*********
غيداء
...صدمة بعد صدمة نبلغ سنّ الحكمة. نكتشف أنّ قليلين هم الذين يستحقون حزننا عليهم، وقليلة هي الأشياء التي يشكّل فقدانها خسارة فادحة لنا، وأنّنا غالباً لا نخسر في قصص الحبّ سوى أوهامنا.
-احلام مستغانمي...
...كُلّما مرّت السنوات انخفض عدد الذين نستطيع التفاهم معهُم، ربما سيأتي يومٌ لن نجد فيه شخصاً واحداً نتحدث إليه !
- إميل سيوران...
...إن لم تدع الماضي يموت، فلن يدعك تعيش...
-يمه فدوة اروحلج كومي يمممممه
امي من سمعت كلام مرت زهير تخربطت واني وحدي بالبيت
- الله لا يوفقجن حسبي الله ونعم الوكيل الله ينتقم منجن شنو من بشر انتن بلا شرف
خابرت أيمن وابوي أخذوا امي للمستشفى وزوجه زهير سلمت نفسها للشرطه بعد ماكالت كل الحقيقة وهي
من كانت على ذمه أخوي عشيقها وبنفس الوقت عشيق امها ماقبل يتركها وهددها بالفيديوهات والصور المقززة والمقرفة الي تجمعها بيه ومو بس هيج مصور فيديوهات لامها من جانت وياه هددهن بنشر الفيديوهات وهدد زوجه زهير انو راح يدز كل شي لاخوي بس إذا بقت وياه على علاقه ماراح يسوي أمها جانت استوها ناوية تتوب من زوجت بنتها بس الظاهر رب العالمين مااتقبل توبتها لأن النية غير صادقه رجعت امها للطريق الأعوج وكامت تشتغل مرات ينطوها فلوس ومرات لا وزوجه أخوي كلما عشيقها يريدها يناير امها وامها تخابرها حتى تجي ووبيت أمها يصير الي يصير استمرت علاقة زوجه أخوي غير الشرعية إلى أن عشيقها طلب منها تعيش ببيت وحدها أو ببيت أمها علمود ياخذ راحته أكثر وزوجه أخوي سوت المشكلة بس علمود تطلع من بيتنا وراحت لبيت أمها زهير بالبيت ماارتاح وخجل انو يكون عالة وااجر بيت بأول يوم اجه عشيقها زهير جان بالسوبرماركت راح واجه الكاها بالفراش وياه هجم عليهم بالسجين بس ماكدرلهم لأن زوجته ضربته من ورى على راسه بمزهرية جبيرة بس فقد الوعي وما مات هي خافت طلبت من عشيقها ينهزمون هو ماقبل وموته خلاص وللعلم هي مو حامل من أخوي حامل من عشيقها بالبداية جانت مامتاكدة بس امها اخذتها للدكتور وعرفت الأب من ورى هاي الحادثة اخترعوا كذبة الحرامي ومحد كدر يكشفهم إلى أن مرت الأيام وجابت أبنها تعلقت بيه ومات وانهارت صحت على نفسها وصحى ضميرها بعد فوات الأوان حاولت تقنع أمها انو الطريق هذا غلط بس أمها جانت مجمعه فلوس من شغلها الحرام وسافرت هي وعشيقها وتالي ماتالي بالخارج ضاحك عليها وماخذ فلوسها هي من فلست حركت روحها هو أخذ عائلته واستقر بالخارج لأن مطلوب قانونيا ً وعشائرياً لذلك انهزم للخارج بس ياويله من الله زوجه زهير انسجنت امي صحتها بيها وماتدهور اني بسبب حالة امي تركت الجامعه بابا صدم الكل بزوجته الثانية وهو جايبها لبيتنا حتى يعرفها عليناا اني الوحيدة الي ماانصدمت لأن جنت شاكة وعارفة هالشي راح يصير أول وتالي امي زعلت وطلبت الطلاك وقررت تروح لأهلها بالبصرة وراحت اني بقيت يم أبوي أخوي ايمن زعل من بابا وطلع من البيت مرت الشهور أخوي اشترى بيت وجاب امي من البصرة اني عفت بيت أبوي ورحت أعيش يم امي ببيت أيمن أبوي طلق امي بطلب