#البارون
يا صباح الخَير منك
حتى لو فايت وكتهِا
تردني لـ ٦ الصبح ..
*********
ترانيم
حاولت أفتح الموضوع وي ماما بس استحي شنو اكوللها ماكو حل غير مرام أول شي احجي وياها بعدين هي تحجي وي امي وتفهمها دكيت باب غرفتها
ترانيم:: مرام عادي أدخل
مرام:؛ اكيد حياتي
ترانيم:؛ شلونج مريومه
مرام:؛ الحمد لله تعالي اكعدي ليش واكفه
ترانيم:: أوك بصراحه عندي موضوع وياج كلش مهم
مرام:؛ شنو حبيبتي
ترانيم:؛ عادي عندج وقت تسمعيني وتساعديني
مرام:؛ اكيد حبيبي احجي كل شي بخاطرج اسمعج شنو لتستحين
ترانيم:؛ أوك راح احجي بس اوعديني متصيرين عصبية قبل كل شي والأهم تساعديني وتوكفين بجانبي
مرام:؛ اممم السالفه مبينه كبيرة أوك
ترانيم:؛ بصراحه اني أحب واحد
مرام انصدمت وفتحت عيونها
ترانيم:؛ راح افهمج كل شي قبل لاتعترضين شوفي هو واحد زين ويريد يتقدملي
مرام:؛ تدرين لو ما كايلة يتقدملي جان جلبت بكفشتج وشبعتج كتل إنتي صغيرة وينج وين الحب لو تدري امج الا تشرب من دمج
ترانيم:؛ بعد صارت صدفه وتعرفت عليه ب،،،،،
سولفتلها شلون تعرفت عليه
مرام:؛ اها مادام خوالج يعرفوه واصدقاؤه شوي تطمنت بس هذا ما يعني أن السويتيه صح طبعا لا
ترانيم:؛ مامسوية شي كلش قليل اطلع وياه
مرام:: واتصالات ومحادثات وشلون تجازفين وتحبين بلة طلع موخوش ولد وحاب يتسلى وضحك عليج وعافج إنتي بهاي الحالة شتسوين شي اكيد تتكأبين وتتعقدين من الحب والزواج وتخرب حياتج
ترانيم:؛ اني مشيت ورى كلبي لأن كنت مرتاحتله وحتى صليت صلاة الاستخارة اني حاسة هو من نصيبي
مرام:؛ ان شاء الله اذا خوش ولد طبعا
ترانيم:؛ رجال معدل حبيبي ومد كلمته وعدني وماخلف وعده
مرام:؛تتوقعين بابا يوافق
ترانيم:؛ مااعرف وبصراحه اريدج تقنعين ماما حتى هي تقنع بابا
مرام:؛ اثكلي موهيج عيب الخفه خلي يجي وبذاك الوقت عود نوافق ونقنع ابوج وليش نقنعه شبيه حبيبج
ترانيم:؛ تعرفين بابا متعصب
مرام:؛ اوف يعني راح يشلع كلبنا
ترانيم:؛ اموت اذا مااتزوج زيدان
مرام: ان شاء الله يوافق بس إنتي لاتستعجلين اصبري خليه ينتظر ويتعب شوي علمودج مو بسهولة ياخذج قابل انتي اي وحده
ترانيم:؛ أحبه
مرام:؛ انجبي إذا تسمع امج تذبحج
ترانيم:؛ انتي موجوده مااخاف
مرام:؛ عابتلج طلعتي وكحه
ترانيم:؛ إنه العشق ياسيدتي
مرام:؛ هههه ولي لج
ترانيم:؛ ممكن اسالج سؤال
مرام:؛ جواب
ترانيم:؛ ورى طلاقج ماحبيتي
مرام:؛ بصراحه اي
ترانيم:؛ صدك زين شلون تعرفتو شلون اعترفلج بحبه
مرام:؛ مايحبني
ترانيم:؛ شنو؟
مرام:؛ حب من طرف واحد بس اني أحبه
ترانيم:؛ اسفه
شفتها ضاجت كلش وعيونها دمعت
ترانيم:؛ ماكو امل يحبج يعني احتمال يحبج بس بعده مامعترف إنتي شمعرفج بس من طرف واحد
مرام:؛ بس من طرفي هو معتبر علاقتنا مجرد صداقه تفاهم اني افهمك وهو يفهمني
ترانيم:؛ اي عادي دايما الصداقه والتفاهم يتحول إلى حب بمرور الوقت
مرام:؛ مابعمره حيحبني
ترانيم:: ليش انطي فرصه لعلاقتكم يعني اذا متفاهمين شكو بيها
مرام:؛ يحب وحده غيري والتفاهم الي بيني وبينه كان ناتج من حبه الها
ترانيم:؛ شلون يعني
مرام:؛ حبه إلها عاميه عن كل شي جان هو حياته بس بنات وعلاقات كومه بس من حباها ماكدر يباوع لأي بنية
ترانيم:؛ عجيب!!
