حلاوة الدنيا

( 7 )

_ كنتى هتقولي حاجة
_ ايوه صح.. انا ..
قبل ان تتحدث رن هاتفها وكانت فرح ، اجابت سريعًا :
_ ايوه يا فرح
بنبرة ملئية بالدموع: تعالى المستشفي حالا يا احلام .
شعرت ب إنقباض فى صدرها وتركت "رجب" بدون كلمه وعادت للمشفي ولحظه وصولها علمت بخبر وفاه والدتها ,, الخبر كان كالصاعقه ,, انهارت فى البكاء واحتضنتها "فرح" فى نوبه بكاء ثنائية بمفردهم ,, انهوا مراسم الدفنه والعزاء وما اشعر "احلام" بالخذلان من اخيها لعدم تواجده معها فى تلك اللحظات وشعرت بالذنب لتأخر ميعاد عمليه والدتها ، وتحملها سبب وفاه والدتها جلست فى غرفه والدتها تبكي ،حاولت فرح ان تتحدث معها لتخفيف عنها ولكن شعورها بانها السبب فى تدهور وضع والدتها الصحي يثقل صدرها .

اسما كانت فى احدي السفريات للعمل خارج مصر فى تلك الفتره ولم تتواصل مع فرح ، حين عودتها تواصلت معها وعلمت بما حدث لوالدة احلام، توجهت الى كفر الشيخ برفقة والدتها لتقديم العزاء ، تحدثت مع فرح وعلمت تدهور وضعها الصحي ولم يتمكنو من انقاذها فى التوقيت المناسب :
_ يا حبيببتي يا احلام ، طيب انتم مش محتاجين اى حاجة .. اى حاجة ؟
_ تسلمي يا اسما
_ انا بتكلم بجد لو محتاجين اى حاجة انا موجوده فى اى وقت كلميني
- حاضر .
_ انا عندي شغل لمده شهر فى فرنسا اخلصه وهاجيلكم ع طول وهحاول اكون ع اتصال معاكم .

تركتهم "اسما" ووالدتها وعادوا الى القاهره ,, وعاشا "فرح" واحلام" و"نور" بمفردهم فى المنزل ،عادت "فرح" لعملها فى محل الملابس ، وعادت احلام للعمل الخياطه، وكل ما تمنوه ان يكون وضعهم مستقر ولكن حدث العكس.. بعد وفاه والده احلام استطاع صاحب العقار الحج عوض التاثير ع سكان العماره لترك شققهم مقابل مادي ووافقوا واصبحت احلام بمفردها، عرض عليها مبلغ نص مبلغ الذي عرضه لوالدتها ورفضت ترك الشقه ..

كان "رجب" اراد استغلال الظروف لتقرب ل "احلام" واتمام الزواج وكانت "احلام" تنفره وتتجنبه دائما ، ف كان يتعرض لها كلما يشاهدها فى مدخل العمارة ويتحدث معها وفى الوقت المتاخر يرن جرس باب شقتها ويتحدث معها ب اى غرض والجيران لاحظوا وبدئوا يتحدثوا عنها يتهامسون كلما يشاهدونها، فكانت تتجاهلهم ، حتي تحدثت معها والده "رجب" :
_ عاوزين نتمم بقى فرحتنا بيكي وب رجب عاوزين نقطع ألسن الناس اللى بتتكلم
_ فرحة مين انا موافقتش على حاجة علشان نكمل
_ نعم .. والهدايا اللى كانت بتجيلك والكلام ع السلم والمدخل والشارع كله شاهد ؟
__ دا اسالي لابنك الاسئلة دى انا لا وافقت ولا وعدته بحاجة
تغيرت نبرتها بحده : طيب بصي يا احلام من الاخر، لو موافقتيش ع رجب كده كده هتخرجي من الشقة، الحج راح الحي واخد قرار اخلاء للعماره لانها مبني قديم، واغلب السكان هيمشو خلاص ، والفلوس هيبقي ربعهم ودا هيبقي كلمة الحكومة ، احنا قولنا ناخد فيكي ثواب بدل قعدت كده لكن مش عارفه انا انتى شايفة نفسك ع ايه اومال لو كان معاكي شهادة او حلوة شويا ، انا جيت اوضحلك الصوره ولو فاكره انك هتقدري تقفي قدام الحاج تبقي غلطانه ، فجهزو نفسكم علشان هتخرجو من الشقة