منها بس تندم لأن هي أول وتالي تبقى ام أولاده اعتذر منها البيت العايش بيه سجله باسمها وطلب من عدنا نرجعله امي ترددت بس لأن كل ذكريات زهير بيه رجعت خليل من امي راحت للبصرة بقى ببيت أبوي مامهتم لشي من رجعنا اجتني درر وسمعت زيدان خطب ضجت يمكن لأن جنت معجبة بيه الله يوفقه كلمن ونصيبه بسبب المشاكل والظروف مابقى عندي واهس للدراسة بس درر قنعتني أرجع اداوم من جديد لازم أشوف مستقبلي لأن محد يفيدني أيمن شجعني وجان واكف وياي خطوة بخطوة امي بدأت تستعيد عافيتها كامت تصلي وتصوم وتقرأ قرآن وتهديه لزهير وكل خميس تسوي عزيمه هالاشياء جانت كفيلة انها تقوي امي وترجع مثل قوتها وصلابتها كل فترة نروح للنجف ماكدرنا ننسى زهير وبالذات شلون انغدر وانقتل قصته قصه أبوي كل فترة يجينا يطمئن علينا ويروح
أيمن "" غيداء اريدج بشغلة
غيداء ": خير ان شاء الله
أيمن:؛ كل الخير امي كالتلج عن
غيداء "؛ عليمن تكولي
أيمن:؛ طبعا نست تعالي عندي سالفه اريد اخذ رايج بيها
غيداء ": شنو هي ؟؟
*********
درر
...بَعد فترة تَبدأ بـتقُبل هَـزائمك برأس مَرفوع وليس بحُزن طفل ، وتزرع حديقتك بدل إنتظار أحدهُم ليُهديك وردة .. وتَتعلم وتَتعلم .. مَع كل وداع تَتعلم .
خورخي لويس بورخيس...
...سيء جداً أن تحمل هموم ليست
مناسبة لسنك في وقت من المفترض
أن تعيش أجمل أيام حياتك.
-نجيب محفوظ...
..." وطن المرء ليس مَكان وِلادَته
ولكنّه المكان الذي تنتهي فيه كلّ مُحاولاتِه للهروب"
- نجيب محفوظ...
مرت الأيام حددوا موعد الزواج لأن مستعجلين وزيدان يريد يسافر هو وترانيم للبنان عنده شغل خلصت العطلة داومت الدوام ممل وكئيب وعنود ماملت مني بس تخبث عليا أستاذ ضياء داوم بس المديرة كالت بعد مايقدم اي دروس لشعبتنا مااعرف شنو السبب رفعت كلش مشغول بالكوات الحك احجي وياه قرب موعد العرس أخذت اجازة يوم واحد لأن ماراح نسوي حنه بس عرس وبقاعه كلش مقهورة لأن زيدان راح يبتعد عنا أكثر شخص مستعجل زيدان مرت الأيام وصار العرس بسرعه أول يوم العروس زفيناها لبيتنا بقوا أسبوع سوينا حفلة السبعه وراحو لبيتهم بالسليمانية ترانيم وردة كلش حبابة مرت الأيام نفس الروتين البيت محد بيه عالاقل جان زيدان يلفي عالبيت هسة محد اف بالمدرسة عنود ماعايفتني بحالي حتى استحي اشتكي المديرة حتلو عنود الغلطانه توكف وياها مااعرف شنو المغزى من هالشي أستاذ ضياء يعرف الحق واخير مشكلة تعارك هو وامه علمودي وطلعت هواي سوالف واشاعات بسبب هاي التافهه عنود أمنيتي أعرف وين تريد توصل رحت للادارة
درر- ست تسمحيلي أدخل
- مشغولة
المديرة مومثل قبل كارهتني كلش كله من ورى هاي الخبيثة بسيطه اني اعلمها
درر- شوكت اجيج بيا وقت تحبين لأن اريد احجي وياج بموضوع مهم
- ممكن تطلعين برا لأن جاي تأثرين على تركيزي
درر- اسفه
من دخلت عنود للمدرسة الكل انعدى من عدوانيتها وسمها دخلت للشعبة كالعادة عنود وشلتها التعبانه لو ياخذن غيبتي لو يسولفن سوالف تعبانه
عنود- اكو ناس الحب مخليهم يصيرون أعصاب
درر- واكو ناس السحر مخليهم يصيرون بلا عقل وشرف
