امين الشرطه عزيز: حمزه باشا جثة في الخرابه والجثه لسه طازه
حمزه: هي اكل ياعزيز؟؟ حسام باشا وصل
حسام: انت تقول اسمي اكون موجود... حمزه باشا حبيبي
حمزه: مفيش وقت للسلام حتي... لقيو جثه في الخرابه
حسام: عصبح كدا؟؟
ويتحرك حمزه وحسام لمسرح الجريمه
حمزه: جثه طازه زي مقال عزيز بجد.
حسام: من قعدك مع عزيز تفكيرك بقي زيه
حمزه: نورني ياوزير
حسام: قضيه جلال باشا
حمزه: تقصد جلال بتاع عابدين
حسام: الجثه مرميه في الزباله مضروب بحاجه حاده علي راسه ومضروب ضربه قاتله في القلب
حمزه: يخرب بيت دماغك... انت عارف معني كلامك دا ايه؟؟
حسام: دخلين علي طييين.... سفااااح
حمزه: ماتوحد الله في قلبك ياباشا.... سفاح ايه بس دي صدفه
حسام: صدفه؟؟ احنا لسه من اسبوع كنا مع جلال سهرنين وهو نفسه قالك انها مش جريمه قتل عاديه
حمزه: كان يوم اسود لما طلعنا دفعه وحده
عزيز: الجثه هتتشال ياباشا
حمزه: تمام مين اول اللي شاف الجثه ياعزيز
عزيز: وحده ست بس طلعت خرفانه
حسام: خرفانه ازاي
عزيز: عماله تقول ان مرات ابنها هي اللي قتلتو ورميت الجثه هنا
حمزه: حلو يبقي مرات ابنها تشيل الليله فين الست دي ياعزيز
عزيز: مرات ابنها عايش في امريكا ياباشا ومنزلتش مصر من 6 شهور ... مش بقولك وليه خرفانه
حسام: هي فين الست دي ياعزيز
عزيز: سكنه في العماره اللي قدام الخرابه
حمزه: كمل شغلك ياعزيز وانا والباشا هنطلع ليها
عزيز: تمام ياباشا
ويطلع حسام وحمزه ويطلبو من الست يتكلمو معاها
الست: اسمي عزه سني 65 سنه يابني
حسام: ياحجه احنا طلبنا نقعد معاكي ندردش شويه مش محضر رسمي.
عزه: ومالو يابني... تشربو شاي ولا قهوه
حسام: لو شاي يبقي تمام اوي
وتقوم عزه عشان تعمل الشاي
حمزه: الست كويسه وزي الفل فين انها خرفانه
حسام: واضح من الصور اللي في الشقه ان عندها 3 عيال
وترجع عزه بالشاي
عزه: فعلا كان عندي 3 عيال
حمزه: ربنا يبارك فيهم ياحجه
عزه: يبارك لمراتتهم
حسام: هما مش عايش في مصر
عزه: ابني و بنتي عايشين في بلاد بره وابني الكبير هو اللي كان عايش في مصر وهو سافر هو كمان
حسام: حضرتك اول حد شاف الجثه
عزه: انا اللي شوفت الجثه انهارده اصبح وعرفت انها انسان مش زباله
حمزه: كويس كانت الساعه كام ياحجة
عزه: الساعه 7.30 صباحاً كنت وقفه في البلكونه وفضلت مركزه معاها شويه شكلها مش كيس زباله وفي الاخر اتاكد انها انسان فضلت ازعق واتصلت بالنجده
حسام: شكرا ياحجه معلش هنرجع تاني ناخد اقولك في محضر رسمي
عزه: مفيش مشكله يابني... بس مش دي بس اقوالي
حسام: اقوالك؟؟
عزه: ههههههههه بنتعلم من التليفزيون
حمزه: وايه هي اقوالك؟؟
عزه: انا شوفت اللي رما الجثه امبارح
حسام: شوفتيه ازاي
عزه: صحيت بليل في وقت متاخر وكنت مخنوقه خرجت واقعد في البلكونه بشكي همي لي رب السماء والارض... في عربيه جت ورميت حاجه ومشيت... واصبح اكتشفت ان الحاجه دي هي الجثه
حسام: انتي شوفتي اللي كان راكب العربيه
عزه: لا... ولا رقم العربيه
حسام: عرفنا ان حضرتك بتقولي ان اللي رما الجثه تبقي مرات ابنك
عزه: ههههههههه حد قالك اني مجنونه
حمزه: لا طبعا ياحجه
عزه: انا مرات ابني امريكانيه وعايشه في بلدها
حسام: اومال امين الشرطه قال كدا ليه؟؟
عزه: عشان قولت ان اللي قتل القتيل دا ست... جباره زي مرات ابني
حسام: ممكن توضحي كلامك
عزه: اوضح كلامي عن الجثه ولا عن مرات ابني
حمزه: ياريت الاتنين
عزه: اللي رما الجثه امبارح كان مش عارف يرفعه ولما رماه شاط برجله زي الكوره وركب العربيه ومشي... المشيا تحساها حريمي الحركات حريمي
حسام: وموضوع مرات ابنك
عزه: مرات ابني من امريكا.. شوفت البنات اللي تفضل تضرب بعض وتشد شعر بعض في التليفزيون
حمزه: تقصدي المصارعه؟؟
عزه: ايوه المصارعه... اهي مرات ابنك وحده منهم جباره تضرب وتكسر وهي لبسه جزمه بكعب يجي عشره متر
حمزه: البنات اليومين دول بتروح الجيم وتبقي فيها صحه عننا احنا ياحجه
عزه: ههههههههههه والله يابني لما ابني قالي هتجوزها قولتلو بلااااش مش هتعرف تتكلم معاها وهتخاف تزعل منك احسن تضربك ومرضيش يسمع الكلام
حسام: المهم انهم عايشين مع بعض في سعاده
عزه: عايش معاها في بلدها شكله خايف يجي هنا واعرف انها بتضربو هههههههه
حمزه: لا ياحجه المصري معروف بجبروته
عزه: بزمتك.... بزمتك... وشاهد عليك ربنا.... مابتخافش من مراتك
حمزه: ها؟؟؟ بخاف فيها ربنا ياحجه
عزه: اهو الجيل اللي طالع بطه بلدي بين الراجل وامراته هههههههههه وانا ابني مش واخد اي وحده دي لو طولت معاه في سلام الايد الواد يتجبس
حسام: ههههههههههه اتشرفنا بمعرفتك هبقي اجي تاني عشان نكتب محضر رسمي
عزه: تشرف يابني