خرجت والده رجب وكانت نبرتها الحاده المليئه بالتهديد ملات "احلام" بالخوف مكنتش عارفه هتتصرف ازاي وهى لوحدها وخروجهم من الشقة بقي اكيد ، فى الوقت دا كانت فرح شغاله فى محل ملابس كبائعة ولكن علاقتها مع باقي زملائها غير وطيدة ودا لانها كانت ملتزمة بشغلها فقط لكن هما كانوا بيستغلوا صاحب المحل لاغراض شخصية وفرح كانت بتغض بصرها وبتكتفي براتبها ، كان فى واحدة معاها اسمها نجلاء كانت مقربة لصاحب المحل الحج محمد ، فى يوم سحبت نجلاء من درج مكتب الحج محمد مبلغ وفرح شافتها :
تلجلجت "نجلاء": عاوزه ايه يا فرح ..؟
_ عاوزه الحج كنت فاكراه فى المكتب
_ لا مش موجود ، عاوزه ابلغه حاجة
_ لا هقوله بنفسي
خرجت من المكتب وكانت نجلاء تراقبها ، كانت بالنسبه لها تهديد تخبر الحج باللى شافته ، قابلت فرح الحج وطلبت سلفه ولم يوافق لها وعادت الى المنزل حزينه ، رات احلام تعمل ب اجتهاد على ماكينه الخياطه :
_ احلام شكلك تعبان اوي انت منمتيش لسه ؟
- هخلص الفرش دا واسلمه وانام
_ صحتك يا بنتي كده ؟
_ لازم ادبر فلوس السباكه ، كل سباكين المنطقه خايفين من رجب ورفضوا يدخلوا الشقة والسباك اللى لقيته من منطقة تانية واسعاره صعبه اوي ولازم يصلح الحمام :
_ ومجاش يبتدي ليه مش واخد 500 جنيه ؟
_ عاوز زيهم علشان يبدء ، انا هخلص دا وهستلم باقي الفلوس واديهمله
- حاولت اخد سلفه بس معرفتش يااحلام انا اسفه
_ بطلي هبل
- انتى ليه مش راضيه اسحب الفلوس اللى فى البنك
_ فرح كذا مره اقولك دى فلوس بنتك
جلست وملامح اليائس وقلة الحيلة مسيطره عليها :
_ مش عارفه القي شغل تاني بمرتب احسن حاولت ومش عارفه
_ ان شاء الله هتلاقي يافرح ربنا مبيسيبش حد ،بصي الاكل خلصان فى المطبخ سخني وكلي انتى ونور
_ وانتى ؟
_ اخلص اللى معايا دا وبعدين ابقي اكل

رغم تواصل اسما مع فرح بالاخص كانت تجهل ما يمرون به بناء ع طلب أحلام ، مر يومان و"فرح" لاحظت نظرات نجلاء لها فتجنبتها ، لم تعلم ما تكيد لها .. علمت "نجلاء" بحاجه "فرح" للمال ف استغلت غيبه الحاج محمد واتجهت للمكتب وفتحت الدرج واخدت مبلغ مالي قدره 5000 جنيه ,, ودون ان تشعر وضعت المبلغ فى حقيبه "فرح" ,, ثم ابلغت فتاه تعمل معها ان تنده "فرح" لمكتب الحاج "محمد" ، اتجهت للمكتب وخرجت امام مرأي الجميع ,, فى اخر اليوم اتي الحج محمد للمحل وبرفقته مندوب من المصنع لاعطائه عربون بضاعه للمحل ,, جلس ع مكتبه وفتح درج المكتب و ولم يجد 5000 جنيه بحث فى كل مكان لم يجد المبلغ اجمع من فى المحل امامه وسالهم وانكروا جميعا ,, عاد الى مكتبه ولسوء الحظ كاميرا المراقبه كانت عاطله ,, ف اتت له "نجلاء" وسوست له :
_ انا شوفت انا والبنات "فرح" وهى داخله المكتب وخرجت
_ تقصدي ايه ..؟
_ مقصدش حاجه يا حج .. بس هى كانت محتاجه الفلوس جدا وطلبت منك كذا مره سلفه ودايما انت بتسيب فلوس فى الدرج ..
_ قصدك فرح اللى اخدته ..
