متكونيش شخصيه ضعيفه...!
"صلوا على الحبيب"
طبعًا انتو عارفين إن اللي شخصيته ضعيفه دا فيعتبر بيواجه مشاكل كتير جدا وصعوبات ، ومواقف مبيعرفش يتصرف فيها ولا يتعامل معاها ازاي نهائي .. فإنك تكوني شخص ضعيف دي حاجه صعبه اوي بالذات لو بنت ..!
انتي هتكوني شخص ضعيف لأسباب كتير جدا ، ومنها إنك مبتحبيش نفسك ولا بتهتمي بنفسك ومش مديه لكرامتك أهميه وإنها لازم تكون فوق اي حاجه حتى لو بتحبيها مهما كانت إي ولو حتى عشان بني آدم ، وكمان لما بتدي رأي معين في بعض الحورات أيًا كان اللي قدامك بيصدك مثلا فمش بتوقفيه عند حده أو مش بتسمحيله ميقللش من رأيك ، ولما تيجي تحبي حد بتحبيه ، وبتديله كل اهتمام العالم كأن اللي قدامك دا خلاص مفيش زيه فبالتالي هيضمن إنك بتحبيه فهيمشي عشان عارف إنك ضعيفه وضمن وجودك ، والبني آدم طبعه كدا لما بيضمن وجود حاجه بيطنشها ولما بيخسرها بيندم عليها لو كان بيحبها ، ولو مشي انتي هتفضلي مدلوقه عليه فخلاص هتشوفي إنك ضعيفه ، ولسا فيه أسباب كتير بتضعف من شخصيتك...
اولاً عشان تبقي شخص قوي والقوة هنا مش معناها إنك هتستقوي على اللي قدامك لا أكيد .. معناها إنك هتعرفي تتعاملي مع اللي بيستقوى على الناس واللي بيشوف نفسه عليكي ... لازم عشان شخصيتك تبقى قوية لازم وضروري تحبي نفسك تحبي شكلك جسمك اسلوبك طريقتك تفاهتك عصبيتك تحبي كل حاجه فيكي بلا إستثناء ويوم ما هتغيري حاجه فيكي فهتغيريها عشان نفسك و انك حابة تغيريها لنفسك ..لكن هتغيريها عشان شخص ! فإنسي إنك تحبي التغير دا وهيجي عليكي وقت تبقي كارها إنك عملتي كدا عشان اللي قدامك قالك تعملي كدا ، وخليكي عارفه إن اللي بيحب حد بيحبه بكل حاجه ويوم ما هيغيَر فيه حاجه فهيكون بيدي رأي يعني يقف جمبك ويدعمك ويعرفك مثلا إن الإسلوب دا مش كويس لو بشرتك كذا ممكن نلاقي طرق نخليها كويسه .. اللي قدامك مثلا شايفك مش لاقيه حل لمشكلتك وازاي تخسي مثلا فيساعدك ... هيبان من اسلوب الشخص اللي قدامك عايز يغيَر منك عشان مش حابب دا ولا عايز يغيَر منك عشان حابب إنك تبقي احسن في نظرك قبل نظره ، وكلنا بنعرف نفرق من الإسلوب بس انتي الي بتكبري دماغك وتقولي اكيد بيحبني سواء صديقتك خطيبك زوجك ....
