I'm a Chef in the Modern Era [Myanmar Translation]
Table des matières

    VOUS LISEZ

    I'm a Chef in the Modern Era [Myanmar Translation]

    Fantasy

    Name 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020

    #chef #comedy #food #modern #shounenai #transmigration

    Chapter - 51.1

    4.2K 903 11 
                                        
    
                                              
    Unicode
    
                          
    ဆော်လမွန်ကြက်ဥအနှစ်သုပ် - ၁
    __________
    
                          
    လင်ရှုယီက ဓားနဲ့ခက်ရင်းကို ဘယ်လိုသုံးရမယ်ဆိုတာမသိသလို သူတို့နဲ့အတူစားဖို့အတွက် သင့်တော်တဲ့ကျင့်ဝတ်တွေကိုလည်း မသိပေ။
    
                          
    စားပွဲထိုးလေးက အခန်း106ရဲ့ တံခါးဘဲလ်ကိုနှိပ်ပြီးနောက်  ညစာတွန်းလှည်းကို အခန်းထဲတွန်းလာကာ အဖုံးဝိုင်းတွေနဲ့အုပ်ထားတဲ့ဟင်းပွဲတွေကို မီးပန်းဆိုင်းအကြီးကြီးအောက်မှာရှိတဲ့ စားပွဲပေါ်တင်လိုက်သည်။ စားပွဲပေါ်မှာရှိနေတာတွေက သူရင်းနှီးတဲ့တူတွေမဟုတ်ဘဲ ခက်ရင်းနဲ့ဓားတွေဖြစ်နေတာကို နောက်ဆုံးတော့ လင်ရှုယီ သတိထားမိသွားသည်။
    
                          
    ဓားကလည်း အခွံခွာဓားနဲ့မတူဘဲ ဓားသွားတစ်လျှောက်မှာလည်း အဖုအထစ်တွေရှိနေပြီး ဓား‌တွေက အတော်လေးများသည်။ သူ့ညာဘက်ဘေးမှာ ဓားတွေအပြင် ဟင်းချိုဇွန်းတစ်ချောင်းလည်းရှိနေသေး၏။
    
                          
    ခက်ရင်းတွေရဲ့ထိပ်ပိုင်းက အတော်လေးချွန်ကာ ဒါကလည်း တွေ့နေကျခက်ရင်းမျိုးမဟုတ်ပါချေ။ ခက်ရင်းတွေကလည်း အများကြီးရှိပြီး သူ့ဘယ်ဘက်မှာ နေရာချထားသည်။
    
                          
    ခက်ရင်းတွေနဲ့ဓားတွေကြားမှာတော့ ငွေရောင်အဖုံးဝိုင်းတစ်ခုက သူ့အောက်မှာရှိတဲ့အရာကို ဖုံးအုပ်လို့ထား၏။ ဘယ်ဘက်ထောင့်ထိပ်မှာ ပန်းကန်အသေးတစ်ပန်းကန်ရှိနေပြီး ပန်းကန်အကြီးကြီးပေါ်မှာတော့ ဓားနဲ့ခက်ရင်းနောက်တစ်စုံရှိနေကာ ဟင်းချိုဇွန်းအသေးတစ်ချောင်းလည်းရှိနေ၏။ အဲ့ဒီ့ဟိုဘက်မှာတော့ အရွယ်အစားအမျိုးမျိုးရှိတဲ့ခွက်တစ်ချို့ရှိနေသည်။
    
                          
    လင်ရှုယီမှာ ကြည့်ရုံနဲ့တင် မူးနောက်သွားသော်လည်း သူနဲ့ရင်းနှီးတဲ့တူတွေကိုတော့ ရှာမတွေ့ပေ။
    
                          
    သူ စားလို့တောင်ရသေးရဲ့လား?!
    
                          
    ရှန်ဖူက ခပ်မြန်မြန်ရေချိုးကာ ဆွယ်တာတစ်ထည်ကိုဝတ်ဆင်လျက် အပြင်ထွက်လာသည်။ သူကဆံပင်ကိုသုတ်ရင်း လမ်းလျှောက်လာပြီး သူ့ဖိနပ်ပါးတွေဆီက တဖျတ်ဖျတ်အသံထွက်လာသည်။ လင်ရှုယီတစ်ယောက် စားပွဲဘေးမှာငေးငိုင်ပြီးရပ်နေတာကိုတွေ့တဲ့အခါ သူရယ်သည်။
    I'm a Chef in the Modern Era [Myanmar Translation]Où les histoires vivent. Découvrez maintenant