_ انا مبقولش كده بس اسال البنات هيقولولك هى اللى دخلت
نده الحج ع البنات وسالهم واجابوا اجابه "نجلاء " ,, ثم استدعي "فرح" وطلب تفتيش جميع حقائب البنات ودون ان تعلم "فرح" بما يكاد لها من "نجلاء" ,, فتح شنطه "فرح" واخرج 5000 جنيه وتاكده انهم من المبلغ المفقود من التسلسل الرقمي ..
_ ايه دا يافرح ..
_ ايه دا ,, فلوس مين دى ..؟
_ مكنتش اتخيل انك تعملي معايا كده ,,, انا كنت بساعدك وبحلف بأامانتك تسرقيني انا يا فرح ,,
فى حاله من الصدمه : انا ,, انا ,, لا انا مسرقتش ولا اخدت حاجه ..
_ والفلوس دى بتاعتك بقي ..؟
_ لا
_ وايه جابها هنا ,,
_ معرفش حقيقي معرفش ,,
_ انهارده اخر يوم ليكي هنا ,,انا مش هينفع اشغل واحده سرقتني معايا ..
_ لكن انا مااخدتش حاجه ياحج وحياه بنتي مااخدت حاجه
_ متحلفيش كذب ,,الفلوس كانت فى شنطتك يا فرح ,,
اخرج مبلغ من المال : دا صافي مرتبك ورزقك فى مكان تاني بهدوء كده ,,
عادت الى المنزل فى حاله من الحزن وجدت "احلام" جالسه وملامح الحزن مليئه وجهها ,, لم يتحدثا الاثنتين ولكن جلسا فى نوبة بكاء بدون حديث ,,,
ما اسوء ان يعيش الانسان حاله من العجز وقلة الحيلة مما يتسبب له بالضعف ، ضعف المقاومة وضعف الاستمرارية ..

مر فتره وكانت "فرح" يوميا تبحث عن عمل فى اى مكان وفشلت فى قبولها فى اى محل وذلك من السمعه السيئة اللى طلعت عليها انها حرامية فرفض اصحاب المحلات توظيفها ولم تخبر أحلام بما تمر لمعرفتها خير معرفه بما تمر أحلام به ومشكله الشقه ، ضاق الحال ب "فرح" واحلام" ولكنهم ظلا صادمين رافضين ترك الشقه رغم المضايقات ,, فى يوم رات "احلام" "فرح" وهى جالسه فى الظلام تبكي واقتربت اليها :
_ فرح ..
ازاحت دموعها : احلام انتى منمتيش ..
_ صداع مستلمني قولت اخد مسكن وارجع انام ببص جنبي ملقتكيش ..
_ انا هقوم انام اهو
امسكتها من ذراعها :
_ فى حاجه يا فرح ,, مالك احكيلي احنا ملناش غير بعض ..؟
نظرت اليها ودموعها تتساقط :
_ تعبت يا احلام ,, حاسه ان انا مش قادره خلاص العالم كله ضدي ,, بحاول وبحارب بطولي علشان اوفر لبنتي لقمتها ,,( روت لها ما عاشته من قبل ) مش لاقيه شغل كويس وبعد حوار محل الحج محمد كذا محل يرفض ووافقت فى شغلانه المصنع دى بااقل من اللى كنت بااخده علشان بس يبقي فى فلوس ,, حتي الشقه اللى قاعدين فيها فى اى لحظه هنطرد منها ومش عارفين هنروح فين لان اساسا معندناش حد نروحله ,, انا وانتى ونور بطولنا لوحدنا فى دنيا مبترحمش ,, ليه احنا كده ..ليه حصلنا كده احنا مش طالبين اكتر من حياه طبيعيه لا اكتر ولا ااقل ,, حتي الطبيعي الدنيا مستخسراه فينا ,,
انهارت فى البكاء وضمتها "احلام":
_ استهدي بالله كده ان شاء الله كل حاجه هتمر وتبقي احسن ..
_ ياريت يا احلام ياريت ..
