#البارون
من شفتك وجه كَطره
لميت اليبس مني
وأجيتك شارد من الغيم
كَتلك طيح بالما مرتوي بدمي
وطحت بيه
أجيتك مشتهي الجيه
أجيتك شارد من أسمي
طين وكل أثر للطين ما بيه
طحتلك طين ما متبلل بعمره
طحت يمك
جيس أسمي بحلات أسمك
جيس اليوجع بروحي
أسمك من تعب نوّمته بجروحي
وغفه بيه
مثل الماي من ينامله بحفره . كـ֧֯͝ۦـ͡ღـۦـركر
*********
... حتى الليالي جابت طواريك بين القمر تنرسم وصوفك...
... سنحارب وما الضرر إن متنا فلكل حرب شهدائها...
... سئمنا عيشة البؤساء متى سنثور...
...الحياة وأن تعقدت أحداثها فالامل برب العباد سيحلها...
عنود
عمري ١٧سنة وزني ٧٠ طولي ١٧٥ امتلك كل مقومات الأنثى المغرية لدرجه اكدر اغري اي رجال وبأي عمر كان هالشي وراثة من امي وتعلمت منها كل شي صحيح تصرفاتي شكلي مبين أكبر من عمري بس هالشي لصالحي مريت بعلاقات هواي مع شباب بس ماحبيت ولا واحد علاقتي بيهم مصلحه على كد الطلعه اخذ فلوس هدايا منهم اطلع مصرفي وإذا خليت براسي واحد اجيبه يعني اجيبه وعادي حتلو متزوج بس أستاذ ضياء حيرني انجذبتله بس هو ولا مهتم حتى ميباوعلي حاولت اجذبه لناحيتي البس ضيق ودايما اخالف بلبسي واخلي مكياج بس الشكل ميهمه مااعرف شنو يحب بدرر مطيرة عقله وهي ماتسوى شي ولا تملك جمال مثلي على شنو يحبها ليش يهتملها لهاي الدرجه اني ليش من اشوفه يهتم بيها اضوج واغار اني أحلى منها وأحسن هي منو أصلا الله ياخذها أستاذ ضياء صاحلي يريد يحجي شيريد
- ممكن أفهم شنو غايتج من الإشاعات هذي وين تريدين توصلين
= شنو أستاذ شصاير
- كلش زين تعرفين
= اها درر كالعادة شكتلك وانت سبايدر مان مالتها
خزرني بغضب
-باجر إذا مايجي ولي امرج وياج لا تحلمين تدخلين للمدرسة افتهمتي لولا
= كله علمودها
- أستغفر الله بنتي شبيج منتبهة على تصرفاتج لو لا ماكو بالدنيا غير درر
= ليش ماتكول لنفسك انت كل اهتمامك بيها دايما تهيني علمودها وماتهتم بمشاعري أبد
- عنود تجاوزتي حدودج هواي كافي وهسة يلا روحي لدرسج
يا الله شكد كرهتها ليش يحبها اني موكدام عينه ليش ميحبني شنو ناقصني بسيطه اني اعلمج يادرر محد متجرأ يحاجيني هيج ويجي هذا يرزلني علمودج من داومت لحد الان كل يوم ماطلعت درر هاي عبالك ملكه
*********
... لويحبك جا كتبلك!...
... خذني يمك روحي مشتاكه لضواك وكَلبي جن شباك ماشايف شمس...
... تعب حرمان الم انكسار وكل مشاعري المأساوية جُمعت في وقت واحد لتزيح أفكاري وتتجه بي للبكاء على مستقبلي المجهول...
... كان املي الوحيد ولكن هل مازال...
... مال بؤسي اليوم في تراكمه ازداد...
... وقعت ضحيه للاوضاع لااعرف مكان للهروب ولا الإستقرار...
... أتتركني بعد كل وعودك لا مكان ولا امان لي غيرك...