مرام:؛ هذا جزء من حبه الها ميت عليها يعشقها واني من كل عقلي أحبه
ترانيم:؛ اني من يمي أيست هذا مايفيدج
مرام:؛ بس حبيته من كل كلبي ماتتخيلين
ترانيم:؛ ان شاء الله أحسن رجال يجيج تستاهلين الأحسن منه قلبي إنتي
*********
غيداء
مرت ٤٠ يوم على وفاة أخوي زهير رحنا للنجف وأمي كل شوي تتخربط علينا وزوجته مااجت ومقررة تسافر شلون وليش مانعرف وهي حامل مابقى شي لولادتها أخوي الكبير صديقه محقق ولحد الآن يحقق بالقضية وهواي شكوك والأهم من هذا ماكو أي حرامي داخل للبيت ومن حققوا وي مرته كالتلهم الحرامي مادخل من الباب الأمامي دخل من الباب الخلفي وكانت الكاميرا معطلة المحقق ماصدك بيها كل شكوكه كانت موجهه ضدها هي وأمها بس المشكلة ماكو أدلة والمحقق طلب من عدنا نحجيها بالتفصيل شلون طلع من البيت
زهير- شكو يمه شصاير ليش تغلطين على زوجتي شسوتلج
= لا ماسوت شي مرتك المحترمه تغلط وتتجاوز عليا اكول لابوك ساكت اكولك أنت كل مرة توكف وياها وماتصدكني
_ اكولج ترا اذيتينا ماتملين من المشاكل إنتي
= هذا اسلوب تقبل تحجي بيه مرتك وياي
زهير": يمه كافي الله يخليج تعبان ومالي خلك إنتي تبالغين
- مشكور ماتقصر عود إبني اجي اشكيله يكولي تبالغين اكولك مرتك تغلط عليا حتى سب تسبني وأنت عادي تغلس ولا على بالك
زهير- صدك سابة امي
- تسالها حتى تتأكد يعني مامصدك أمك
زهير": لا يمه بس غير نفهم منها
_ اوهوو ترا موتوني أنتم وشنو يعني وإذا سبيت حالة عصبية وفلت لساني وشصار بلة
- تأكدت مو بنفسها اعترفت
_ هههه وشنو تخوفيني مثلا
زهير "؛ يمه اني تعبت من المشاكل كلش كل يوم على هاي القوانة راح أخذها واروح اكعد ببيت وحدي
- وين تروح يمه
زهير ": ااجر بيت ونعيش وحدنا أحسن حتى ترتاحين
_ أي والله حبيبي اليوم نروح يم ماما ومن باجر هي تدبرلنا أحسن بيت ليضل بالك يعمري أنت
- ها يمه زهير يصير شورك بيد النسوان
زهير": يمه معليج والخاطر الله لاتدخلين
غيداء،،،،،،،
كنت اباوع وأمي تبكي وترجف من العصبية زوجه زهير تعلج وحاطه ايدها على بطنها تتمضحك
غيداء:؛ يمه علة كيفج
- الله لا يوفقك يا زهير ويحرك كلبكم مثل ماحركتوا كلبي
زهير دفعها أخذ مرته وطلع امي غضبت وغضب الأم موهين من طلعوا امي تخربطت اخابر على زهير يسد الخط بوجهي وبقينا يوم كامل هيج امي انقهرت لأن دعت عليه كانت حاسة راح يصير بيه شي وبس تبجي وتريد تسمع صوته وفوك كل شي تريد تعتذر منه ومن مرته بس علمود يرجعون للبيت حتى كامت تدعي على نفسها لأن دعت عليه وراها اجانه خبر موته وهو بيت أم مرته مأجرين بيت أيمن أخوي الكبير كال حققنا وي أم مرته وكالت لكيتلهم بيت وعجبهم اجروه مرت الأيام وزوجه زهير صارت عدها ولادة بالشهر الثامن والطفل مات وحسب ماسمعنا منهارة لوفاة طفلها وبيوم كاعدين اني وامي وأيمن طالع للشغل خليل كالعادة موبالبيت بس تعالج تماما بدأ يسهر وي زيد ومايرجع إلا وجه الصبح اندك الباب بوقت ظهرية
غيداء:؛ اني أفتح الباب
من فتحت الباب شفت مرة لابسة عباية ووجها أسود تخوف عبالي مجداية
غيداء ": الله ينطيج خالة
هي كامت تبجي
- اني مرت زهير
غيداء:: شنو؟؟؟ شجابج مو على أساس حتسافرين ونخلص منج
- غيداء فدوة لعيونج خليني احجي البكلبي
غيداء ": يمعودة روحي ماكفاج السويتيه بينا أمي إذا شافتج مااضمن ردة فعلها