يعني عشان تبقي واثقه من نفسك لازم تثقي من نفسك اساسا الاول ... يعني ميهمكيش كلام حد دا بالنسبه لشكلك وجسمك واسلوبك وهكذا .. لازم تبقي عارفه إن فيه أراء وحشه وأراء جميلة وزي مافيه ملح فيه سكر .. يعني متزعليش بقى وتعيطي بالدموع إن حد قالك انتي وحشه ولبسك وحش وتخينه والشغل اللي الناس بتعمله دا ... اصلك هتتأثري بكلامهم يبقى هتعيشي في حزن ديمًا .. لا انتي تتأثري باللي يديكي كلام جميل الحنين اللي بيحسسك إنك مش ناقصك حاجه دول بس اللي تديهم أهميه غير كدا خدي من ودانك الشمال وطلعي من اليمين أو العكس زي ماتحبي..😂😌
بطلي تقعدي مع نفسك في الدروس في الجنب لوحدك كدا ، وتحسسي نفسك إنك وحيدة ومحدش بيحبك لما هيلاقوكي مبتتعامليش وتقيلة طبيعي محدش هيقرب منك الا اللي هيستحمل دا .. بس انتي اساسا اكيد مش حابة تبقي لوحدك وفي ركن مع نفسك كدا .. اكيد نفسك تتعاملي وتتكلمي وتصاحبي وتهزري ويبقى ليكي شلة ، وخدي بالك الوحدة وحشه .. أولا لما تيجي بعد ما خلاص اتعودتي على الوحدة هتيجي بقى تكبري وطبيعي هتتعاملي مع اشخاص هتحسي بإحراج ومش عارفه تتناقشي ولا تتكلمي ولا تتعاملي وتحسي إن هي اول تجربه ليكي ودا غلط مش صح عندك طرق كتير تتعرفي فيهم على اصدقاء كويسين ... فيه بنات بيعملوا جروب ويكونوا صُحبه صالحه ويتكلموا عادي منها هتكسبي اصدقاء حتى لو سوشيال واغلبية اصدقائنا سوشيال أساسا ، ومنها هتثقي في نفسك ، وموضوع انك تبقي وحيدة دا مش هتفكري فيه ، وفيه طريقه تانيه وهي إنك تتكلمي مع البنات اللي في الدرس معاكي مثلا تسأليهم عملتوا المسألة دي ازاي ، هو الاستاذ جه ولا لا أو حد قرأ درس إنهاردة مثلا ، ولو غبتي تسألي خدوا إيه تتكلمي اتعودي تفتحي مواضيع ، وواحدة واحدة كلكم هتتعرفوا وهتبقوا صحاب مش لازم تبقوا اوي بس تبقوا صحاب في بعض .. مثلا في الشغل اتكلموا مع بعض افطروا سوى احكوا لبعض يومكم كان عامل ازاي واي مثلا حصل فيه مميز وبعدين البنات بطبعها رغايه يعني 😹🙅🏻♀️
وهفضل اقولك الوحدة وحشه فلازم تتعودي تتدخلي ناس في حياتك ويكونوا صالحين وكويسين وبيقدروكي وبيفهموكي وحنينين عليكي لأن غير كدا يعني العكس فهتتعبي ، ومحدش حِمل للمساسيه وليه مكلمتنيش ، ومسألتيش ليه عليا ، ومبتحبنيش ليه ، وليه بتعامليني كدا .. لا متعمليش كدا حِبي اللي يحبك واهتمي باللي بيهتم وياستي لو لاقيتي اللي قدامك وحش ياتمشي وتسبيه خالص ولو منفعش تمشي خلاص يبقى تصديه وتتطنشيه وكدا كدا بيكون درس ليكي ... إنما هتكتمي وبتاع فدا هيأذيكي إنتي مش هيأذي اللي قدامك خالص يعني لازم تريحي عقلك عشان هترتاحي بعدين ....
لما تبقي وسط مجموعه من اصدقائك وكدا وبتتكلموا عادي وجيتي تتكلمي ولاقيتي حد بيألش وبيتريق علي
كي أو قلل من رأيك فدا توقفيه عند حده ... ليه بقى عشان اللي بيعمل حاجه مرة ياهيعملها تاني عشان هو مش عايز يتغير ، يا مش هيعملها لأنه عِرف إن دا غلط فانتي اكيد عارفه الشخصيه دي على إيه لاقتيها بتقلل منك مرة ورا التانيه يبقى معلش نقطه وابدأي تباني ناشفه اللي هو ازاي اتحولت كدا وساعتها الشخص دا مش هيكررها لانه طبيعي يخاف تهزقيه او تحرجيه مع إن الإنسان اللي قدامك بيكون هو اللي بدأ بس اوعي تقولي انا طيبه ومبحبش اعمل كدا مهي دي من ضمن إنك تبقي ضعيفه ! الطيبه لما بتزيد عن حدها اوي هتاخكي على دماغك كتير جدا فلازم توازني مع الكويس واللي مش كويس... حبيبتي الشخص اللي قدامك هيبقى شبهك في بعض الحاجات وحاجات تانيه لا .. فطبيعي هيجي يوم ، وتتعاملي مع الحاجات التانيه دي لاقتيها كويسه وطيبه خلاص اتعاملي بطيبه وكوني شخص كويس لاقتيها خبيثه ومش كويسه ياتمشي ومتعرفيهاش تاني يا تصديها لو بتضايقك كذا مرة وتطنشيها ...