... بكيتكم يا والداي هل يرضيكم حزني وفقدي لكم من لي غيركم إني وحيدة لا سند لي بعدكم عودو ارجوكم أو خذوني معكم إني حقاً متعبه أريدكم بجواري أريد الاستناد عليكم لقد غادرتم الدنيا باكرا ولم تفكروا بابنتكم أ لهذا الحد أنا لا اهمكم لو كان بوسعي الذهاب معكم كم تمنيت هذا اليوم ولا أزال أمي وأبي إني حفاً اشتقت لكما ...
أنا حقاً إمرأة فقيرة لا أملك حظاً في هذه الدنيا لماذا الجميع يرغبني ...
ذكرياتك عندي لقد صنتها وحفظتها جيدا في قلبي خوفاً ان يعبر عليها غبار سنيني المتعبه...
درر
زيدان أول مرة بحياتي أشوفه عصبي لهاي الدرجه حبسني بالغرفة وقفلها من برا عليا شسوي لزمت موبايلي اتصلت برفعت شي أكيد قلبه نار هسه
= الو
_ منو
= لتخاف اني درر
_ حبيبتي اني آسف درر انتبهي الله يخليج لخاطري انتبهي لنفسج لتخلينه يشك أكثر شفتيه شلون صار وهو هم حقه يعني من يدري بعلاقتج بولد شتريدينه يسوي يصفكلج بس ديري بالج على نفسج مسحي المحادثات من جهازج والاتصالات إسمي غيريه حاولي بس هالفترة عالاقل كوني حذرة
= ان شاء الله حبيبي
فجأة الباب انفتح
- منو حبيبج ؟
خليت الموبايل وراي
= اممحد أنت منو شوكت تشك بيا زيدان
- موبايلج وين
= شتسوي بيه
- وينه طلعيه
= موبايلي خصوصيتي مااكدر انطيك ياه
- كلتلج طلعيييه
اني كمت من الخوف أرجع خطوات للخلف زيدان شكله مخيف عصبي نار
= زيدان
- انطيني موبايلج
= ماانطيه
أخذ الموبايل مني فتحه شاف الرسايل والمحادثات اجه يدخل عالصور خفت لايعرفه هو نفسه رفعت انوب يروحله يقتله كل شي يسوي جريت منها الموبايل وركعته بالحايط صار نصين تفلش لزمني من شالي وراجديات لوى إيدي شبعني ضرب وسب وشتم ماعافني توسلت بيه خشمي وحلكي كلهن دم لحد مادخت وانسحنت روحي إلا عافني واكعه بالكاع بالكوة أجر النفس ياربي ساعدني زحفت لموبايلي طلعت السيمكرت كل شي ولا رفعت يصير بيه شي عادي أموت وانكتل اتحمل كل شي بس مااتحمل يتأذى رفعت بسببي بقيت ٣ أيام محبوسه وجهي مورم من الضرب اباوع بالمراية ازرك بالبيت وحدي ٢٤ساعه محد لاحظ شنو سبب كعدتي بالبيت بس زيد الصبح طلعت من غرفتي رحت للمطبخ وجهي تقريباً زين بس جوى عيني شوي زراك ومناه هالات سودا من البجي والسهر والتفكير
زيد" هلو درر شلونج
درر_ زينه
دنكت راسي حتى ميشوف وانوب يضل يسأل
زيد": شبيج صوتج مبحوح مريضه؟
درر" لا
عفته ورحت لغرفتي أريد أحاجي رفعت ولله اشتاقيتله شلون بيا ياربي العصر انتظرت زيدان يرجع لازم احجي وياه عندي إمتحانات العصر محد بالبيت زيد كعد من النوم وطلع وي خليل يسهرون للصبح زيدان تأخر وتالي اجه ب١٠
درر" زيدان بس اسمعني ٣ أيام احجي وياك وانت متجاهلني شبيك
