Unicode
၃နှစ်ကြာပြီးနောက်မှာလဲ ဒီကမ္ဘာမြေကြီးဟာ ထူးထူးခြားခြားဘာမှပြောင်းလဲတာမရှိခဲ့ပေမယ့် ကင်မ်ထယ်ယောင်းအတွက်တော့ ပြောင်းလဲမှုကြီးရှိခဲ့လေသည်။
ဖောက်ပြန်ခြင်းတဲ့။
တုန်လှုပ်စရာကောင်းလွန်းသောအခြေအနေကြီးတစ်ခုပေါ့။
ဟန်ဆောင်ချစ်ခြင်းတွေကြားထဲနေခဲ့ရတာ အရူးလိုပဲ၊ ဘာကိုမှမသိပဲချစ်ပေးလိုက်ရတာ၊ သူ့ရဲ့ချစ်တယ်ဆိုတဲ့စကားလေးကြားရင် ကမ္ဘာပေါ်မှာအပျော်ဆုံးလူမရှိတော့သလိုခံစားခဲ့ရတာ၊ ဂျွန်ဂျောင်ဂု တော်ပါပေတယ်။
သူ့ရဲ့ဇာတ်လမ်းတွေကို မသိကျိုးကျွန်ပြုပြီး သူနောင်တရအောင်ကျွန်တော်လုပ်ပြမယ်။
ကင်မ်ထယ်ယောင်းအတွက် ထပ်ပြီးဆုံးရှုံးစရာဘာကိုမှမရှိတော့ဘူး။
လွန်ခဲ့တဲ့လအနည်းငယ်ကပဲ အဘိုးနဲ့အဘွားကလဲ ရှေ့ဆင့်နောက်ဆင့်ဆုံးသွားပြီးပြီ။
ထပ်ပြီးဆုံးရှုံးစရာဘာရှိတော့အုံးမှာလဲ။
ကျွန်တော်သာမကြံ့ခိုင်ရင်၊ ကျွန်တော်သာဆက်ပြီးနုံအနေရင် ဂျွန်ဂျောင်ဂုသောက်ချိုးတွေဟာ သေသည်အထိပြင်မည်မဟုတ်။
ဒီတစ်ခါတော့ကျွန်တော့်အလှည့်ပဲ။
ချစ်ပေးခဲ့ရတဲ့ရက်တွေဟာ သူ့အတွက်လုံလောက်ခဲ့မှာပါ။
•
•
•
•
"ငယ်.. ကိုကိုအလုပ်သွားပြီနော်
ညနေကျ ငယ်ကြိုက်တာလေးတွေဝယ်ခဲ့မယ် ချစ်တယ်"
"၆နာရီအတိအိမ်ပြန်မရောက်ရင် အပြင်မှာအိပ် တာ့တာကိုကို"
"ငယ်ကသိပ်နောက်တာပဲ သွားပြီနော်"
ထွက်ခွာသွားသောကားလေးကိုကြည့်ရင်း မဲ့ပြုံးတစ်ချက်ပြုံးလိုက်သည်။
ငယ်ကသိပ်နောက်တာပဲတဲ့။
အဟက်.. အဲ့လိုပဲကျွန်တော့်ကိုအလွယ်မှတ်နေတာ၊ ကြည့်နေလိုက်ပါ ကင်မ်ထယ်ယောင်းတို့ အသည်းဘယ်လောက်မာနေပြီလဲဆိုတာပြမယ်။
ခြောက်ကပ်လှတဲ့အိမ်ကြီးထဲမှာလဲမနေချင်တာကြောင့် ဂျီမင်တို့ဆီသာထွက်လာလိုက်သည်။
ဂျီမင်နဲ့ဟိုဆော့က နှစ်ဦးစပ်တူလုပ်ငန်းလုပ်နေကြလေသည်။
နှစ်ယောက်လုံးဝါသနာပါကြသော ဖက်ရှင်ပိုင်းပေါ့။ အတော်လေးလဲအောင်မြင်နေလေပြီလေ။ သရုပ်ဆောင်တွေကပါ သူတို့ကုမ္ပဏီကအင်္ကျီတွေကိုမှာယူကြသည်။
