بصت مريم على الورقة اللي في ايدها بابتسامة.. واخيرا عرفت السبب اللي كان مخليها تنام كتير وتحس بالنعاس بسرعة.. هي حامل.. فرحتها كانت متتوصفش وقلبها بيدق بسرعة.. عايزة تروح تقول لمحمد حالا بس لا.. لازم تعملها مفاجاة.. لازم تعمل حاجة مميزة.. بصت في ساعتها.. محمد لسه قدامه بدري على ما يرجع.. كويس قامت بسرعة ترتب كل حاجة. بعد ما جهزت الاكل وكل حاجة راحت لبست فستان لبني رقيق وسادة وفردت شعرها البني اللي طول ورجع اطول من الاول وقعدت تستناه وهي بتفتكر تاني يوم بعد ما سامحته ورجعوا لبعض.
فلااااااش
صحيت مريم من نومها وبصت حواليها.. دي مش اوضتها بس.. بس مالوفة.. اه صح دي الفيلا اللي قضوا فيها شهر العسل.. ابتسمت وجات تقوم حست بحاجة غريبة، بصت على ايدها لقتها مربوطة بحبل.
محمد: صباح الخير يا حياتي كل دا نوم؟
بصت بسرعة على محمد اللي كان واقف عند الباب وفي ايده تفاحة وبيقسمها بالسكينة ببرود.
مريم بصدمة: محمد ايه اللي في ايدي دا؟!
محمد قعد جنبها ببرود: حبل.
مريم لسه مصدومة: عارفة انه حبل بيعمل ايه في ايدي بقى؟
محمد: تاكلي تفاح؟
مريم: محمد جاوبني انت ليه رابط ايدي بالحبل؟
محمد مسك السكينة وقطع حتة من التفاحة بهدوء: وهو انتي فاكرة اني هعديلك كل حاجة بالساهل كدا؟
مريم بلعت ريقها: حاجة ايه؟
محمد بهدوء مخيف: عدي عندك، واحد خرجتي من المستشفى بدون اذني، اتنين سافرتي لوحدك وبردو بدون اذني، تلاتة قصيتي شعرك ولسه بدون اذني وانتي عارفة اني بحبه طويل بس سكت عشان نرجع لبعض وبعدها هندمك.
مريم اتصدمت من كلامه: بس يا محمد انت عارف كويس اني كنت محتاجة ابعد ولو كنت قولتلك مكنتش هتسيبني اسافر.
محمد بتهكم: اه فتقومي تسافري من ورايا ومش مهم جوزك اللي قلبه كان هيقف من الخوف انه يجرالك حاجة، انتي عارفة لولا اني بعت وراكي ناس تراقبك وتطمني كان زمان قلبي دا تعب من كتر الخوف والقلق عليكي.
مريم اتصدمت اكتر: بعت رجالتك ورايا؟!
محم: اه اومال انتي كنتي عايزاني اقعد كدا مكاني وانا بعض على ايدي لحد ما ترجعي؟!
يعني هو ساعتها مش مكنش مهتم او بيعاملها ببرود لما مسالش عليها لا هو كان مهتم للدرجة اللي خلته يبعت حد وراها بس مكلمهاش لانها هي اللي طلبت المساحة دي منه. ظهرت ابتسامة واسعة وجميلة على شفايفها استغربها محمد.
مريم: طب انا اسفة انا غلطت ينفع تفكني بقى؟
محمد ببرود: لا ولا!
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