وكأن حديث "فرح" اوصل "احلام" لقرار سيكون راحه للجميع حتي ان كانت هي لا تشعر بالراحه ,, بعد مرور يومين "فرح" عادت الى المنزل بعد عملها وتفاجئت بوجود "اسما" تلعب مع "نور" بالالعاب التي اشترتها لها :
_ اسما ..؟
_ ايه رايك فى المفاجاءه دى وحشتوني يا بنات ,,
_ حمد الله ع السلامه ,, وصلتي مصر امتي ..؟
_ الله يسلمك ,, الفجر نمت ساعتين وهوب قولت اجي اشوفكم وحشتوووني ,,جيت لا لقيتك ولا لقيت احلام قولت اقعد مع نور واريح جارتكم شويا لغايه ما تيجوا ,,
_ احلام راحت فين ..؟
_ محدش يعرف قالت مشوار مهم مش هتتأخر
_ ايه المشوار دا ..
_ علمي علمك .. المهم اخباركم ايه احكيلي يلا بالتفصيل ..
_ تنهدت "فرح": الحمد الله .. قوليلي انتى اخبارك
- انا عارفه كويس اننا نحمد ربنا فى كل الاحوال الحلوه والوحشه لكن دا ميمنعش انك تعرفيني إللى عايشينه واعرف بالصدفة. ..
- تعرفي ايه ..؟!
- اعرف أنكم مهددين بالطرد من الشقه هنا ولا انتى ولا أحلام فكرتوا حتي تعرفوني
- عرفتي ازاي ؟
- جارتكم يا فرح حكتلي كل حاجة حصلت . ايه إللى بيحصلكم دا يا فرح ..؟!
روت "فرح" ل "اسما" ماحدث وعاشوه قبل و بعد وفاه والده احلام ,, طردهم من المنزل وتركها للعمل وتغيرت ملامح "اسما":
_ ولا فكرتي مره تحكيلي ,, كنت بكلمك ليه مقولتليش اللى حصل دا ..؟
_ اقولك ايه وازاى وانتى بعيده كنتى هتعملي ايه ,, كتر خيرك انك بتسالي اصلا علينا ,,
_ انتى عبيطه يا فرح " .. ايه الكلام دا ,,
فى تلك اللحظه عادت "احلام " وملامحها متغيره تفاجئت بوجود "اسما":
_ اسما ..
_ ازيك يا احلام ..
_ الحمد الله ..
توجهت " فرح" الى "احلام":
_ كنتي فين يا "احلام " ..
_ كنت فى مشوار كده وخلصته ..
_ يعني لا معاكي قماش ولا خيط ,, ومكنش فى شغل تسلميه ,,
_ ايه يا فرح .. بتحققي معايا ولا ايه ,,
_ احلام ..
تدخلت "اسما" بعد ان على صوتهم : يا بنات فى ايه ,, نور قاعده مينفعش تشوفكم بتتخانقوا كده ,,
_ مفيش خناق ولا حاجه ,,
_ طيب ايه مش هتغدوني ولا ايه .
_ اتجهت احلام الى المطبخ لاعداد الطعام وجلسا تناولا الطعام وتحدثت اسما :
_ انا عندي عتاب عليكم يا احلام
_ ليه ..؟
_ يعني بعد اللى حصلكم دا كله مفكرتوش تكلموني ينفع كده وانا اللى قولت اننا رجعنا تاني وهنبقي مع بعض زى زمان
نظرت الى فرح وتحدثت "اسما": انا عرفت من قبل ما فرح تقول حاجه ,,
_ الحكايه مش مستهله وانتى مشغوله بحياتك وشغلك هنشغلك بمشاكلنا
_ احلام انتم اخواتي اللى مصدقت اتجمعنا تاني ,, وياستي جربي احكولي ولو مقدرتش احل لكم اى مشكله متتكلموش تاني
_ ربنا ما يجيب مشاكل ,, عموما كل حاجه اتحلت خلاص ..
تفاجئت "فرح":/ تقصدي ايه ؟
_ قابلت رجب وبلغته بموافقتي خلاص كل مشاكلنا اتحلت ,,
تفاجئت "فرح" : ايه اللى عملتيه دا يا احلام ..
