The Yellow Umbrella (Chanbaek Oneshot)

The Yellow Umbrella (Unicode)

Suggested Song- Yellow by Coldplay

ခဲသားရောင် တိမ်စိုင်တွေရယ်...
ရုတ်ချည်းလှပသွားတဲ့ မိုးစက်တွေရယ်...
ထီးအဝါလေးရယ်...

☂☂☂

အခန်းထောင့်က သစ်သားစားပွဲလေးပေါ်မှာ ချန်းယောလ်ရဲ့ဒိုင်ယာရီစာအုပ်ကလေးရှိနေတယ်။

စာအရေးပျင်းတဲ့ ပတ်ချန်းယောလ်အတွက် ဒိုင်ယာရီစာအုပ်ဆိုတာ ဝယ်ရကောင်းမှန်းကို မသိတဲ့အရာလို့ဆိုနိုင်တယ်။ ဒါပေမယ့် မှတ်မှတ်ရရ 2018ရဲ့ မိုးရွာတဲ့တစ်နေ့မှာ ချန်းယောလ်ဟာ leather အဖုံးလေးနဲ့ ဒိုင်ယာရီကလေးကို ဝယ်ယူခဲ့တယ်။

အဝါရောင်လေးရဲ့အကြောင်းတွေကို မှတ်တမ်းတင်ထားဖို့....။                    

ဒိုင်ယာရီစာအုပ်ကလေးရဲ့စာမျက်နှာတိုင်းကို '노랑색'ဆိုတဲ့ အဝါရောင်လို့အဓိပ္ပါယ်ရတဲ့ စကားစုကလေးနဲ့စတင်ထားပြီး နေ့စွဲတွေတခုတ်တရမှတ်လို့ သပ်သပ်ရပ်ရပ်ရေးထားတယ်။

ဒိုင်ယာရီကလေးရဲ့ ပထမစာမျက်နှာမှာ Julyလရဲ့နေ့စွဲတစ်ခုက နေရာယူပါတယ်။

  ☂☂☂                           

4th July, 2018

ဘူချွန်းမြို့ကလေးရဲ့နေ့လည်ပိုင်းဟာ မိုးသားတိမ်စိုင်တွေကြီးစိုးထားတာကြောင့် ခပ်နွေးနွေးဖြစ်လို့နေတယ်။ ပူစပ်ပူလောင်ရာသီဥတုကို မနှစ်သက်တတ်တဲ့ ချန်းယောလ်လေးကတော့ အကြိုက်ကိုတွေ့လို့။

အပြင်ထွက်ရင် နေပူကြီးနဲ့သိပ်စိတ်ညစ်စရာကောင်း။ ဒီလိုလေးဆိုတော့ ဘယ်လောက်စိတ်ချမ်းသာစရာကောင်းလိုက်သလဲ။

ပြည်သူ့စာကြည့်တိုက်ထဲကထွက်လာတဲ့ ချန်းယောလ်ဟာ earphone ကို နားထဲထိုးထည့်လို့ Something just like thisသီချင်းကို ခပ်တိုးတိုးလိုက်ညည်းနေတယ်။ လုံခြုံရေးဦးလေးကြီးဆီအပ်ထားတဲ့ skateboard ကိုပြန်ယူလို့ ခုန်တက်လိုက်ဖို့ကိုလည်း မေ့မနေဘူး။