#نور_الاسد
*الفصل الأول*
_ودلوقت واقفه قدام أكبر اجتماع ف دبي مع أكبر دكاتره ف العالم.. دلوقت بس اقدر اقول ايوا انا بقيت دكتوره وعالمه ف المجال الطبي..
______________________
احب اعرفكم بنفسي .... أنا نور محمود السيد أو نور السيد ع طول اتولدت وعشت ف ريف عادي جدا اسرتي بسيطة بتتكون من بابا (روح قلبي) وماما ست الكل واخيرا اخويا (اخويا محمد.. كلية هندسه شاب وسيم وحاجه قمر كدا..25سنه دايماََ واقف معايا بس ف أوقات بيعاركني كتير وبيستفزني بس دا اخويا عادي)
عندي 22 سنة ومش طويلة ولا قصيرة ... محجبة وختمت القرآن من زمان ودي احسن حاجة عملتها تقريبا.... معايا تمريض عام بعد الاعدادي... تخصصت ف صيانة اجهزه قسم خاص.. وتمريض عام عيانات وحضانات وعمليات..
______________________
وقفت نور سارحة ف الماضي لتتذكر
Flash Back = ...
_انتي مش هتنفعي ف حاجة ابدا ابدا .. تمريض ايه اللي انتي عاوزة تدخليه دا مش شايفة صحابك عاوزين يفرحوا اهلهم ازاي وانتي حتي مش هاين عليكي تفرحيني مرة واحدة في حياتك ابدا ... تعبتيني معاكي يشيخة
نور = ي ماما والله أنا عاوزة افرحك والله بس الثانوي ده متعب جدا ومش مفهوم وانا مش عاوزة اضيع انا شايفه نفسي ف المجال دا
مامت نور = بصي ي بنتي أنا قولتها كلمة لو دخلتي تمريض هزعل منك جامد وكفاية كلام كدة لما ييجي أبوكي من الشغل أنا ليا كلام تاني معاه .....
طبعا أنا ادايقت من اللي حصل ده وكمان أنه ماما مش مشجعاني ع ده ... يمكن يكون مجال غريب او مش معروف بعد الاعدادي بس انا حبيت المجال ده وقررت اني ابدأ فيه من بدري
After 3 hours .......
محمود (بابا نور ) = هااااااه السلام عليكم ورحمة الله وبركاته ي ام نور .. عاملة ايه وفين نور كدة ؟!!
ام نور = وعليكم السلام ي حج ... نور جوه اهي ف الاوضة زعلانة عشان شديت انا وهي من شوية
الاب= ليه ايه حصل ؟
الام = لسة مصرة وعاوزة تدخل تمريض برضو ومش عارفة اغير رأيها ... اتصرف انت ي حج بقا انا تعبت معاها
الاب= بصي ي ام نور .. انتي حاولتي معاها كتير وهي مش حابه تدخل مجال تاني غير ده .. واظن أنه احنا مش هنيجي ع اخر الزمن ونغصبها ع حاجة ممكن تفضل كارهانا عليها العمر كله أنا شايف بما أنها عاوزة تدخله تدخله ... وهو مجال مش وحش وانا واثق فيها انها هتبقي حاجة كويسة
الام = حاضر ي حج اللي تشوفه
___________________
بعد محايله َكلام كتير مع ماما بدأت تقتنع اني ادخل تمريض.. والحمد لله قدمت تمريض وبفضل الله قبلت وبدأت مرحله تعليميه جديده تحت رفض امي..كنت متفوقه طول سنين تعليمي الحمد لله.. كان التمريض حلمي.. بس انا قولت ابدا الرحله دي بدري قبل الثانويه..
__________________
دخلت تمريض ومكانش معايا اي حد او بمعني اصح مكنتش عارفة حد اصلا .... كنت لوحدي ف المدرسة لحد ما لقيت بنت طيبة وفرفوشة كدة ولحسن الحظ كانت قاعده جنبي ف الديسك
نور= ازيك
البنت= الحمد لله ... انتي عاملة ايه
نور=يدوم حمدك ي رب ... أنا الحمد لله والله
أنا نور وانتي ؟
البنت = أنا اسمي بريق
نور= الله اسمك حلو اوي
بريق= تسلميلي انتي الاحلي والله
نور =حبيبتي .... مديتلها ايدي وقولت .. نبقي صحاب
بريق= نبقي صحاب
ومن يومها واحنا بنقرب من بعض تدريجيا....
بدأنا ننزل عملي ف المستشفي وكنت بكون دائما أنا وبريق في نفس قسم التدريب
وف يوم كنا ف قسم الاطفال وبنتابع حالات الاطفال وبنشوف المحاليل والكانيولات وفجأة لقيت واحدة ست بتزعق لبريق
الست= ابعدي كدة غوري متمسكيش المحلول واندهيلي علي ممرضة كبيرة
بريق= هو في ايه حضرتك بتزعقي ليه كدة
الست = ي ستي ابعدي أنا مش عاوزاكي تيجي عند ابني غوري ف داهية بقا
وفجأة بريق خرجت م الاوضة خالص وانا طبعا مينفعش اسكت (صاحبتي وكدة 😂)
روحت للست وبدأ الحوار كالاتي
نور = انتي بتزعقيلها كدة ليه هي عملتلك ايه
الست = وانتي مالك انتي
نور = لاء مالي ونص دي صاحبتي ومينفعش تزعقيلها كدة وخصوصا انتي اللي قولتي عاوزة حد يشوف المحلول كمان حرام عليكي اتقي الله ده انتي قاعدة ب ابنك مريض بتدعي علي البنت وابنك تعبان حرام عليكي 😒
سبتها ومشيت وروحت لبريق لقيتها بتعيط جامد
نور= بتعيطي ليه انا جبتلك حقك خلاص
بريق = أنا مدايقة أنها زعقتلي من غير ما اعملها حاجة والله هي اللي ندهت عليا وقالتلي شوفي المحلول
نور = خلاص متزعليش عشان خاطري أنا مسكتش وجبتلك حقك ي ست البنات كلهم
بريق= ربنا يديمك ليا بجد مش عارفه من غيرك كنت هعرف اطلع تاني او اكمل اليوم ازاي والله
نور = انتي اختي واللي يزعلك افشفشه كدة 😂
( استوووب ... بريق دي اقل ما يقال فيها انها ملكة جمال كدة ... قمراية اوي كمان قلبها ابيض وطيبة خالص ومختمرة وعيوطة حضرتك 🙂😂)
*يتبع*😉
#مــــــــــــــــــنه_الغريب