تدخلت "اسما": لا مش مصدقه ,, وافقتي تتجوزي واحد ضاغط عليكي وبيهددك يا توافقي يا يطردك برا ,, ازاى تقبلي بحاجه زى كده
_ بعد اذنك يا "اسما" دى حياتي وقراري
قاطعتها "فرح": لا انا مش موافقه ومش هسمح بكده يحصل ,, احلام انتى مستوعبه اللى هتعمليه بعد إللى عيشناه دا انتى هتبيعي نفسك فاهمه يعني ايه
بعصبيه: قوليلي ع حل تاني نعمله يلحقنا من اللى احنا فيه ويمنع طردنا من الشقه ,, كل السكان ولا اكنهم شايفنا ولا اننا عيشنا معاهم عمر ,, امي ماتت وانكشفنا ضهرنا اتكشف ,, اللى كانوا بيسلموا وبيسالوا بعد ما مشيت بيدوروا وشهم الناحيه التانيه لما بيشوفونا ,, بعد ما قالوا لا مش هنخرج من البيت ,, اخدوا فلوسهم وخرجوا ,, مين لينا يا فرح نسند عليه ونقوله الحقنا ,, مفيش ,, ورجب زى غيره بالنسبالي ,,ع الاقل هيكون فى حيطه وباب ساترنا من الدنيا والناس اللى فيها ,,
_ لا يا احلام مش حل لا ,,
_ قوليلي ع حل تاني قوليلي ,,
تحدثت "اسما": انا عندي حل ..
تحدثت احلام : لا يا اسما مش محتاجين فلوس احنا
_ لا اسمعيني مش فلوس ,, اسمعي الحل الاول
_ ايه ..
_ ايه رايكم تنقلوا من هنا خالص من كفر الشيخ كلها ..
_ مش بالسهولة دى يا اسما ..
_ لا بالسهولة دى يا فرح
_ هننقل ازاى وهنروح فين ؟
_ هتنقلوا عادي عربيه تيجي تاخد حاجتكم وتتحركوا ,, فين ,, القاهره ,, عندي ..؟
_ لا يا اسما شكرا ..
_ اسمعيني يا احلام ومتقاطعنيش كده ، احنا ساكنين فى عماره بتاعتنا زى ما قولتلكم بتاعه ماما وخالو يعني ، المهم فى شقه فاضيه كنا بنأجرها كل فتره وحاليا فاضيه تعالوا اقعدوا فيها وهتدفعوا ايجار متقلقيش مش ببلاش ,,
_ وليه نتشحطط ماهو لو ينفع ننقل هننقل فى اى مكان هنا ..
_ لا بالعكس فى مميزات فى القاهره عن اى مكان تاني
_ زي ايه يعني ..؟
_ يوووه حاجات كتير ، اولا ل فرح فرص الشغل فى القاهره كتير واقدر اساعدها تلاقي حاجه مناسبه وقت وسالاري ونور فى مدارس كويسة جدًا هناك ماما هتساعدنا فى الجزئية دى بمنتهي السهولة ، ثانيا هتكونوا فى امان لا هتنطردوا ولا هتتهدووا بالطرد لأن مفيش اطيب من ماما وانتم عارفين وعبد الحميد مقولكمش عليه بلسم وحسن وحمزاوي ولا هتحسوا بيهم اصلا ,, ثالثا مش هتكونوا لوحدكم هنكون كلنا مع بعض ودا اهم ميزه بصراحه + "نور" تكبر وسطنا وسط عيله بجد اه عيله كلها بؤس بس بنحبها وبنحب بعض هتعيشوا مطمنين واعتقد ان دا اهم إحساس يعيشوا الإنسان انه مطمن ولا ايه ,,
تحدثت أحلام: وانا هروح اعمل ايه ..؟
_ اللى بتعمليه هنا ,, هتخيطي ..؟
_ ببساطه كده مين دا اللى هيوافق اخيطله فرش ولا ملايات ..
_ احلام.. انتى كان اخرك السوق وبترجعي هى دى الدنيا بالنسبالك ,, الناس هما هما فى كل مكان القاهره زى الاسكندريه زى كفر الشيخ ,, يعني زى مافي ستات بتحب حاجتها تتخيط هنا ، فى القاهره موجودين وكتير واولهم ماما واعتبريها اول زبونه عندك يلا ,,
_ اسما ..
_ فكروا فى "نور" طفله ملهاش ذنب ع البهدله ,,هتتنقل مدرسه وتقعد فى بيت فى عيله بتحبها واحسن كتير ما تعيش فى بيت مع راجل استغل خالتها،ازاى تأمنوا تعيشوا معاه ,, ه!
شعرت فرح بحديث اسما كطوق نجاه : يعني بجد ممكن القي شغل كويس ..
_ مش هسكت غير لما تشتغلي حاجه مناسبه ليكي ودا وعد انتى ناسيه اسما ولا ايه ووعودها ..
