مشا؏ـر بنت ؏ـراقيه 🥺💔

تعريف...💞

هلااااااوز..شلونكم حبايب رجعت بكتاب الاشعار مالتي يمكن ذكرته الكم بالقصة مال قصة عشگي 🌚💘

المهم هسة راح اعرفكم عليه وتكونون متابعين كيوتات لوزاويين
اني اسمي امنة حالياً طالبة سادس ادبي عمري 18 من صغري احب الكتابة واطلع ع الشعر والاثار ومهتمة بالفن بشكل عام ان كان تمثيل او غناء او كتابة ورسم إلى آخره...
بيوم من الايام جنت كاعدة وكلش ضايجة ف كلت خليني اجيب ورقة وقلم واجرب اكتب يجوز عندي موهبة ف بديت اكتب واكتب الى ان خلصت 3 اوراق يمكن بس تفاجأت بردود الفعل من اهلي وصديقاتي ومُدرستي عجبتهم كلماتي وانطوني حافز اكمل (بالمناسبة عندي خيال كلش بعيد المدى و واسع اكدر اتخيل كلشي يجي ببالي وهل شي ساعدني ارتب حروفي وكلماتي واختارهن بعناية تامة ) كمت كل كم يوم اكتب شي جديد بدايتي كانت عن الوطن وعن الحرية والتغيير وبعدين قررت اجرب انتقل ع العاطفة وجربت اكتب قصص هم ومنهن قصة عشگي وبعد قصة كسروني بس هاي بعدني مناشرة منها ولا بارت بس اكمل سادس ابدي بيها لان كلش حقيقية وحلوة ..بس اكمل سادس ارجعلكم بهل قصة ان شاء الله واكمل قصة عشگي هم .
قبل كم يوم جنت كاعدة اقره فسديت كتبي وصفنت شوي (حركتي المفضلة) 😹❤️ جان اكول اني مو عندي واتباد وعندي متابعين هم ف ليش ما انشر كتاباتي علية واسوي كتاب خاص بية وهسة بديت اسويلكم هل كتاب الحلو الكيوت مثلكم وان شاء الله تعجبكم كلماتي وخواطري وقصصي

أحبكم 🥺💞