90 يوم(مكتملة)

الفصل الاول

الفصل الاول

المنظمة

....................................................
انا بنت أجنبية من أصول مصرية ماما كندية وبابا مصري
ماما كانت مُقيمة في مصر فترة و هي عندها حوالي 25 سنة اتعرفت علي شاب غني جداا وعنده سلطة و كمان تابع للحكومة ومن اشراف الناس في مصر
المهم ان هو حبها و اتعلق بيها جدا لجمالها و لباقتها في الكلام و اتجوزه ماما كان هدفها انها تاخد الجنسية المصرية وتعيش مع راجل غني ومكنتش مهتمة بأي حاجة غير بالخروجات و الفُسح الكتير الي بابا مل منها مع الوقت
اه نسيت اقولكم انا ..مون..

الحكاية ابتدت لمه كان عندي 9 سنين كنت كل يوم اسمع خناق بابا و ماما فالاول كنت بضايق وبعيط بس بعد كده بقي الموضوع عادي و اتعودت علي كده

لكن في يوم اشتدت المشاحنات بنهم وصلت ان بابا كتف ماما في السرير و بداء في ضربها ب الحزام وكل ده علي مرأة ومسمع مني
كان ديما شايفها انها مستهترة لانها علي طول يا بتخرج مع اصحابها يا سهرانة في ملهى ليلي ومبترجعش غير وش الصبح مقدرش اقول حاجة

بابا قالها مره و اتنين وتلاته ان الي هي بتعمله ده غلط و ان كده بيأثر بالسالب عليه ولكن هي مكانتش شيفاني خالص وكانت ديما بتحب تعيش سنها منكرش ان هي جميلة اوي ويمكن بابا كان بيغير عليها بحكم انه راجل شرقي وهي ست اجنبية وسهل جدا ان يضحك عليها

لكن في يوم الخناقة كبرت اكتر من الازم و بابا حكم علي ماما ان هي مش هتخرج من البيت و ان لو خرجت هتخرج لوحدها من غيري

ساعتها ماما سكتت و مرديتش تخرج
بس عند الساعه 5 كده الفجر لقتها ب تصحيني ب شويش وبتفوقني عشان اصحي
ف قومت وانا بقولها

:في اي يا مامي

بصت وراها بريبه وبعدين بصتلي وهي بتقول

:متعمليش صوت يا مون بابا لو صحي هيخدك مني

قولتلها وانا ماشية معاها

:احنا ريحين فين يا مامي

:هنسافر انجلترا

:هنعمل اي هناك

بصت وراها وهي بتحط ايديها علي بؤي

:وطي صوتك يا ..مون.. هنخرج من هنا وانا هبقي اشرحلك كل حاجه

ولان انا كنت لسه طفلة مكملتش ال10 سنين سمعت كلامها وخرجنا بره البيت من غير ما بابا يعرف

وبعدين كلمت صحابها عشان نعرف نسافر و فعلا سفرنا علي اول طيارة متجهه لانجلترا

في الاول كان الموضوع عادي الي حدٍا ما انا بذاكر وبنجح بتفوق وكل حاجة كانت كويسة اول سنتين
ماما كانت في خلال السنتين دول كويسة جدا معايه وبتهتم بيه وبتعليمي و كمان بطلت تخرج بس بعد السنتين رجعت ديمه لعادتتها القديمة ولكن اسوء بمراحل
ف بدل ما هي الي كانت بتروح الملاهي اليلية بقى تجيب الملاهي اليليه في البيت