صممت "احلام " :
استغلت "اسما" تردد "احلام": يلا موافقون اجهزوا اخر الاسبوع دا هتكونوا فى شقتكم الجديده فى القاهره ,,متعملوش اى حاجه ، انا اعرف شركه هكلمها تيجي تشيل كل حاجه وهتجيبها لعندنا وتفرشها كمان تمام ..
ابتسمت "فرح" واحتضنت "نور": تمام ..
ابتسمت "اسما" وسعدت جدا للم الشمل مره اخري ,, خرجت من منزل احلام وفرح متجهه للسياره التي تنتظرها وجدت "رجب" جالس ع القهوه يدخن الشيشه إستفزها افعاله وما فعله مع أحلام وفرح ف اقتربت منه :
_ لو سمحت مين المعلم رجب فيكم ..
_ انا المعلم رجب خير يا مزمزيل ,,,
_ مزمزيل .. انت خارج من فيلم ابيض واسود ,, ممكن كلمتين ..
اقترب اليها وبنبره حاده تحدثت "اسما ":
_بإختصار هما كلمتين ونقطه ونقفل الصفحه تمام .. انسي ان "احلام" قابلتك وقالتلك حاجه انهارده لانه مش هيحصل دا اولا .. ثانيا من هنا لغايه اخر الاسبوع اللى هما 3 ايام لو وصلي خبر انك ضايقتهم بكلمه او بتصرف انت مش عارف هيحصلك ايه ,, شكلك مش عارف أعرفك ، بسهوله جدا هترجع السجن اللى انت خرجت منه من شهرين بمكالمه واحده مني ,, هما هسيبولك الشقه والمحافظه كلها هيخرجوا باامان وسلام وبولا كلمه ولا نظرة منك ,,
- حضرتك مين علشان تتكلمي كده ..؟
زادت من حده نظراتها ونبره صوتها : لو مش مصدقني اتفضل جرب بس اهمس لواحده فيهم ,,صدقني هتندم عمرك وجرب وهتشوف ,,
بلجلجه: انا .. انا ..
قاطعته: انا حبيت اقولك الكلمتين علشان اكون خليت ضميري من اللى هيحصلك لو فكرت تهمس تهمس لحد فيهم ,, تمام ..
من اسلوبها الحاد الواثقه دخل الرعب والقلق فى قلب "رجب" وتركته "اسما" وتحركت بسيارتها وعادت للمنزل ,,

عادت "اسما" الى القاهره وتركت "فرح" متحمسه للفكره ومازالت "احلام" متردده ,,
اتجهت لسطح المنزل وجدت "حسن " يدخن :
- بتعمل لزرع دماغ ولا ايه ؟
- اهرب منك ع فين مش عارف ..
- ع فكره انا مكنتش هطلع لكن عبد الحميد قالي اطلع ابص ع السماد علشان ينزل الصبح يشتري غيره .. ابوك قالب السطح مشتل ..
-بيسلي وقته ..
- انت بتعمل ايه هنا ؟
- قولت اطلع اشرب سيجاره هنا علشان عبد الحميد صدره تاعبه والدخان ويعني ..
- اهو عبد الحميد لو شاف المنظر دا الدخان والزرع صدره هيوجعه اكتر ..
- هتفتني عليا ولا ايه ..
- ازاى تقول كده يا سونه .. ايوه
- سونه فى عينك ..
وقفت بجواره صمتا قليلا وهى تنظر إلى المباني المقابلة:
- بص يا حسن ع البيوت دى ، كل شقه فيها حكايه محدش يعرفها غير أصحابها.. غموض غريب جوه كل شقه ، تعرف ان فكرت زمان فى مره اخبط ع كل شقه واطلب منهم اعيش معاهم يومين والمكان الل ارتاح فيه اكمل حياتي معاهم ..
- مجنونه هتعمليها.. معملتيش كده ليه ؟
- خفت .. خفت اتصدم بحياه أصعب من برا باينه انها أحسن ، وبعدين مع الوقت وصلت لحاجه ان كل واحد فينا مبيخترش حياته إللى بيتولد فيها لكن ب ايده يغيرها للاحسن ، ومش مهم الناس شايفينها ايه المهم انك تكون مرتاح ..دا المهم ..
- فليسوفه عصرك ..بمناسبه البيوت خلاص اصدقاء الماضي هيبقو هنا ..