اوثقي في نفسك واهتمي بنفسك متسمحيش لحد يقلل منك خلي اللي قدامك يبقى عارف إنه بيتكلم مع شخصيه واثقه من نفسها ، ومحدش يعرف لا يوقعها بكلمه ولا يأثر فيها ولازم تثبتي على دا وتكوني شخصيه كويسه وبتتعاملي بإحترام وعادي اتعاملي بشخصيتك اللي متعودة عليها ، لكن هتتقللي من نفسك هتلاقي اللي حواليكي بيستضعفوكي ، وهيعملوا فيها إنهم بقى الأقوى وإن محدش قدهم مع إن لا قوي غير الله وهما مجرد ناس زيهم زيك بس قولتلك زي مافيه سكر فيه ملح ... ولازم تتعاملي مع النوعيين عشان تاخدي الخبرة وتدوقي من دا ومن دا هتجربي نوع واحد طول عمرك هتيجي تجربي التاني هتلاقي نفسك مش عارفه تتعاملي ولا تتصرفي وإن دي حاجه جديدة عليكي .. عشان كدا متزعليش لما تقابلي ناس مش كويسه هي هتبقى خِبرة ليكي وحكمه من ربَنَا هتعرفيها بعدين فمتزعليش لأنك هتعرفي الحلو ، وهو بيكون العوض عن أي حاجه وحشه وصدقيني عوض ربَنَا كفيل يمحي الوحش اللي شفتيه في حياتك ...
بحبك جدا خليكي قوية مهما كان اللي حواليكي عايزينك تقعي وتبقي فاشلة .. لا انتي طول ما متوكلة على ربَنَا واللي مع ربَنَا هيفضل ديمًا مبسوط وقوي عشان هيفهم إن رضا الناس مش هيفرق معاه غير مع اللي يستحق وبس ، أما اللي بيبعد عن ربَنَا فهيتأذي من الناس ... خليكي ديمًا شايفه إنك هتبقي احسن وإن ربَنَا مبيجبش حاجه وحشه وإن انهاردة حصلي حاجه أو إبتلاء فهي مش وحشه لا هي هتعلمني هعمل اي بكرا ودي احسن ماتبقي تايهه ومش هتعرفي تتصرفي ساعتها ....
متخليش حد يقلل منك هفضل اقولهالك ومتفكريش إن اللي قدامك مكنش قصده لا بيبان عمل كدا عن قصد او لا مكنش قصده ، وعايزة أقولك إن محدش بيجرح حد من غير قصد ! كل واحد عارف بيعمل اي كويس لكن بعض الأوقات ممكن انتي اللي فهمتي غلط مثلا فاللي قدامك ساعتها هيبقى مكنش قصده وهيفهمك قصده غير كدا بيبان بس قولتلك انتي اللي بتطنشي ، ولو لاقيتي إن خلاص اللي قدامك معملش كدا تاني سواء قلل منك او جرحك وندم فعلا فسامحيه وكدا ومتشليش جواكي منه طالما انتي شايفه إنه يستحق فرصه تانيه ...
خليكي قوية كدا وواثقه من نفسك ومحدش يقلل منك مهما كان الشخص دا عندم إي ... عشان تعرفي تتعاملي مع الناس ومتبقيش شخص جبان ودايمًا خايف من الناس ومن رأيهم فيكي لا عادي اتوكلي على ربَنَا وابدأي يومك بتفائل وبإبتسامتك الجميلة..❤️🌚
أنت تقرأ
هنصعد سلم الالتزام معا🥺💜🌸
Espiritualبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