- لك ندمانه وين امج اريد ابوس رجلها بس خليها تسامحني اني الله كسر كلبي بابني مثل ماكسرت كلبها وحرمته منه
غيداء:؛ هسة عرفتي غلطج مات زهير ارتاحي بس الله عالظالم عيشج مرارة العيشتيه لأمي موحرام عليج حسبي الله ونعم الوكيل بيج وبامج ياماتخافن من الله
- لا تتحسبين غيداء سامحوني أنتم ماتدرون اني شمسوية
غيداء ": شتسوين أكثر من السويتيه بعد
- اني المسؤؤلة عن قتل زهير اي اني وأمي والحرامي كذبة كذبت عليكم وعالشرطه كدرت أخفي كل الأدلة وبالتالي كلها صدكت وانسد الموضوع عبالي
لهنا وينتهي كل شي بس لا لا غيداء الله عاقبني
بقيت مصدومه امي طلعت سمعتها تحجي وكامت تدك وتلطم على رأسها
*********
زوجه زهير
من الصغر واني أشوف أمي عدها علاقات غير شرعية جدي جبرها تتزوج بابا وخلفت منه أختي الكبيرة وزوجتها من هي صغيرة جان عمرها ١٢ سنه حتى ماتشك بعلاقتها لأن أختي ذكية وتفتهم بقيت اني أسمع امي تخابر بالحمام وتحجي كلام موجب ١٨ واستحي اسألها بابا رجال فقير وعلى نياته حالتنا المادية ضعيفه بابا من يروح للشغل يجي زلمه غريب مااعرفه يدخل وي امي لغرفه النوم امي تكولي روحي لعبي واني امشي على حجيها واروح العب من يروح الرجال ينطيها فلوس سألتها
- يمه منو هذا
= خالج مو تكولين لابوج اطيح حظج واحركج
- لا مااكول
وكل يوم رجال جديد ومرات يجون ٢ زلم ويأخذون رقم موبايلها علمود يتفقون وياها تعودت على هالشي وكبرت وعرفت امي شنو أبوي مايدري يغافلين الكم الله والمصيبة من بابا صار وياه حادث وتكَرم امي ماتحملته وهو ماعنده أهل يعيلونه ماطول ويانا لأن عطل شغلها وحطتله سم بالاكل وموتته كل شي كنت أعرف أختي الكبيرة عرفت بكل مصايب امي وتبرت منها وكالتها لا إنتي امي ولا اني بنتج ولهذا يومنا مانعرف شي عنها ميته عايشة ماندري بقيت اني وأمي تطور أحوالنا بس هي تشتغل وكامت تطلع باليل تكشخ وتروح وصارت عدنا فلوس دخلت مدرسة ونجحت ومن وصلت الجامعه تعرفت على زهير أطيب إنسان شفته بحياتي كان يساعدني ويحبني بس اني ماحبيته كنت احب واحد من ذولي الي تعرفهم امي أكبر مني بهواي عمره ٣٨سنة بس حبيته كان غني كلش ومرات أروح وياه لبيته ومن تروح امي باليل اكوله يجيني انعميت بحبه هو متزوج بس اني احبه وامي ماتعرف بعلاقتنا هو كالي لا تكوليلها يصرف عليا وحتى ذهب يشتريلي اني سلمته نفسي ومرت الأيام واكتشفت نفسي حامل كلتله هو كالي عادي اجهضي ومشيت على كلامه واجهضت كل شي ولا اعصي أمره لأن كنت أحبه حد الأمان والجنون امي عرفت بعلاقتنا وصارت عصبية جن جنونها حبستني بالغرفة كالتلي الا هذا تحبينه عفتي الكل الا هذا أخذتني للمستشفى سوتلي عملية وانتقلنا لغير مكان والموبايلات والسيمكارت مالتي ومالتها كسرتهن مااعرف ليش هيج تسوي ليش فرقتني منه وبيوم التقيت بزهير فجأة كنت بالمول اني وأمي سألني ليش تركت الجامعه وانتقلت لغيرها امي من شافته فرحت وانطته رقمها واستمرت علاقتي بيه بس ماطايقته امي نيته اتزوجه وبالفعل ورى فترة خطبني زهير بس جبر وغصب عني أهل زهير وبالذات أمه جانت مامرتاحتلي نهائيا واني هم كرهتها وخبثت عليها تزوجنا بس بعدني ماناسية عشيقي بعدني أحبه ماناسيته ماكنت فاهمه امي ليش هيج سوت واكتشفت بعدين الحقيقة المرة وهي امي هم تكون عشيقته وعلاقتهم صارلها سنين وضاحك علينا ثنيناتنا....يتبع