زيدان": الج عين تحجين وياي
درر: والله مامسوية شي زيدان الله يخليك افهمني عندي إمتحانات
زيدان ": اف
درر ": عمتي لوعايشه ماتقبل بهيج والله هي مودايما توصيك عليا وتكولك انت أخوها الله عليك خلروح للمدرسة حتلو بس أيام الإمتحانات
زيدان": بشرط
درر " شنو
زيدان:: اني اوصلج للمدرسة بعد اي طلعه وحدج ممنوع وإذا صار وتكرر الشي هذا لا تلومين الا نفسج واني حذرتج
دنكت راسي مااكدر اكذب عليه
زيدان": راح تنسين شخص إسمه زيدان تبرى منج ولا كأنما عندي بنت عم وقد أعذر من أنذر تعرفيني إذا أقرر قرار مااتراجع منه ونصيحه منج لاتخسريني ولاتخسرين نفسج بتصرفات طايشة لأن محد الج بهاي الدنيا
درر": أعرف
زيدان ": باجر بوقت الدوام ولا دقيقة ناقصه ولا زايده مانروح من وقت حتلو توصلين متأخرة
درر:: أي
راح لغرفته بعده زعلان مني وكلما يشوفني يخزرني ثاني يوم بقيت منتظرة كلما اكوله شوكت نروح يكول بعد وقت تأخرت كلش وبالكوة وافق نروح وصلت للمدرسة اف وأخيرا اشتميت الهوى دخلت مستعجلة طبعا الدرس الأول ضاع عليا لأن متأخرة الست طردتني من الصف لأن متأخرة
درر": ست آخر مرة وآلله::
_ روحي ماما جيبي تعهد ختم توقيع شوف شنو المديرة متقبل مناقصني مشاكل اني
رحت للادارة انطوني تعهد والمديرة ضلت تسألني ليش غايبة كلتلها مريضه رجعت للصف بس شنو بعديش ٥ دقايق ودك الجرس مافهمت ولالحكت عالدرس مالي خلك شي بقيت بالصف ماطلعت لا مصرف عندي ولاماكلة شي وجنطتي فارغه نمت على رحلتي دايخه مصخنه اتذكرت رفعت وكمت ابجي سكته حتى صديقات ماعندي بس رفعت جان هو كل شي بحياتي اففف شلون من جان يوصلني يترس الجنطه ويضل ساعه بس يوصيني اشتاقيتله وينه معقولة خاف وعافني وينك رفعت تقريبا من كد متعبانه من الحزن ردت اغفى بس سمعت صوت
عنود": عزاا منو باك التراجي مالاتي انوب ذهب ياربي
مااعرف ليش احسها جاي تمثل شبيها هاي شنو عايشة بفلم هندي والله عدها خلك
عنود" بس انتي بقيتي بالصف
درر": أي وشنو
عنود": محد دخل للصف اني قبل لااطلع نزعت تراجيي وضميتهن بالجنطه وهسة ماكو
درر": واني شعليا وين تريدين توصلين بالضبط عنود لخاطر الله عوفيني بحالي مالي خلك ومريضه رجاءاً اني ماعندي شي وياج ماكو داعي لكرهج وهاي الحركات عيب كدام المدرسين إحنا كبار إذا عندج شي وياي كوليلي اني وياج نحل الموضوع بيناتنا
عنود": جاي تسوين هيج علمود اغلس على بوكه التراجي
درر: يمعودة يابوكه لخاطر ربج
عنود:؛ طلعي التراجي قبل لا اطلع شفتج بس إنتي خليتهن بجنطتي وسألت البنات كالن محد دخل للصف
درر "" أستغفر الله