- اها .. اهو نحط بؤسنا ع بعض ونبقي البؤساء
_ ماشي يا بائسة، قولتي لعبد الحميد وفوز
_ لا بصراحة هقولهم الصبح ان شاء الله علشان اخد المفتاح
_ لو محتاجة مساعدة متكلمنيش
_ حبيبي يا ابو على خدوم من يومك
ضحك حسن :
- انا جعانه تاكل معايا ..
- يلا هكلم حمزه يجيب الاكل وهو جي
-كويس علشان عاوزاه فى خدمه وانا هصبر نفسي بعلبه الآيس كريم الل تحت
قاطعها : الايس كريم .. لو لحقتيه
- نعم ..
- ايه دا يا اس بصي هناك ..
-، فين فين ؟
ضحك وبخطوات سريعه : عليكي واحد الحقيني بقي
أغلق الباب خلفه وسريعا لحقت به :
- والله لو قربت للعلبه ل اقول ابوك ع السجاير .. يا عبد الحميد اقفل التلاجه ..

رغم تردد أحلام تحدثت معها فرح واقنعتها ومع الضغوطات المحيطه لهم وافقت "احلام" واخبرت "فرح" اسما " ..عادت "اسما" من الخارج تبحث عن مفتاح الشقه لتتجهز لاستقبالهم : :
_ كان هنا راح فين .. راح فيين
_ بتدوري ع ايه بس قوليلي ..؟
_ ع مفتاح الشقه اللى فى الدور التالت
_ خالك اخدها علشان فى حد جى يشوفها يأجرها ..
_ لالالالاا انا اجرتها خلاص هو راح فين
_ فى الشقه تحت مع ..
سريعا اتجهت للشقه وسمعت كلمه : تمام هنمضي العقد امتي ..؟
بنبره عاليه: عبد الحميد استني ..
نظر اليها خالها : اسما فى ايه ..؟
_ انا بعتذر جدا لكم بجد لكن الشقه دى اتأجرت خلاص اسفه بجد ..
_ مين اللى اجرها ..؟
_ انا يا عبد الحميد اجرتها ..
عادا الى شقتهم وتحدثت معهم واخبرتهم ع نقل احلام وفرح ونور ابنتها :
_ بجد ياريت احلي حاجه عملتيها يا اسما ..؟
_ اكتر حاجه مفرحاني اننا هنتجمع تاني ياااااه بجد ..
_ وهيبقوا ونس لينا ..
_ المهم دلواقتي كلمي ام علي تيجي تاخد الشقه من السقف للارض عاوزاها تلمع كده هما بكره حاجتهم هتيجي هنا وهما ,,
_ تمام ..
_انا بقي هنزل اشتري لعب وحاجات لنور وكام حاجه كده ليهم للشقه يارب الحق ,, هحتاج مساعدتك ياعبد الحميد ,, يلا بسورعه يوووه الوقت مش هلحق بطلي رغي يا ماما علشان ننزل ,

نزلت اسما وكانت فى منتهي السعادة بمجئ فرح واحلام ونور ، اليوم اخدته اجازة علشان تجهز الشقة لاستقبالهم واطمنت على كل حاجة سباكة وكهربا والابواب والشبابيك وكله من مالها الخاص ، فى الصباح تواصلت من الشركة لتتأكد ع ذهابهم لنقل اغراضهم وطلبت ليهم سيارة خاصة تصطحبهم للقاهرة ، كانت فى انتظارهم وبدء العمال فى توضيب الاثاث داخل الشقة من أرشادات فرح واسما حتى انتهوا :
- ايه رايكم .. ؟
ب ابتسامه: جميله ماشاء الله
- مبروك عليكم يا ولاد ، قولولي فى حد ضايقكم ولا حاجه فى اليومين إللى فاتوا .. رجب دا قربلكم ..
- لا خالص ..حتي استغربنا انه اخد جنب كده
ابتسمت " اسما " وتحدثت فى سرها :
- انا قولت حمزاوي هيرعبه
كانت اسما طلبت من حمزه الذهاب إلى كفر الشيخ مع صديقة الذي يعمل فى الامن الوطني لمقابلة رجب وتهديد لتأكيد تهديد أسما وبالفعل نجحت خطتها دون ان يعلم أحد غيرها هى وحمزة .: ..
- يلا بقي بينا ع فوق ,,
_ فوق فين ..؟
_ مش هنخطفك يا احلام فوق فى شقتنا مجهزين الاكل ومستنينكم ..
