💕أنت قلبي٢💕

الحلقة ٩٦

#انت_قلبي٢
#بوسي_مصطفى
_____________
الحلقة ٩٦

في شقة أكرم (والد ندى).
علي : كان موقفني قدامه زي التلميذ و حضرته عامل فيها دور الأب و قال ايه بينصحني!
ندى : طب كويس احسن ما يقول لبابا و أنت عارف وقتها بقى ايه اللي هيحصل فلم نفسك احسنلك.
علي : ليه أنا عملت ايه لكل ده
واحد و حب يخلع من اللي كان عايز يتقدم لها أنا مالي؟
ندى : بطل كدب بقى و بعدين بتقول كان هيتقدملها تقدر تقولي ليه بقى صرف نظر عن الموضوع ده؟!
علي متكدبش و تقول بحبها علشان اللي بيحب مبيأذيش
اللي بيحبه بالشكل دا و لو كنت واخد الموضوع تسليه فبنات الناس مش لـ التسليه علشان مسير اللي بتعمله يتردلك و لو حقيقي عايز تتقدملها و دماغك جابتك للفكرة الزباله دي فكر انك أصلا لا تقدر تفتح بيت و لا حتى تلبس دبل يبقى متعلقش أي بنت  و انسى خالص حوار الارتباط ده
وبعدين خليك في مذاكرتك علشان تتخرج بقى يا اخي تعبتنا.
علي : خلاص خلصتي الدرس بتاعك يا ابله؟
ندى : ايواااا هو دا اللي أنت فالح فيه التريقه و بس!
علي : أنا داخل أنام... تصبحو على خير.
ميرفت : مش هتتعشا يا ابني؟
علي : لا مليش نفس.
ميرفت : تعالي يا ندى كُلي معايا يا بنتي.
ندى : شبعانه يا ماما.
ميرفت : هو اخوكي ماله؟
ندى : انصحيه يا ماما يركز في دراسته و يسيبه من لعب العيال ده.
ميرفت : ليه بتقولي كده يا ندى؟
ندى : تصرفاته كلها غلط يا ماما و خليه يبطل شرب
السجاير دي
و اتأكدي بقى إن ميكونش فيها حاجه كمان تبقى مصيبه أكبر.
ميرفت : كلمته في حوار السجاير دي كتير وانتِ عارفه
و لو شديت معاه أكتر من كده هيسيب البيت
فخليه براحته يا بنتي بكره يزهق و دي بتبقى مرحلة كده
و تعدي لما يتجوز و يستقر و يبقى عنده بيت و أولاد هيخاف عليهم و يحافظ على صحته حازم كان أكتر من كده و لا نسيتي؟
ندى : انا عملت اللي عليه و نصحته و هو حر بقى.. سلام.
ميرفت : مع السلامة.
___________
في فيلا آسر..
سهر : لا مش موجود بس زمانه جاي اقعد استريح يا سيف.
سيف : معلش يا طنط اصل هعدي على بابا اطمن عليه.
سهر : كده.. يبقى خلاص مش هينفع اقولك اقعد بقى..
سيف : هاجي بكره اطمن على مليكة.
سهر : تشرف و تنور يا ابني.
سيف لـمليكة و قرب منها : خلي بالك من نفسك يا حبيبتي
و لو في حاجه ابقى كلميني..
مليكة : حاضر.
سيف : سلام عليكم.
يرددوا : و عليكم السلام.
و خرج سيف من الفيلا..
مليكة بتقعد..
سهر : نجهز العشا بقى علشان ناكل مع بعض.
مليكة : لما بابي يجي يا مامي مليش نفس دلوقت..
سهر :"تاكلي دلوقت و لما بابي يجي كمان ابقى كلي.
مليكة : هههههههههههه
ليه هتعشا مرتين ما حضرتك عارفه إني في العادي
يعني مباكلش بالليل.
سهر : بس أنتِ يا حبيبتي الفترة دي محتاجه تتغذي شوية.
مليكة : مامي ممكن اسأل حضرتك سؤال محرج شوية؟
سهر : اسألي يا مليكة أنا مامتك مش حد غريب.
مليكة بخجل : هو بيحصل حمل بعد الإجهاض عادي و لا بيكون في مشاكل يعني؟
سهر : لا يا حبيبتي بيحصل حمل طبعاً إلا يعني بعض الحالات كده بس متفكريش دلوقت لما ترتاحي كده نفسياً بعدين ابقي فكري.
مليكة : نفسي افرح سيف اوي حساه مضايق من وقتها.
سهر : لا يا حبيبتي هو بس خايف عليكي علشان تعبتي
وقتها و كمان لازم تخلي بالك من نفسك الفترة دي
و متهمليش في صحتك و تاكلي كويس هجيبلك
حاجه خفيفة كده عقبال ما بابي يجي.
مليكة : كده هشبع و مش هعرف أكل.
سهر : لا متقلقيش مش هتشبعي و لا حاجه و بعدين طالما جيتي  تقعدي هنا يبقى تسمعي كلامي.
مليكة : أنا مش جايه أكل.
سهر : قولنا ايه؟.. تسمعي الكلام.
مليكة : حاضر.
_______________