طلعت من الصف ودك الجرس أكو عدنا أستاذ كلش مايتهاون بطلعه أي طالبة حتلو تريد تموت رجال جبير وحريص بشغله
درر": أستاذ دايخه عادي بس شوي وادخل للصف
_ لا بنتي دخلي ممنوع
رجعت لرحلتي وعنود تتوعدلي اني مجان ناقصني غيرها هالزعطوطه خلص الدرس بالشافعات ردت أنام عالرحلة عنود جرت جنطتي شكد وقحه لعد
عنود " أشوف بعيني إلا ارتاح
درر": إنتي صدك متستحين لج بابا شبيج جيبي الجنطه
عنود ": اممم لعد شنو هذا
طلعت زوج تراجي من جنطتي أول مرة اشوفهن
درر": شنو هذا مو إلي هالحاجات
عنود": إذا تعرفين مو الج ليش تاخذينهن
درر": معقولة واصلة مرحلة من الرعونه والغباء لهالمستوى مع الأسف عليج جان استحيتي زميلتج اني بالمدرسة صدك بدايتنا موزينه بس مو معناها تحقدين على شي تافه
عنود:: يلااا كدامي للادارة
درر ": روحي إنتي كوليلها ست حطيت مالاتي التراجي بجنطه درر علمود تتعاقب واضحك عليها اني وصديقاتي
عنود:؛ كومي لج
درر": إنتي شتردين مني شمسويتلج علمود تكرهيني لهاي الدرجه يعني ٣ أيام ممداومه ومامأذيتج بشي وإنتي تسوين هاي سوالف المزعطه علمود انفصل مثلاً اي غير أفهم ليش بس كوليلي ليش تسوين هيج
على صوتنا العالي البنات اجتمعن وعنود تجرجرني حتى أروح للادارة وحده من الطالبات راحت صاحت أستاذ ضياء لأن المديرة طالعه أول ماشافني ضل يباوعلي بلهفة
ضياء " درر
درر ": أستاذ
عنود:؛ شوف أستاذ ماخذة تراجي مالتي
ضياء ": درر ليش غايبة وين جنتي
درر": اا
عنود ": أستاذ باكت اغراضي
ضياء ' عنود تخبلتي شبيج شنو تصرفات الأطفال هاي عيب
درر": والله مااعرف أي شي عن التراجي
ضياء ": مصدكج
عنود ": أستاذ اني طلعتهن من جنطتها
ضياء ": عادي صار اشتباه يلا بنات كل وحده تروح لدرسها تعالي درر اريدج بشغلة
عنود": تجي المديرة واحاجيها وباجر اجيب امي
ضياء "؛ ليش تتعبين نفسج بهاي الأمور بابا انتبهي لدراستج عوفي عنج كل شي لكيتي غرضج خلص ليش تكبرين الموضوع
عنود:: لازم اخلي حد خوما درر كل مرة تاخذ اغراضي وأبقى ساكتتلها
ضياء ": درر مماخذة شي
درر": إنتي ليش مصرة تسوين مشاكل بس أريد اعرف شراح تستفادين بدل الجهد والتعب الي بذلتيه علمود تسوين كل هاي المسرحية جان حفظتي لج مادة مادتين مبقى شي عالامتحانات
عنود"؛ وإنتي شنو عيني تعلميني فوك سوايتج
ضياء ": خلص بنات عيب تعالي درر
عنود": عادي اشتكي وباجر امي اجيبها تشوف حد لدرر
درر: ليش شسويت اني
عنود:؛ كافي تصنع وتمثيل دايما انتي البنت البريئة الكيوت الرقيقة
ضياء ": عنود كافي
رحت وي الأستاذ بالكوة مسيطرة على دموعي إذا باجر تجي ام عنود اني منين اجيب امي
... اليتيم توجعه كلمه شلونك شبيك اثاري بكل حرف لجمه وتذكار من أهله...