عنود- شنو قصدج؟
درر-" عفواً عزيزتي حاجية وياج اني
عنود- لسانج إذا مالميتيه اكصه الج فهمتي لولا
درر'- حسني الفاظج شوي بمدرسة إحنا موبشارع بس ولو اني مااعتب عليج هو المثلج شيفيد وياه العتب
اباوع لوجهها صار احمر من العصبية ماتت من القهر خلص الدوام قبل لااطلع أستاذ ضياء شافني
ضياء-" شلونج درر
درر" هلو أستاذ
بقى يباوعلي ملامحه صايرة حزينه اووه يمكن لأن جده توفى كلش متغير أول مااجه للمدرسة أكثر أستاذ يتشاقى ويمزح ويسوي جو بالدرس حتى مانمل وحتى وي الاساتذة دايما أشوفه يضحك تصرفاته مرحه جان كله طاقه ايجابيةونشاط ياترى ليش تغير حتى شكله تعبان
درر": أستاذ أستاذ
ضياء-: نعم
درر:؛ من رخصتك حروح رايد مني شي
ضياء:؛ لا بس انتبهي لنفسج
درر: ان شاء الله مع السلامه
رجعت للبيت بس زيد موجود فتحلي الباب حجيت وياه ماحاجاني عيونه حمر وشكله موطبيعي بس لا شارب والدكتور مانعه فتحلي الباب وراح لغرفته من مشيته يترنح وبيده قوطية ببسي بس شكلها شوي مختلف خفت اول شي فكرت بيه احضرلي اكل وادخل لغرفتي بسرعه اجه زيد للغرفه احجي وياه ميرد ويباوعلي نظرات غريبة بس بنطرون لابس جان لابس كيمونه بس نزعها من دخل لغرفته
زيد: شايفة هذا الوشم
واشم بصدره اسمي
درر": صدك جذب زيد تقلد الاجانب انت ليش هيج مسوي بنفسك ليش موشم
زيد؛؛ لأن احبج وإنتي كلبج حجر ماتحسين
درر:؛ يارب أخذني وخلصني من العيشة هاي والله مليت وتعبت انت ليش ماتفهم كم مرة اكولك مااحبك انت أخوي
زيد":: لا تكولين اخووي
كام يصيح كسر الكلاصات كلها والمواعين هجم عالمطبخ اتجمدت بمكاني هو عاف كل شي رجعلي
زيد:؛ تصيرين إلي وغصبا ماعليج اني اعرف شلون أتصرف وياج واخليج تحبيني وتخضعيلي وإنتي الممنونه
درر"؛ شتحجي أنت
كام يتقرب عليا يتقدم مني خطوة أرجع خطوتين ليورى حواسي تجمدت أطراف أصابعي تجمدت طبكني عالحايط قيدني كمت اصيح سد حلكي بدأ يتهجم عليا قاومته ماكدرت إلى إن اجه...شخص مامتوقعته يجي
*********
...عهدتك مرة تنوينَ وصلي
وأنتِ اليوم تهوين اجتنابي
فإن كان الصواب لديكِ هجري
فعماك الإلهُ عن الصـــوابِ 😔
أبو نواس...
...وَمَكَثْتُ حِينَ لِقَائِها مُتَسَائلًا
هَلْ يَقْدِرُ الشُّعَرَاءُ وَصْفَ كَمَالِهَا؟
سَبْحَانَ مَنْ سَوَّى الجمَالَ بِوَجْهِهَا
وَتَقَاسَمَ البَاقُونَ ثُلْث جَمَالهَـــا...
ضياء
...“أيها الماضى لا تغيرنا كلما ابتعدنا عنك. أيها الحاضر تحملنا قليلا، فلسنا سوى عابري سبيل ثقلاء الظل. أيها المستقبل: لا تسألنا: مَنْ أنتم؟ وماذا تريدون مني؟ فنحن أيضاً لا نعرف.”
- محمود درويش...
..."كيف يمكن للأشخاص أن يتغيروا إلى الدرجة التي يفقدون فيها صلتهم بما كانوا عليه، وهل يستطيع الإنسان أن يتكيف مع الأشياء والأماكن الجديدة دون أن يفقد جزءًا من ذاته؟"
مدن الملح - عبد الرحمن منيف...
..."أتدرين ما الذي يصيبني بالإحباط؟ أنك دائمًا تقطعين وعودكِ البراقة بأن تعيشي الحياة التي تستحقينها وتحلمين بها، ثم تضحّين بنفسك من أجل كل متشرد وضال يقابلك في طريقك!"
بعدك - جوجو مويس...
