الدكتورة أسيرة الزعيم 🔫👩‍⚕️

الحلقة 4

جوري:
بعدما طلعت بدلت حوايجها و دوشت حبطت للتحت لقات يماها و راجل باباها قاعدين قعدو معاهم قصرت شوية حتى هدرت: بون راني حابة نحكي معاكم في موضوع و نتمنى تتفهموني لانو هاد الشي يمثل جزء كبير من الخدمة تاعي.
لامية:غير الخير بنتي خلعتيني
جوري: خير ماما خير .... كيما تعرفو انو بديت الطب في أكبر و أشهر مستشفى في كاليفورنيا و الحمد لله في ظرف قصير قدرت نثبت الوجود تاعي و هذا بفضل ربي و بفضلكم انتوما ماما و بابا حكيم
حكيم :واش هاد الهدرة راكي بنتي
جوري: علابالي بابا حكيم مام انت راك في مقام بابا و الخير لي درتو فيا عمري ما راح ننساهولك و لا نوفيلك خيرك
حكيم: دوك نزعف جوري
جوري: لالا منيش نقولك هكدا باش تزعف.........المهم كيما علابالكم انو الخدمة تاعي خدمة منقدرش نحددلها وقت نريح فيه عليها اليوم جاني امر انو نروح سمانة نداوي شخص في الدار تاعو لانو فقد الذاكرة تاعو و مع الاسف كان الحادث قوي لي خلاه ينسى العامين اللخرين في حياتو و المفيد من هاد الهدرة قاع انو ممكن منباتش في الدار حسب الحالة تاعو
لامية: يعني راح تقعدي عندو!!
جوري: لالا كي راح نروح نداويه في الدار يعني راح نقلل من الخدمة تاعي في الصبيطار و راح نظطر نقعد ساعات اضافية
حكيم: علابالي تقدريلها و انت طفلة قوية و متخافيش ربي معاك في كل خطوة ان شاء لله ربي يوفقك يا بنتي
لامية: ربي يوفقك يا بنتي و يبعد عليك اولاد الحرام ياااا رب
جوري: ربي يخليكم ليا ان شاء لله
____________
ماكس: الو نسحقك جيبلي قاع المعلومات على الطبيبة جوري *** عندك ساعة في يدك
***:حاضر ساعة تكون عندك
ماكس: دوك نشوفو شكون انت باش تتحداي ماكس و توقفي في وجهو يا دكتوراه جوري
بعد شوي عيط لسام بعد ساعة كان عندو
ماكس: ارواح لازم تحكيلي كلش واش صرا في العامين اللخرين عن كلش بالتفاصيل
سام: اوكي
حكالو سام على كلش و ماكس يسيي يركز مع كل كلمة و كل حادثة يحكيهالو سام.
_________
ناضت صباح دوشت جبدت شعرها ماكيات خفيف و فتحت الخزانة تاعها تشوف واش تلبس حتى لبست سروال كلاسيك كحل و شوميز كحلة و فيستا كلاسيك ف vert claire و سباط طالون كحل طلقت شعرها و لبست نواظر تاع الشمس و حبطت لتحت فطرت معاهم و خرجت ركبت طونوبيلتها و راحت للسبيطار دخلت شخصت الحالات تاع المرضى و في نفس الوقت داوات عباد كانو في الاستعجالات
كانت رايحة في طريقها للغرفة تاعها حتى قابلها احمد
احمد:جوري بنتي!
جوري : صباح الخير موسيو لاباس!
احمد: لاباس الحمد لله مي واش راكي ديري هنا المفروض تكوني في القصر لالا!
جوري: جيت نشوف حالة المرضة و في طريقي كانت الاستعجالات معمرة فدخلت و درت اللازن و زيد بزيادة مازال الحال ..
احمد: يا بنتي لوكان يحوس عليك ميلقاكش يدير حالة راهو ماكس*****
جوري في روحها: هيا دوك لي يجي يفكرني فيه و فجد اسمو وليت حافظاتو كتر من اسمي مي إلا ما نتخلص منك يا موسيو ماكس
احمد: سمحيلي لازم نروح كيما وصيتك.
دارتلو ايه برأسها...........واش وصاني!!! المهم انا نروح عند الهم هداك و لا خلي نطول ماشي واش يقولو هو يكون جابتو يماه هذاااا. قعدت واحد الساعة جازت هكاك لبست فيستتها و خرجت لوجهتها الجديدة......