ضياء ": ليش غايبة ليش شبيج ليش تعبانه احجي
درر ": شحجي أستاذ
ضياء "؛؛ منو مأذيج بس كوليلي أي مشكلة اني الكالج حل بأي وقت بس تعاليلي اشكيلي اساعدج كل شي أسوي
درر" ليش تساعدني اني منو حتى تساعدني مامسؤؤل ولامجبور كل مرة توكف وياي
ضياء ": إنتي تشوفين هيج بس اني منظوري للامور غير عنج بهواي
درر:: أستاذ انت شتريد مني
ضياء ": درر
دخلت المديرة وانقطع حديثنا
المديرة بغضب ": درر
درر": نعم ست
ضياء ": شكو ليش عصبية
المديرة ": أستاذ ضياء أرجوك خلينا وحدنا وروح عندك درس
ضياء ": أريد أفهم شنو الموضوع
المديرة ": درر شنو هالتصرفات ماتوقعتج بهالوقاحه
درر": ست والله اا
المديرة "" عيب ماما إنتي طالبة كبيرة وواعية ميصير تغلطين وتسمعين زميلتج كلام مو لائق إحنا بمدرسة مو بشارع
درر": غلط؟
ضياء ": درر ماتغلط منو شكالج منها
درر "" ليش اغلط هو اني اليوم إلا داومت وبعدنا بأول دروس شوكت لحكت اغلط واسوي مشاكل
المديرة": يعني فوك ماغايبة ٣ أيام وجاية متأخرة وكل يوم مسوية بلبلة وضجه بمدرستنا شنو مشكلتج وي عنود
المديرة :: أبد لاتتجاوزين عليها بعد ممنوع منعاً باتاً فهمتي لولا
درر":: ست و
المديرة ": إنتهى النقاش يلا روحي لدرسج وبالفرصة تعالي عندي موضوع وياج يخص الدفع
درر"" نعم ست
... تلاكينا بسلف مابيه امل نلتم
سلف بيه كل العشك مرفوض ...
*********
زيدان
بعد الي عرفته عن درر مااتحملت رجل شرقي لو كنت أكبر منفتح ومثقف راح ارجع اسوي نفس السويته لازم الكا حل أول وتالي بنية لازم تتزوج أبوي لاهو مزوجها لواحد غريب ولا هو مزوجها لواحد من ولده وهو هم حقه إذا انطاها لغريب ولده ثنينهم يتعاركون وياي ويروحون يقتلون الخاطبها وإذا زوجها لزيد أو رشيد راح تصير تفرقة وواحد منهم يقتل الثاني ومحد يقبل يتنازل خابرت أبوي
- الو يابة وينك
= شتريد
- رايدك بشغلة ضرورية
= كول ماعندي وقت خلصني
- تعال للبيت واني افهمك
= عود باليل اجي
- خوش
انتظرت أبوي لحد ماوصل ارتاح وحاجيته
- يابة درر شنو وضعها
= شبيها
- يعني إلى متى تبقى مغلس على موضوعها لازم تشوف حل احجي وي ولدك فهمهم
= شفهمهم أنت شتريد بالضبط وين تريد توصل
- يعني شلون تبقى طول عمرها بلا زواج بس لأن ولد عمها يريدوها وخاف تصير مشاكل فهمهم البنيه متريدهم
= ليش ماانت تروح بنفسك تفهمهم وتشرحلهم
- لعد أنت شنو دورك انت أبونا إذا ماانحلت المشكلة بوجودك ماراح تنحل للأبد نسيت هي يتيمه وخطيتها بركبتنا حرام علينا مخلينها بلا زواج بس لأن اولادك يريدوها وهي متريد اي واحد منهم يابة هاي مشكلة معقدة ومو هينه إذا مالكيت حل الها من هسة توقع العواقب الوخيمه البنت شابة وبأي لحظه يتهجم عليها واحد من ولدك وتنفضح هاي امانه حافظ عليها ياويلنا من الله بس هو شبقى بينا
= انت شدتخربط بيدي شي اسويه وماسويته ازوجه المن تتذكر من خطبها إبن صديقي شسوى رشيد فضحني كدام الناس وضرب الولد وليومك هذا الناس زعلانين مني لو زيد إلي كلما يسمع خاطبينها ناس يهددني ينتحر وإذا ازوجها لواحد من ولدي شي اكيد يتكاتلون وياما أخوه وزلم تكاتلت علمود مرة اني مامستعد اخاطر بحياة أحد منكم تريدنا ننفضح
- عود من يغتصبها واحد من ولدك بذاك الوقت اقنع نفسك بهذا الكلام يابة انت ٢٤ ساعه برا البيت ماتدري يصير مايصير هنا كل شوي واحد متهجم عليها وعود إحنا الباقين من أهلها السند والعزوة بس للأسف لو عايشة بدار الأيتام هواي احسن
أبوي بقى ساكت مابيده شي وماكو أي حل
... أوقات تحس نفسك وحيد بمجرد غياب شخص واحد...
يتبع....
