الدكتورة أسيرة الزعيم 🔫👩‍⚕️

الحلقة 5

خرجت من القصر الملكي كيما سماتو هي و ركبت طونوبيلتها و خرجت بأقصى سرعة و هي مزالها تحت تأثير تاعو كانت تمشي بلا وجهة حتى حبست قدام البحر خرجت و راحت نحات صباطها و قعدت على الرميلة و تمشي يدها تلعب بيها و هي تشوف في البحر بكل برود و هي تتفكر فيه و تندم على اللحظة لي وقفت في وجهو و تحدات جبروتو و ها هو نبش فالحقيقة و عرف عليها كلش حتى واش ماكاش في السجل تاعها................تنهدت تنهيدة طويلة تهد الجبال و ناضت لبست صباطها و ركبت الطونوبيل تاعها حتى لقات روحها عند ميار في الورشة دخلت طبطبت فتحتلها الباب : و يااااااه شكون طوالو رجليك وليتي جي حتا لعندي ياااه
شافت فيها جوري و دارت رايحة حتى جبدتها ميار من يدها: شوووشووو كي دير النيف😂
جوري؛  Cv!
ميار: الحمد لله وانت.
دخلت رمات روحها فوق فوتاي و قالت : سافاااا نقولو الحمد لله
قعدت ميار قدامها و حطت يدها على كتفها
ميار: جوري وشبيك ماكيش مليحة متقوليليش وللو لانو نعرفك
شافت فيها جوري و حطت رأسها في حجرها و غلقت عينيها و ميار تلعبلها بشعرها: تشفاي على هداك رجل الأعمال لي درتلو عملية و فقد الذاكرة و لامني على كلش .......كي كان في الصبيطار نرفزني و لعبلي على المورال ملقيت واش ندير إلا أني نتحداه و نوقف في وجهو و قتلو"مازال متعرفنيش مليح موسيو ماكس ***" ......حوس عليا دار روشارش و عرف واش تكون
ميار: اييهييه وين راه المشكل هنا خليه يعرف معامن يهدر
جوري ابتسمت باستهزاء: قالي خلينا نهدرو باللغة لي تفهميها صبرينة.  و فتحت عينيها.
ميار حطت يدها على فمها و قالت: مي ماشي السجل تاعك مافيهش الهوية تاعك الجزائرية!! كيفاشش
جوري:  علابالك مينداك نحسك حابسة ايه ماكاش الهوية تاعي مي هذاا ماااكس *** رجل أعمال تاع****
_____________________.
بعدما خرجت من عندو طلع للبيرو  تاعو و الزعاف باين من وجهو عينيه حمورة يشعلو نار جاب قاع البيرو في الارض و حط يديه فوق البيرو و يلهث و يتوعد: إلا ما ندمك.....راح نخليك تركعي عند رجلي باش نرحمك وقتها نشوفو شكون انت يا دكتوراه صبرينة و تبسم باستهزاء جبد سيجارتو و قاعد ينفخ فيها بكل برود..
بعد اسبوع:
جازت سمانة على الأبطال تاعنا كل واحد واش دار جوري ولات للدار و قالتلهم انها قدرت تلحق بين الخدمة و العلاج و انو ماكاش بزاف حالات الطوارئ في السبيطار.
و جا نهار العلاج و يوم تتبدل فيه حياة جوري يا درا للاحسن و لا للاسوء....
ناضت صباح دوشت مشطت شعرها و دارتلو coud de cheval لبست سروال بريك و تريكو ابيض و باسكات وجيلي خفيف كحل حبطت فطرت ركبت طونوبيلتها و قلعت.
ناض صباح راح لبس حوايجو و راح يجري رجع بعد ساعة طلع دوش لبس سروال زرق جين و تريكو باج و باسكات بيضة دار بارفانو عدل شعرو و حبط يستقهوى في الجنينة الخلفية للدار و ينبش في التليفون تاعو.
بعد مدة وصلت و دخلت الدار طبطبت فتحتلها الخدامة:  صباح الخير انستي
جوري بابتسامة هادئة: صباح النور كيف حالك!
الخدامة شافت فيها مشوكية أول مرة واحد يدير اعتبار لخدامة:  بخير شكرا.......سوف انادي لك السيد ماكس
جوري:  لا فقط قولي لي أين أجده!
الخدامة:  انه في الحديقة الخلفية من هذه الجهة ... و اشارتلها بيدها و راحت.
راحت جوري تمشي بخطوات ثقال كان كولوار طوييل و على اليمين صالون قيس دار و في وسطو باب كبيرة طل على الحديقة خرجت ليه لقاتو غايس حمحمت و دار ليها:  ايهيه انسة جوري مبكرة
جوري:  نقدرو نبداو
ماكس: وي
و قعدو و قعدت تخدم خدمتها لقاتو تفكر بزاااف حاجات و نقدرو نقولو بفضلها و بفضل سام نص الذاكرة تاعو ولات فرحت لانو و أخيرا راح تتهمر منو.......
كانت قاعدة مع لي جات تنوض خبطت في الطابلو طاحت عليها القهوة: اوووا يعني وقتك
ماكس يشوف فيها و معلابالوش بيها هدر و هو يشوف فالتليفون:  روحي عند الخدامة توريلك la salle de bain
شافت فيه شوفة لوكان صابت قتلاتو و دارت تمشي تلفتلها الطريق لقات حبطة:  اوه بالاك نخرج في الكوزينة و مشات حتى تشوف باب مع اخر الرواق راحت فتحاتو هي مع لي فتحاتو تحلو عينيها على وسعهم.......................
نهاية الحلقة💣💣💣💨 يا درا واش شافت جوري!!!و ماكس يشوفها و لا لا لا!!!!!!