البارت الثالث
# احببتك رغما عني
اساور.... بقيت للصبح كاعده وابجي اجت امي تحجي وياي وتسال واني مااكدر احجي
ام محمد... ولج ماما شسويتي بروحج منو هذا احجي والله عرفتج من لحيتي اله تكومين من يمي
اساور... بقيت ااشر الهه والله مااعرفه وهي بس تبجي
ضجت حيل من شفت وجهه امي شلون ذبلان حسيت كسرت اهلي ودمرت اخواني اسمع اعياطهم جوه يردون يكتلوني وابويه يكول خل تصير زينه وتحجي النه خل نفتهم اول القصه شنوو بقيت مااحجي ومصدومه تلاث ايام بعدين كدرت احجي بقو يسالون بيه كتلهم مااعرفه طلعت حته اشوف واحد من اخوتي حته نرجع للبيت وجرني واحد وماعرفته.. همه ماصدكوني بس اني. ماردت اكول خفت لا يصير دم بسببي خفت لا حسين يعرف بقيت ساكته اهلي تخبلوو ضربني ابويه اول مره يمد ايده عليه حيل انقهرت بس استاهل اني غلطت من عفت امي وطلعت بقيت حابسه نفسي بلغرفه لا اكل ولا نوم بس افكر باهلي وبحسين عرف بيه شكال؟ بعده يحبني؟ لو بعد ميريدني؟ التفكير موتني.....
مصطفى.... كرهت نفسي من الشي السويته ومااعرف شاصرف شاكول اذا احجي راح ادمر سمعتي وسمعت اهلي وابويه ينجلط وهو صحته عله كده لان اعرفه مايحب هيج سوالف وربانه عله الاخلاق والاحترام ومايوم طلع من عدنه شي موزين دائما الناس تحمد باخلاقنه...
حسين..... اخذت الموبايل مال اساور ضميته عندي.. مرت تلاث ايام واني ماشفت طعم الراحه مااعرف اسامحهه لو انساهه.. احس هم عله كلبي حته اهلي ماشايفهم مصطفى اقرب واحد عليه كلت خل اروح احجي ويا بلكت شايف شي رحت اله للغرفه فتحت الباب جان هو بلحمام نمت عله الجربايه مالته اريده يطلع حته نسولف طلع شافني ارتبك باوعت عليه شفت جسمه كله اثار اضافر طفرت من مكاني
حسين.... هااااي شنوو مصطفى شنو هااي الاثار منو هيج مسوي بيك
مصطفى.... هااا ماكو شي هيج نشاقه اني وجماعتي
وضل مرتبك ويلبس بسرعه ضليت صافن عليه
حسين... مصطفى احجي الصدك هاي مو مال شقه هواي وبكل جسمك
مصطفى.... كااافي هو تحقيق وانت شدخلك ومنو كلك تدخل غرفتي وحدك
حسين.... شبيك هيج تصيح وليش صرت عصبي اول مره ادخلك للغرفه
مصطفى.... يله اطلع اني تعبان اريد انام
حسين.... مااطلع اذا ماتحجي شنوو هاي
شكيت بي بس عقلي رافض يصدك هيج فكره مااعرف شلون انطق واكوله انت سويت هيج باساور بعدين من شفته عصب من اسئلتي كتله
حسين..... مصطفى بس لا انت
مصطفى... اني شنوووو
حسين... انت السويت باساور هيج
مصطفى.... شكاعد تحجي اني شدخلني شنوو ماتعرفني
حسين.. بقيت احجي ويا واصيح وهو انفعل وضل يغلط اول مره هيج يعصب
صعد ابوي وامي واخوي علاء
ابو مصطفى.... شكووو شبيكم ليش هيج تتعاركون
حسين.... يابه شوف جسم مصطفى والله هو المعتدي عله اساور
ابو مصطفى... شكاعد تحجي والك هذا اخوك مستحيل هيج يسوي شي.. شنوو بابه مصطفى شبي جسمك
مصطفى... ماكو شي بابا
بقه مصطفى يعاند مايقبل ينزع بعدين نزع البدي وشافوهن ضلو ساكتين ومصدومين لان مبين اثار مقاومه سدو باب الغرفه وكاله بابا احجي الصدك شنوو السالفه كعد مصطفى بلكاع وخله اديه عله راسه وكام يحجي الهم اول ما اصدقائه انطو حبايه وشلون جان مو بوعيه ابويه وكع بلكاع واني هم انهاريت وهو يحجي معقوله اخووي سوه هيج بحبيبتي معقوله ادمر حبنه بهل سرعه هاي مجرد نزوه بقيت صافن عليه ماسيطرت عله اعصابي كمت رفعته من الكاع وضربته بوكس بوجهه ركض علاء لزمني وابوي يصيح ولزم كلبه واني اريد بس الزمه
حسين.... ولك عاااارر هم حاسب روحك عله الزلم
علاء.... كافي حسين شبيك.. مهما يكون يبقى اخونه الجبير لازم نوكف ويا
مصطفى...... خلي براحته اصلا اني محتقر نفسي
وضل مصطفى يعتذر لابويه ويكوله والله مستعد اسوي اي شي حته اصلح الغلط كال ابوي
ابو مصطفى.... انت عود ابني الجبير ابني الي افتخر بي دائما اكول مصطفى رافع راسي ليش هيج ادمرني اني ابني يعتدي عله بنات العالم ومنو بنت جاري وصديق عمري ولك شلون اخلي عيني بعينه بعد..