جدي توفى خابرت خوالي وامي اجوي بقينا ٧ أيام ورجعنا ومن صارت الأربعين اني مارحت نفسيتي تعبانه تغيرت كمت مااكدر امتنع من الجكاير كلما أفكر بيها شهيتي ضعيفه نحلان وعيوني من السهر ذبلانه مابيها مجال راح افاتح امي بالموضوع
ضياء 'يوم أريدج بموضوع
- اني هم عندي وياك موضوع مهم كلش
وتحجي وياي بعصبية وزعل لأن دايما اوكف بجانب درر وصار نقاش حاد بيني وبينها بالمدرسة كدام الطالبات والمدرسين
ضياء 'اها عن موضوع درر
- ضياء انت أكثر مشاكلك من بداية شبابك ولحد الآن البنات انت من صغرك اناني تسوي مشاكل واني احل متهور ومتسرع ماتعرف تتصرف اني السبب بكل شي دللتك وكل ما تخطأ اعتبرك صغير وعادي أنت ماعندك أي حس مسؤؤلية لا لسمعتك ولا لسمعتي
ضياء- يوم اني كبرت مو مراهق والاحك بالبنات مثل قبل حتى تعاتبيني بهالطريقه
- اها يعني أنت مامسوي شي من كم مدرسة انطردت وكل ماتنطرد تطلعلي أعذار واني أعرف اعذارك كلها كذب بكذب لك ماما عيب تتحارش بالطالبات وتسوي علاقات هذا عملك ليش تهينه
ضياء- تعرفيني كلش زين اني بشغلي مبتعد عن هاي الأمور ومامفكر بيها بس بسبب الإشاعات التظهر عليا انطرد وهذا موذنبي
- ضياء تعبت أنت ماتعرف شنو الحجي اليوصلني
ضياء- شنو ليش ماتحجيلي
- شحجيلك أنت متعرف شنو الحجي الي جاي يطلع على مدرستنا وعالاساتذة من وراك بسبب اهتمامك الزايد والي ماله داعي بهاي درر كلتلك بنت صديقتي وبنية يتيمه بس مومعناها تبقى مميزها عن بقيه الطالبات وتعاملها معاملة الأميرات
ضياء- ليش الكل يحجي عليها ونابذها إنتي بعظمه لسانج كلتي يتيمه
- يعني درر الوحيدة بمدرستنا يتيمه
ضياء- اني أصلا جنت جاي احجي وياج بخصوصها
- شتحجي
ضياء- يوم بصراحه اني احبها وأريد اتزوجها
- لا تتشاقى وياي هيج شقى لأن صدك ضايجه منك
ضياء- وين الشقى بالموضوع اكو واحد يتشاقى بموضوع زواجه
- على أساس انت عندك الزواج موضوع جدي نسيت بزواجك الفاشل شسويت طلكت بنية مثل الورد بسبب علاقاتك الفاشلة الي مايجي من وراها بس المشاكل ودوخه الراس
ضياء- الفات مات اني ناوي ابدي صفحه جديدة ورجاءأ لتفتحين موضوع زواجي السابق ولا علاقاتي لأن اعتزلت هالامور من أول ماشفت درر
- هههه انت من كل عقلك تقنعني ماما ضياء شبيك درر طالبة وجايتنا سمعه موزينه من وراها وكل الناس تحجي تكول بيناتكم علاقه واني بكل جهدي جاي انفي هالكلام وأهالي الطالبات الباقيات بدأو يخافون هي مدرسة لو مكان مواعيد غرامية الخاطر الله افهمني
ضياء- يوم إنتي فهميني أول مرة بحياتي اجي اكولج أحب بنية وأريد اتزوجها الله يخليج حاولي تفهميني إني مجاي أفهم الجاي يصير وياي
- أنت مو مراهق حتى تكول هالكلام وتنفعل
ضياء- احبها يمه وآلله العظيم من أول نظرة من أول ماشفتها ماتقربت لأي بنية اسألي أصدقائي ساليهم راح يكولولج شكد متغير يوم شوفي حالي اني موضياء القديم ماجاي اضحك ولا اتونس مثل قبل كل همي أشوفها ليل نهار أفكر بيها ماتطلع من بالي
- هذا الكلام مجرد أوهام مثل أي علاقه مرت عليك بس الفرق ان درر ماتواعدت وياها لذلك بقت ببالك
ضياء- مستحيل تفهميني
عفت البيت وطلعت
...يتبع
