لهدرجه صارت تكرهني بسته وطلعت من البيت رجعت للبيت وكبل رحت لحضن امي حضنتها وبجيت اول مره ابجي بحضن امي هي تخبلت وضلت تبجي
الحجيه : ابني شبيك ليش تبجي
محمد : يمه هي ماتريدني
الحجيه : شفت دانيه
محمد : ييي
الحجيه : شكالت
محمد : تكول كرهت زواج من وراك
الحجيه : ابني حبيبي لاتضوج اكيد جانت متعصبه وهيج كالت
محمد : يمه ماتحمل بدونه
الحجيه : يعمري انت احجي ويا اخوانك وروح رجعها
محمد : واذا مارجعت ويايه
الحجيه : لا ابني راح ترجع
محمد : والله ياريت ترجع
الحجيه : كافي حبيبي لاتقهر روحك )
دانيه :
اهلي رجعو للبيت حجيت كلشي لامي
امي : يعني ابد ماحس
دانيه : لايمه الحمدلله
امي : بنتي تره اذا مو اليوم باجر اكيد يعرف بوكته شتسوين
دانيه : لا يمه ماخلي يعرف
امي : بنتي بس من حقه يعرف
دانيه : يمه خاف ياخذ مني ابني 😭
امي : لا بنتي اكيد ماياخذ ابنج
دانيه : ماريد يعرف يمه ماريد
امي : براحتج عمري
دانيه : اروح انام لاتكعدوني للفطور
امي : ليش بنتي
دانيه : يمه نعسانه ومامشتهيه اكل
بعد اسبوع : اليوم الخميس ساعه ١٢ كعدت من النوم محضره كلشي لان اليوم راح نسافر اكلت وبديت احضر روحي واتاكد اذا ناسيه شي صار ساعه 3 بدلت ورحنه للمطار اربيل ودعنه اهلي واني بس ابجي صعدنه الطائرة . اما ابوي ورورو وداني همه راح يبقون ابيت عمي لحد مانرجع احنه لان رورو ماتعرفتسوي اكل وهي سادس للزم تقرا
-----------------------
ﺑﻠﺪﻱ ﺍﻟﻌﺰﻳﺰ .
ﺗﺮﻛﺘﻚ ﻭﻗﻠﺒﻲ ﻣﺠﺮﻭﺡ
ﻭﻳﻨﺰﻑ ﺩﻣﺎ
----------------------
وصلنا للتركيا هناك خالي(حازم) وابنه(منير) جانو ينتظرونه سلمنه عليهم ورحنه لبيتهم جان ساعه 9 اليل بتوقيتهم اكلنه وخابرنه ابوي حجينه وياه شويه سدينه المكالمه حنت حيل نعسانه وننت الصبح كعدت اكلت ورحنه للدكتور كال الطفل مكمل واكو ماي داخل صدره اذا تبقى اكثر راح تختنك كلش خفت ابني يصيرله شي قررنا الاحد نسوي عمليه طلعنه من عند الدكتور ورحنه للسوك جان عدنه نقص بالملابس الكفل كملنه النقص واخذنه اكل ورجعته للبيت اكلت وجنت حيل ضايجه ماعرف ليش
منير : دانيه شبيج
دانيه : ها لا مابيه شي
منير : ضوجه مو
دانيه : يي شويه
منير : نطلع؟!
دانيه : وين