_ لا شكرا احنا اكلنا سندوتشات ..
_ دا الصبح لكن دلواقتي احنا بليل ، مش عاوزين تدوقوا طبخي ولا ايه ؟
تفاجئت "فرح": طبخك ، ماشاء الله اول مره اسمع انك ليكي فى المطبخ ..
_ احم احم دا سر من اسراري ،وبعدين مش اى حد اقف له فى المطبخ ,, يلا بينا
_ اسما ,, قبل ما نطلع متفقناش ..؟
_ ع ايه ..؟
_ الايجار ..
_ ايجار ايه ..؟
_ ايجار الشقه دى يا اسما ..
_ يا احلام بعدين هو احنا هنروح من بعض فين يلا ..
_ مش هتحرك من هنا غير لما نتفق علشان اعرف هندفع كام ونرتب ظروفنا ,, دى حياه جديده ولازم نبقي عارفين بنعمل ايه
_ بس بس ايه المحاضره دى ,, ياستي الإيجار اللى تدفعيه ..؟
_ انا معرفش ..
_ كنتم بتدفعوا ايجار شقتكم بكام ..
_ 100 جنيه ..
_ اشطا جدا يبقي تدفعوا 100 جنيه ..
تغيرت ملامح "احلام": عاوزه تجيبي شقه زى دى متوضبه بالشكل دا فى المكان دا زى شقه كفر الشيخ ..
_ اللى تدفعوه يااحلام مش هندقق يعني ..؟
_ انتم كنتم بتأجروها بكام ..؟
_ من غير فلوس ..
_ نعم ..
_ يعني مبنحددش كل واحد اللى بيدفعه .. بصي علشان نخلص من الحوار دا
150 ,, شغال ؟
_ شقه بالمساحه دى والتوضيب دا ب 150 فى الشهر ,,؟!
_ 175 شغال معاكم
_ اسما بتكلم بجد يا هحلف مش هنقعد هنا ونرجع ناخد اى شقه فى كفر الشيخ ..
_ بس بس .. بصي اخر كلام 200 تمام ,,وشامله كله مايه وغاز وكهربا كل شهر هاخد منكم 200 .. اتفقنا .. يلا غيروا هدومكم لان فى وليمه فى انتظاركم فوق ,,
تركتهم "اسما" واتجهت الى شقتها سريعا وابتسمت فرح ل "احلام":
_ نعتبرها بدايه خير لينا يا احلام ونقفل ع اللى فات
_ نقفل ع اللى فات معان اللى جي مش معروف ,,
_ نستبشر خير ,,
تنهدت : نستبشر خير .
اتجها الى شقه اسما وجلسا امام سفره مليئه بكل ماهو الذ وطاب :
_ متتكسفوش يا بنات يلا ..
تحدثت فرح : مش مصدقه "اسما" عملتي كل دا ..
ضحكا كلا من فوزية وعبد الحميد ولاحظت فرح واحلام :
_ احم احم .. طبعا يابنتي هو انا قليله دا انا عليا طبق سلطه مقولكيش قنبله ..
تفاجئت "فرح" وضحكت: سلطه ..؟
_ طبعا ,, وهو انا بعرف اعمل حاجه غيرها ..كل دا عمايل الشيف عبده طبعا ..
تحدثت والدتها : اسما مبتعملش غير حاجتين لما تدخل المطبخ سلطه خضرا او سلطه فواكهه
استكمل اخيها عبد الحميد :
_ علشان الاتنين دول وهى بتعملهم بيبقي نص الكميه فى بوقها والنص التاني فى الطبق لينا
_ الله يا جدعان .. انكروا بقي ان الطبق بيبقي قنبله ..
_ قصدك ميني قنبله ..
_ لحرمكوا من قنبلتي وابقوا افتكروا بقي ..
_ ياريت دا الخضار والفاكهه بيخلصوا بسببك ..
_ متحاولوش تحبطوني انا هستمر مهما قولتو الانسان الناجح بيتحدف بالحجاره دايما زى الشجره المثمره ,,
_ حتي المثل اللى قالتله شجره وثمره علشان تاكل فيها براحتها ..
ضحكا الجميع وجلسا تناولا الطعام وسط ضحكات وجمع شمل كانت تتمناه "اسما" من سنين ....!

يتبع ...،