اما هو ناض صباح في بالو انو يلقاها لتم دخل دوش و لبس سروال جين كحل  و تريكو أبيض و فيستا جين كحلة لبس باسكات بيضة دوش بريحتو و سقم شعرو و حبط لتحت بكل جبروت و كاريزما و بكللللل برود لقا الحالة كالم ماكان حتى واحد جاز للكوزينة لقا جميلة(رئيسة الخدم مرا كبيرة في العمر حنينة يحبها ماكس لانو يحسها جداتو) : خالتي جميلة صباح الخير
جميلة: صباح النور ابني  ماكس هل أنت بحاجة إلى شيء!!
ماكس: لا شكرا.. هل اتى شخص ما و سأل عني!
جميلة:  لا
ماكس:  حسنا انا في غرفة المكتب أريد قهوتي .وراح
ماكس: إلا ما تتحاسبي درتي رايك اوكي
___________
بعد مدة قصيرة سمع صوت الطبطيب : أدخل
العساس: سيدي هناك فتاة عند الباب و تقول انها على مقابلة معك
ماكس:  أدخلها
شوية و يسمع صوت احتكاك قوي في الارض طل يشوف حتى يشوف طونوبيل من نوع range rover بيضا و يشوفها حابطة لبست نواظرها غلقت طونوبيلتها و مشات جهة الباب
فتحتلها الخدامة الباب بعد امر من ماكس
الخدامة:  تفضلي انستي السيد ماكس اتي
جوري: حسنا شكرا
دخلت جوري الداخل و هي تشوف في القصر لي يبان قصر ملكي تبسمت باستهزاء و قالت: متكبر..
و قعدت فوق فوتاي و هي تستنة فيه .........
بعد 10 دقائق دخل عندها : ماجيتش عندك باش نقعد نستنى عندي خدمة تستنة فيا
ماكس شاف فيها ملفوق للتحت و هدر: درتي روطار تاع 2 سوايع...قعد مقابلها بكل برود و كمل هدرتو و هو يشوف فيها:  و لا حسبتلك هنا كيما في الجزائر ديري واش تحبي ووقت ما تحبي
جوري : كييفاش!! اه درت روشارش عليا كي قتلك مازال متعرفنيش هه صراحة كنت حاطاتك اذكى من هكذا و تعرف انو كاين عفايس تقدر صح متعرفهمش تسمى علابالي واش كاين في الروشارش تاعي 😉
ماكس:  اممم شكلك صاح متعرفيش شكون انا يا جوري ولا خلينا نقولو صبرينة الاسم الجزائري تاعك خير نن!
جوري يبست في بلاصتها كي سمعت اسمها من عندو و لي واحد ميعرفو و يعرف انها بدلت اسمها و الجنسية تاعها غطات الدهشة تاعها بالبرود وهدرت:  وقت باش نبداو العلاج عندي خدمة
شاف فيها و تقلق من كتلة البرود لي فيها و حاول يتمالك نفسو و اعصابو باش ميدير والو معاها
بدات الحصة الأولى تاع العلاج و لي قعدت تسقسي فيه على بزااف حاجات و هو يجاوب و عرفت انو الذاكرة تاعو تقدر تولي في أقصر وقت ممكن لانو فقد اقل من عامين يعني واحد عام و 3اشهر برك و قاتلو انو يسيي يهدر مع ناس كانو معاه دايمن في هاد المدة لي راحتلو
جوري: الحصة تاع اليوم خلاصت و كيما قتلك لازم تقعد مع عيباد كانو معاك في العام اللخر و بالشفاء
جات نايضة حكمها من يدها و قاللها يستفز فيها: خلينا نكملو القصرة تاعنا باش تعرفي اني نعرفك مليح و انو ماشي ماكس لي طفلة تتحداه و توقف في وجهو
نحات يدها بقوة و دنات ليه و قالت:  ميشرفنيش نحكي مع امثالك و لي كيفك لازملهم الدواوات بالاك عقلك يولي لراسك و ينقص الغرور تاعك ياا ماكس *** تقلد فيه ضحكت باستفزاز و خرجت .
اما هو كان قدامو كاس خبطو للحيط من قوة الغزال لي دارتهولو: راح تندميي راح تندميي بزاااف .و طلع للمكتب تاعو

بون حبيت ندير توضيح صغير انو الهدرة لي تكون باللغة العربية يعني كانو يهدرو بالإنجليزية❤