مصطفى.... والله اسف مستعد ابوس رجليهم بس حته يسامحوني
ابو مصطفى... ماكو غير حل واحد تتزوج البنيه.....
حسين.... بس ابوي كال هيج احس كلبي يريد يطلع من مكانه حسيت روحي بحلم اريد اصحه منه كااافي تعبت شنو بيوم وليله تنكلب كل حياتنه تنمحي كل احلامي. وياهه شاكول اكول اني احبهه ماترهم لان مستحيل اخذ وحده اخوي متقرب الهه بقيت بس اباوع عليهم ومصدوم
مصطفى... يابه الي تشوفه اني حاضر بس لا تزعل مني..
ابو مصطفى... حضر روحك بليل نروح
طلع ابوي واني رحت يم اياد ابات مختنك من البيت...
مصطفى... قبلت اخذهه حته لا اصير سبب بموت بنت اني الغلطان هي مالهه ذنب ردت ارتاح من تأنيب الضمير ولتفكير موتني نسيت طعم النوم خلال هاي الايام...
بليل تحضرنه حته نروح اني وابوي وعلاء حسين ماقبل يروح ويانه .. امي ماقبلت بقرار ابويه كالت خل نسكت منو يدري بي بس ابوي كال هذا احسن حل اني رجال صايم ومصلي وعندي بنات اخاف الله يطلعهه بيهن
ام مصطفى.... شنووو اجيب وحده ساقطه لبيتي
ابو مصطفى.... ابنج الساقط مو هي ليش مانعرف ابو محمد وتربيته
ام مصطفى... لو ماهي طالعه ماجان صار شي بس هي تريد هيج مو ذني بنات عمه شبيهن واحد شافهن بس هي ساقطه
مصطفى... كااافي يمه اسكتي لخاطر الله.. يله يابه خل نروح
ابو مصطفى... والله مستحي شاكول وشلون راح اباوع بوجه ابو محمد
علاء.... يله يابه خل نروح والله كريم بلكت تنحل
طلعنه ورحنه الهم استقبلنه ابوهه ودخلنه ما نعرف شلون نفتح الموضوع وياهم بعدين ابوي حجه
ابو مصطفى.... ابو محمد انت اخوي وجاري واني جايك ومستحي منك مااعرف شلون افاتحك بلموضوع
ابو محمد... خير اخوي كول لا تستحي
ابو مصطفى... اني جايك بموضوع بنتك اساور الله شاهد هي مثل بنتي واني تاذيت من سمعت بيهه بس اني عرفت الاعتده عليهه ونريد نحلهه وياكم بلعقل
ابو محمد.. منووو هذا الحقيرر كول ابو مصطفى والله اله اقتله
ابو مصطفى.... عله كيفك ياخويه اكعد واهدء الاعتده عليهه هو ابني مصطفى بس الله شاهد جان مو بوعيه اصداقائه منطينه حبايه وهو تدري بي ماعنده هاي السوالف
ابو محمد... شنووو انت شكاعد تحجي وفوكاهه جاييني وتحجون والكم عين
مصطفى.... عمي والله اسف اني غلطان اعترف وجايك حته اعتذر منك واخذ بنتك عله سنة الله ورسوله
ضلوو يتصايحون واخوة اساور يهدون عله مصطفى اله نقتله
بعدين كال ابويه احنه البنيه شارينهه انطوهه النه ماقبلو اخوتهه ورادو بلقانون ياخذون حقهم بس ابوي كال البنيه تنفضح اكثر والله نخليهه بعيونه ونستر عليهه
كال ابوهه هاي هي البنت تاخذوهه وتسترون عليهه.. وسكت ولده حته ماطول السالفه
.. رجعنه للبيت وامي تعيط وتصيح ما اريدهه جنه شنو كمنه انلفي ساقطات تالي عمرنه صعدت فوك واني ميت قهر مليت حته نفسي خربت علاقتي بابوي وحسين لحد الان ماشفته مايجي للبيت وحته نضرات اخواتي الي مااتحملهن....
اساور.... بعد ماطلعوو بيت ابو مصطفى اجه بابه ومحمد ضربني حيل ويكول
محمد... ليش ماتحجين وتكولين هو الاعتده شعندج وياا واني احلف ماعندي شي وماعرفه كلت الهم
اساور... مااعرفه ماشايفه شكله قبل بابه ابوس ايدك سامحني
ابو محمد..... من اليوم تنسين عندج اهل نزلتي راسي وراس اخوتج بلكاع... اجوي هسه خطبوج واني وافقت انطيج الهم
.. صفنت كلت معقوله حسين بعده يحبني وراد ينقذني منهم اكيد ميعوفني بهذا حالي وهو دائما يكول للموت مااعوفج اوووف شكد مشتاقه إله. صعدت لغرفتي واني عندي. امل قليل ارجع اعيش طبيعي ...... يتبع
تحياتي للجميع ورأيكم للقصه يهمني ويشجعني اكملهه الكم 😊
